The Grenadiers (Indian Army)

The Grenadiers hi Indian Army hnuaia Infantry Regiment Senior pawl tak an ni.

History
The Grenadiers te hi British Indian Army hunlai a din ani a, British hoin Presidency hunlai atanga a din ani. 1778 khan Bombay Army hnuaiah hian Battalion thar an din dawn a, chu chu 4th Bombay Grenadiers tiin a lo piang ta ani. "Grenadiers" tih hian tunhma chuan sipai a Grenade vawm pawl an ni thin a, chuvang chuan a sipai te pawh palian, huaisen leh chak pui pui hlir an la thin ani. 1778 hun vel hi ralthuam Technology te tlemin a lo san ve tawh avangin Infantry sipai te pawn an silai mai bakah Grenade te pawh pai ve an ching ta zeuh zeuh a, mahse "Grenadiers" tih kalhmang hian Infantry turin din ni mahse Grenadiers kalhmang ang thoin ralbeih na a hmelma va nawr leh pawmchilh hmasaber pawl an nih dawn avangin huaisen leh chak/palian te an la ta fo ani.

Hun a lo kal zel a, indonna ah te an hmang nasa ta zel a, chumi avang chuan Presidency hunlai leh hnu khan tih tam zel a lo ni ta a, an huaisen leh indonna a an hmingthat zel avangin 12 November 1779 khan Governor-General of Bombay chuan Bombay Army a Infantry Battalion hrang hrang a Grenadier Company a lo din te leh 4 Bombay Grenadiers te chu zawmkhawmin khawvela Grenadier Regiment hmasa ber ni turin "The Grenadier Battalion, First Regiment of Infantry" a lo din ta ni. A tir chuan Battalion 6 leh Marine Battlion hnuaia Company 2 a ding ani.

British-Indian Army hnuaiah leh Independent India hnu ah pawh indonna hrang hrang ah an Unit te hi an la tel fai ta vek ani. Second Anglo-Afghan War, Third Burmese War, Third Anglo-Afghan War, First World War, Second World War, 1965 Indo-Pak War, 1971 Indo-Pak War, 1999 Kargil War leh UN Mission hrang hrang ah te an tel zel ani, Battle Honors pawh an la nasa hle a, tin Independence hnu phei chuan Indian Army Infantry Regiment te zingah he Regiment hi India sipai huaisen chawimawina sangber "Param Vir Chakra" la hnem ber an ni nghe nghe a, he Regiment atang hian sipai pathum ngatin PVC hi an la tawh ani. Tin Victoria Cross pawh pakhat an la nghe nghe ani.

Tunah hian he Regiment ah hian hnam/Caste hrang hrang atanga lak an ni. Jats, Rajputs, Dogras, Kayumkhanis, Muslims, Ahirs, Gujjars, Meenas, Kutchies leh other Indian Castes te an tel fai vek ani. An Regimental Centre hi Jabalpur, Madhya Pradesh ah a awm a, tunah hian he Regiment hian Battalion 19 a din tawh a chungte :

☀ 2nd Battalion (102nd KEO Grenadiers)

☀ 3rd Battalion (108th Infantry)

☀ 4th Battalion (109th Infantry)

☀ 5th Battalion (112th Infantry)

☀ 6th Battalion

☀ 8th Battalion

☀ 9th Battalion (ex-State Forces unit)

☀ 11th Battalion (ex-Territorialbattalion)

☀ 12th Battalion

☀ 13th Battalion

☀ 14th Battalion

☀ 15th Battalion

☀ 16th Battalion

☀ 17th Battalion

☀ 18th Battalion

☀ 19th Battalion

☀ 20th Battalion

☀ 21st Battalion

☀ 22nd Battalion