Naga Regiment

Naga Regiment hi Indian Army hnuaia Infantry Regiment pakhat ani a, Ranikhet, Uttar Pradesh ah an Regimental Centre a awm ani.

History:
NE India a hnam dang te angin tunhma atang khan Naga thalai te chu Assam Regiment ah hian an tel nasa ve fo tawh a, mahse kum 1960 khan Naga People's Convention te chuan India venhimnna lamah hian an tel tam zawk theih na turin Indian Army ah an hnambil hminga Infantry Regiment hran neih chu India Sorkhar nen an inbiakna ah an rawt ta ani.

He Naga mipui ho thil dil chu India sawrkar chuan ngai pawimawh in, 1 November 1970 khan Kumaon Regimental Centre, Ranikhet, Uttar Pradesh ah chuan he Regiment hi din ani a, an Battalion pakhatna (1 Naga) chu Lt. Col. RN Mahajan a kaihruaina in din chhoh ani ta ani. He Regiment thar hi Regiment te chi a nih dawn avangin Regiment lian atanga siam leh enkawl ani dawn thung a, Naga ho chuan eng Regiment lian hnuai a awm nge tha ang an tih hnu chuan Kumaon Regiment hnuai a din chu an duh ta a. Tunhma Nagaland buai tan leh British in India a awp lai atang khan Kumaon Regiment atanga Batalion te hi Nagaland ah hian an duty fo tawh thin a, Naga ho nen hian an lo inmilin Kumaoni sipai te hi an lo zah hle ni tur ani. Tlangmi ve ve chu an inman nghal avangin he Naga Regiment thar pawh hi Kumaon Regiment ah beh an thlang ta ani.

He Regiment ah hian sipai 50% te chu Naga hnam anni a, chuan 50% dang te chu Kumaoni, Garhwali leh Gorkhali an ni. A tir phei chuan Naga Regiment an din tirh hian Naga tlangval, hel pawl zawm thin, rawn in Surrender te chu lak an ni nghal a, a then lo tang rei tawh phei chu Training an zawh hnu ah NCO/JCO Rank te Direct a pek nghal an ni nghe nghe. A 2nd Battalion chu 11 February 1985 khan din leh ani bawk.

He Regiment hi an dintirh atang khan indona hrang hrang ah an tel nasa hle a, 1971 war ah te khan Vir Chakra pakhat leh Sena Medal pathum an dawng nghe nghe. Kargil War ah phei kha chuan 1st leh 2nd Naga Battalion te hi an tel ve nghe nghe a, an che tha hle a, Unit Citation COAS atang an dawng nghe nghe ani. Tin UN Mission Sudan ah pawh 2nd Naga Battalion hi an tel tawh nghe nghe a, UN Force Commander's Appreciation Card an dawng bawk ani.

Tunah hian Battalion pali a nei mek a, pali zinga pakhat hi TA(H&H) Battalion ani.

☀ 1st Battalion (Bahadur Paltan)

☀ 2nd Battalion (Head Hunters)

☀ 3rd Battalion

☀ 164 Inf Bn (TA) (H&H)

Tunhnai ah hian India sawrkar leh Nagaland State in inremna a siam dan ang hian kalpui a harsa aniang, Naga thalai te hi he Regiment ah hian an tlem hle a, tin tlanbo te pawh an awm nual a, hemi avang hian qualification te pawh ti hniam sak an ni a, tin Indian Army pawn he State ah hian sipai a tang tur in hma a la nasa hle bawk ani.