Sikh Light Infantry (Sikh LI)

Sikh LI hi Indian Army hnuaia Infantry Regiment a ni a, an Regimental Centre chu Fatehgarh, Uttar Pradesh ah a awm a ni. Sakhaw hminga Indian Army in Regiment a neih pahnih zinga pakhat a ni a, pakhat leh chu Sikh Regiment a ni.

History:
Hmanlai khan Mazhabi Sikh te hi British ho khan sipai ah an chhawr nasa em em a, a tir chuan Mazabhi and Ramdasia Sikh Regiment an ti a, Sikh Pioneers atang te pawhin he Regiment hian chanchin thui tak a nei ani. Heng Mazhabi Sikh te Anglo-Sikh Wars ah te hian an huaisen avangin British chuan sipai ah a lalut teuh a. Kum 1849 khan Sikh sipai te hi Kumpinu in a hneh hnu khan kumpinu sawrkar hian sipai atan a hmang ve ta zel ani.

British ho chuan 15th (Pioneer) Regiment of Punjab Infantry tiin 1857 khan a din a, chumi hnu ah 32 leh 23 te a din leh ani. Indopui pakhatna leh pahnihna ah te an tel a, hun a rei zel a 1944 khan heng Mazhabi Sikh te ho awm khawmna sipai pawl hrang hrang te hi lak khawm niin Regiment pangngaiah vawm khawm vek an ni a, Sikh Light Infantry chu a lo piang ta ani.

Tun thleng hian Sikh LI te hi an tha hle a, Special Force ho va pui tur deuh bika koh fo an ni. Tin he Regiment atanga an 9th Battalion (9 Sikh LI) phei chu Amphibious Operation (Marines) tura duan leh train an ni nghe nghe ani. Indo-Pak War 1965, 71 leh Sri Lanka ah te an tel ta fo reng ani. Tin he Regiment hian Indian Army COAS pahnih VP Malik leh Bikram Singh te a lo chher tawh bawk ani. Gen VP Malik (10 Sikh LI) chu Kargil War laia COAS ani a, Gen. Bikram Singh chu tuna Army Chief kalchhuak chiah kha a ni.

Sikh LI te hian an Ceremonial Weapon ah hian hmanlai ralthuam Chakram hi an la keng reng a, an Turban chungah an dah thin ani.

Sikh LI hian Mazhabi leh Ramdasia Sikh hnam te atangin a sipai te hi a la thin a, Officer te erawh chu Indian Army Officer hrim hrim an awm thei vek ani, Sikh nih kher a ngai lemlo. Tin heng Unit te hi an din tawh bawk:

☀ 1st Battalion

☀ 2nd Battalion

☀ 3rd Battalion

☀ 4th Battalion

☀ 5th Battalion

☀ 6th Battalion

☀ 7th Battalion

☀ 8th Battalion

☀ 9th Battalion (Marine)

☀ 10th Battalion

☀ 11th Battalion (Steel Fist)[1]

☀ 12th Battalion

☀ 13th Battalion

☀ 14th Battalion

☀ 15th Battalion

☀ 16th Battalion

☀ 103 Infantry Battalion (Territorial Army)

☀ 158 Infantry Battalion (Territorial Army) (H&H)

☀ 163 Infantry Battalion (Territorial Army) (H&H)