Rajput Regiment

Rajput Regiment hi Indian Army infantry Regiment pakhat a ni a, an Regimental Centre chu Fategarh, Uttar Pradesh ah ani.

History:
Hmanlai a Rajput hnam te hi indo an hrat tih chu kan hre theuh ang. He Regiment hi a rawn in din dan leh an pu te ho kan chhui dawn chuan kum 1778 khan British sawrkar chuan Rajput hnam te hi sipai ah la in 31st Regiment Bengal Native Infantry tiin a din a. a hnu ah Battalion dang pahnih din leh ani a, British ho chuan an ram zauh nan an hmang tangkai hle ani. He Regiment thar te hi an inchhuang hle a, Second Anglo-Maratha War a Bharatpur indona ah phei kha chuan Maratha hoin an Regimental Colours/flag an chhuhsak a, a hnu ah he Regiment hian chhuhsak let lehin, a lo tet tawh te chu thui tha lehin a ngaiin an hmang chhunzawm ani.

Indopui pakhatna lai vel khan heng Rajput Unit te hi lakhawmin 7th Rajput Regiment tiin din nawn leh ani a, kum 1922 khan British-Indian Army te chuan a sipai kalhmang te chu siamthain he 7th Rajput Regiment te hi a hma number paih in "Rajput Regiment" tiin a hming a thlak ta ani.

Chawimawina an dawng nasa hle a, tin indona hrang hrang ah an tel chhunzawm zel a. He Regiment a Officer pakhat Captain. M.A Ansari chu World War-2 lai a Japan hoin an man hnu ah an sawisa a, an dawp bawk a, mahse a sipai te chu phatsan duhloin tanin atangin sipai thenkhat te a tlanchhuah tir ani. A hnu ah Japan ho chuan an that a, George Cross a dawng nghe nghe.

Independence hnu ah pawh Indo-Pakistan War hrang hrang leh Indo-China War ah te an tel zel a, tin UN Mission ah te pawh an kal ve ta fo ani. Tin he Regiment hian Indian Army COAS pahnih a chher tawh a, KM Cariappa leh V.K Singh te an ni. K.M Karriapa phei chu Independent hnu a COAS hmasa ber ani a, tin Indian Army a 5-Star Rank Field Marshall ni hmasa ber ani nghe nghe. General. VK Singh (2 Rajput) hi COAS 23na niin tunah chuan Minister of State( Independent Charge), DONER a ni nghe nghe.

He Regiment atang hian an Battalion pahnih te hi Mech Infantry ah lehlin a ni tawh a, chung te chu 18th Battalion (tunah 13th Mech Infantry Regiment) leh 20th Battalion (tunah 24th Mech Infantry Regiment). Tin an 1st Battalion pawh hi Guards ah lehlin niin tunah hian 4th Battalion, Brigade of the Guards a ni tawh. Tunah hian heng Unit te hi an din tawhin an enkawl mek ani.

☀ 3rd Battalion (old 7th DCO Rajputs)

☀ 4th Battalion (old 8th Rajputs)

☀ 5th Battalion (old 11th Rajputs)

☀ 6th Battalion

☀ 7th Battalion

☀ 8th Battalion

☀ 9th Battalion (ex 11th Rajput)

☀ 14th Battalion

☀ 15th Battalion

☀ 16th Battalion

☀ 17th Battalion

☀ 19th Battalion (ex State Forces unit)

☀ 21st Battalion

☀ 22nd Battalion

☀ 23rd Battalion

☀ 24th Battalion

☀ 25th Battalion

☀ 26th Battalion

☀ 27th Battalion