Bihar Regiment

Bihar Regiment hi Indian Army infantry Regiment pakhat a ni a. An Regimental Centre chu Danapur, Bihar ah a awm ani.

History:
Bihar ram hi hmanlai atanga Indian sakhua, Culture leh Civilization chawrna zinga mi ani ve a, tin ralthuam keng a indo te pawh an lo ching ve zeuh zeuh ani. He Regiment hi han chhui chuan 1757 a Robert Clive in East India Company a din khan Sepoy Battalion a siam te atang khan ani. Bhojpur ami te ho atang hian sipai tur te hi an la thin ani. Hun a rei zel a heng Battlion te hi Bengal Infantry hnuaiah te an awm reng ani. Mahse Revolt of 1857 khan Bihari sipai te hi a hel (Mutiny) zingah khan an tam em avangin British ho pawh khan an suat nasa em em a, British hoin he Revolt a hnehna an chan hnu ah Bihari hnam tamzawk te chu sipai atang chuan banin, sipaiah a telh chhunzawm duh talo ani.

Indopui pakhatna a rawn thleng a, Kumpinu chuan sipai a mamawh tam avangin Bihari hnam ho chu sipai atan a la leh tan ta a, heng Bihari sipai te hi Hyderabad Regiment ah an dahhawm ta a, he Hyderabad Regiment hi a hnu a Kumaon Regiment kha a ni nghe nghe ani. Indopui pahnihna a rawn thleng a heng Bihari ho awmkhawmna tur Bihar Regiment puitling chu 1941 khan a rawn puang ta a, 19th Hyderabad Regiment hnuaia an Terretorial Army Battalion 11th na chu Regular Army ah lehlin niin 1st Battalion Bihar a lo ni ta ani. Tin a kum leh ah an 2nd Battalion chu din belh ani leh bawk.

Indopui pahnihna ah khan Burma Campaign leh SE Asia ah te an tel nasa hle a, independence hnu khan India in a indona ah chuan a tel ve ta reng a, tin UN Mission ah Somalia leh Congo ah te an lo kal tawh ani.

Tunah hian he Regiment hian a Man-Power te chu Bihar, Jharkhand, Orissa, Gujarat leh Maharashtra State atang ten a la hlawm ani. Huaisenna lawmman an la nual tawh a, Mumbai buaina ah te khan Maj. Sandeep Unnikrishnan (7 Bihar/51 SAG-NSG) chu Assault Team hotu niin a nunna a chan nghe nghe kha, Ashok Chakra a dawng nghe nghe ani.

Tunah hian heng Unit te hi an nei ani:

☀ 1st Battalion

☀ 2nd Battalion

☀ 3rd Battalion

☀ 4th Battalion

☀ 5th Battalion

☀ 6th Battalion

☀ 7th Battalion

☀ 8th Battalion

☀ 9th Battalion

☀ 10th Battalion

☀ 11th Battalion

☀ 12th Battalion

☀ 14th Battalion

☀ 15th Battalion

☀ 16th Battalion

☀ 17th Battalion

☀ 18th Battalion

☀ 19th Battalion

☀ 20th Battalion

☀ 21st Battalion

☀ 4th Rastriya Rifles Battalion

☀ 24th Rastriya Rifles Battalion

☀ 47th Rastriya Rifles Battalion

☀ 63rd Rastriya Rifles Battalion

☀ 120th Infantry Battalion (Territorial Army)

☀ 154th Infantry Battalion (Territorial Army)