Jammu & Kashmir Rifles

Jammu & Kashmir Rifles hi Indian Army infantry Regiment niin, an Regimental Center chu Jabalpur, Madhya Pradesh ah a awm ani.

History:
He Regiment hi British ho din ni loin a tir chuan State Force (Princely State Force) a din ani. Sikh hoin Kashmir an awp a, British ho laka an tlawm hnu in Maharaja Gulab Singh of Jammu chuan East India Company nen in remin sumfai tam tak sap ho nen chuan a ram thenkhat te chu ama kaihruaina hnuaia awm turin a inrempui ani. Gulab Singh chuan a ram venhim nan State Force te a din a, heng te hi Jammu & Kashmir Brigade a ti. He Brigade ah hian Bodyguard Cavalry Regiment pakhat, Mountain Batterries pahnih leh Infantry Battalion engngemaw zat a nei ta ani. Hun a lo rei zel hnu a heng a sipai pawl din te hi British ho khan an lo hmang hawh ve zel a, Indopui 1 & 2 na ah phei chuan Imperial Service Troops hnuaiah heng State Force te hi an tel ve a, E Africa, Palestine leh Burma ah te indona ah an kal ve ani.

British hoin India an chhuahsan hnu khan Pakistan ho chuan Jammu and Kashmir hi India rawn chhuhpui tumin 1947 khan India a rawn run nghal ta ringawt a, India sawrkar leh Indian Army thar te chuan heng Jammu and Kashmir State Force te puihna hian Kashmir Valley chu an chhanhim thei ta hram ani. He indona ah hian Officer 76, JCO 31 leh sipai dang 1085 in nunna an chan nghe nghe ani. He indona ah hian a sipai te hian India huaisen lawmman an la nual bawk ani. He Jammu and Kashmir lal hian a Princely State chu India rama rawn inrinluh aduh avangin a State Force te chu India sawrkar hnuaiah a dah ta a, India sawrkar leh Indian Army chuan heng State Force te an huaisen leh thatzia an hmuh hnu hian kum 1963 khan heng state force te hi Indian Army hnuaiah an bet ta a, chutichuan an hming pawh thlak niin Jammu and Kashmir Rifles an lo ni ta ani.

He Regiment a Battalion te hi independence hnu khan Indona hrang hrang ah an tel a, Kargil War lai phei kha chuan Param Vir Chakra medal pahnih lai an la nghe nghe ani. UN Mission ah te pawh an lo kal tawh ani. He regiment ah hian a sipai te chu Jammu and Kashmir Light Infantry Regiment te nen hian Jammu, Samba, Kathua, Udhampur leh Reasi atang ten an la thin a, Tin Poonch, Rajouri, Doda leh Kishtwar atang te pawhin an la fo a, tin Himachal Pradesh leh Punjab mi leh sa te pawh an la fo bawk. An 16th Battalion phei chu Mechanised infantry ah lehlin a ni a, tunah chuan 14th Battalion, Mechanised Infantry Regiment ani tawh. Tunah chuan heng unit te hi an din tawh ani.

☀ 1st Battalion

☀ 2nd Battalion

☀ 3rd Battalion

☀ 4th Battalion

☀ 5th Battalion

☀ 6th Battalion

☀ 7th Battalion

☀ 8th Battalion

☀ 9th Battalion

☀ 10th Battalion

☀ 11th Battalion

☀ 12th Battalion

☀ 13th Battalion

☀ 14th Battalion

☀ 15th Battalion

☀ 17th Battalion

☀ 18th Battalion

☀ 19th Battalion

☀ 20th Battalion

☀ 21st Battalion