Madras Regiment

Madras Regiment hi Indian Army hnuaia Infantry Regiment pakhat ani a, tunah hian Indian Army Infantry Regiment a upa ber a ni nghe nghe ani. An Regimental Centre chu Wellington, Ooty, Tamil Nadu ah a awm ani.

History:
Hmanlai British in India a awp lai khan South Indian ho hi sipai ah an hmang nasa hle a, Madras (Chennai) khawpui hi 1639 ah din tan ani a, tin Fort. St. George hi 1644 khan siam tan ni mahse, Madras Presidency hnuaiah hian sipai pangngai a la nei lo a, Presidency Army tak hi 1758 khan din tan ani a, heta tang hian Single Battalion Regiment (Battalion khat Regiment chi) hi a hrang hrang din a lo ni. Heng Regular leh Military an din hrang hrang hmang te hian kumpinu sawrkar chuan a ram a zauh ta zel a, Madras Presidency hnuai mai nilo Burma ah te indona ah a hmang ta zel ani.

Kum 1748 khan Major. Stringer Lawrence chu East India Company chuan Cuddalore leh a chhehvel venghim turin a ruai a, hetah hian Military hrang hrang te a din teuh a, hun a lo kal zel a 1758 khan Madras Regiment hi a Battalion hnih hmangin din a lo ni ta ani. Hemi hnu hian British-India sawrkar chuan he Regiment hi indonna hrang hrang ah a la hmang chhunzawm ta fo zel ani.

Independence hnu khan Indian Army thar chuan heng South India a Infantry Regiment hrang hrang leh Military hrang hrang te chu a hrang theuh a inrelbawl ai chuan Regiment khat a beh tir vek chu tha a tih tak zawk avangin Madras Regiment lo awm tawh sa ah chuan Regular leh Irregular Infantry Unit hrang hrang te chu he Madras Regiment ah hian a beh khawm tir vek mai bakah Battlioan thar te pawh a siam belh ta ani. Independence hnu hian he Regiment atang hian an Unit te 1947–48 Jammu & Kashmir Operations, the 1962 Sino-Indian Conflict, Indo-Pak Wars of 1965 and 1971 ah te an lo tel zel a, Tin Sri Lanka a Operation Pawan ah phei chuan he Regiment atang hian Battalion pasarih lai an kal nghe nghe ani. A sipai tamzawk hi South Indian hnam ho atangin a la ani.

Tunah hian Battalion 20 a nei mek a, an 1st Battalion phei chu Mechanised Infantry ah lehlin a ni a, tunah chuan 1 Madras hi 1st Battalion, Mechanised Infantry a ni tawh ani. Tuna an Battalion neih te chu hengte hi ani :

☀ 2 Madras (old 75th Carnatic Infantry)

☀ 3 Madras (old 79th Carnatic Infantry)

☀ 4 Madras (old 83rd Wallajahabad Light Infantry)

☀ 5 Madras

☀ 6 Madras

☀ 7 Madras

☀ 8 Madras

☀ 9 Madras (ex 1st Travancore Nair Infantry, Princely State Forces)

☀ 10 Madras

☀ 11 Madras (old Territorial Battalion)

☀ 12 Madras (old Territorial Battalion)

☀ 16 Madras (ex 2nd Travancore State Infantry, Princely State Forces)

☀ 17 Madras (ex Cochin State Infantry, Princely State Forces)

☀ 18 Madras (ex 1st Mysore Wadiyar Infantry, Princely State Forces)

☀ 19 Madras (ex 2nd Mysore State Infantry, Princely State Forces)

☀ 20 Madras

☀ 21 Madras

☀ 25 Madras (old garrison battalion)

☀ 26 Madras (old garrison battalion)

☀ 27 Madras (old garrison battalion)

☀ 28 Madras (old coastal defence battalion)