Tooth Paste Mawng Lampang Rawng Hian Awmzia A Nei!

Nitin ha nawhna atan a i hman thin Tooth paste kawr/bawm mawng lama rawng an chhut kai hian an siamna a an thil hman a entir tih I hria em?

Green : Natural

Blue : Natural Medicine

Red. : Natural Chemical Composition

Black : Pure Chemical

Lsa Pautu
Hriatzauna

Mr. Postman

      Chhunpacha’n lai tak a ni a, khawlai vel pawh a reh hian a reh raih mai a. Tihtur dang em em a awmloh vangin tape recoder ah country music lam deuh Lobo tih vel bawr ngaihthlak pah in thuthleng sei a mu zal chungin Sun Magazine tih vel bawr kan bih kual lai takin kawngkhar a rawn in kik dawt dawt a. Peih vak lo chunga thawh chhuah pah in kawng kan va hawng a, chutah kan veng lam changtu dak pu chu lehkha ip var a tlanga a sen leh pawl a tial ‘Via Air Mail’ tih inziak mahse thlawhna ni lo mail van ngei maiin a rawn phurh, an chin leh tam tawh a vanga chul deuh rap tawh kan hming leh veng hming full address chuang ngei mai, a handwriting han en pawh a tu kutziak nge tih kan hriatchian em em mai chu, “Hei in ta tur a nih hmel...” tih pah in lawm a vanga nui ni miah lova nuih deuh sak pah chuan min han pe ngei a. Chutah a stamp-a a rawn thawnna post office seal inchhu kan han bih zauh a ‘Shillong’ tih fiah vak lova a lo lan tel chuan “Ka lawm e” tih sawi hman a ni tawh lo, lak hmak a kawngkhar inkhar khum a kan chanchinbu chhiarlai kan ken chu dawhkan a theh thlak tawp a, thuleh awm miah lova pawh hawn nghal chi a ni tawp mai a ni.

Nia, khatih hun lai kha chuan mobile phone tih vel leh internet Facebook tih vel hi kan la hre pha ve teuh lo mai a. A nei leh thei fal deuh in phone landline an neih kha a ni mai a, chu pawh a mi nazawng chuan kan nei hek lo. Ramhla a duhber te awm nena inbiakpawhna awmchhun kha chu lehkhathawn kha a ni mai a. A bak kawng dang awm leh chu thirhrui kan tih telegraph message kha a ni leh tawp mai a ni. Dak pu in lehkhathawn min han pe a, phur tawkin kan han hawng a, a chhungah lehkhathawn ballpen tui rimtui a ziah a writing pad a chunglam sir kil a ‘love sign’ awm ngei mai han pawh parh rimtui chak mai kha chu a lo hlu chiang lawm. A aia la ti hlu zualtu chu a hnuailam awl zau lai a lip-stick sen tha tawk a hmui thla nawr kai ngei mai ‘Sealed with a kiss’ an tih lo awm kalh mai te hlei hlei khan a tih hlut zual bakah derhken emaw kumtluang par emaw lehkhabu kar a zeh ro ngat a lo awm tel phei kha chuan a hlu hlei hlei. Khatiang lehkhathawn dawn inbeisei khan alawm dak pu te veivak nitina mit pawng zawrh zawrh khawp a kan lo thlir thin ni. A tawp kilah sawi awn deuh that mai a P.S.... ‘I love you’ tih an lo awm phei kha chuan zan mut dawn a chhiar pah hian thinlung lairil hi a fan ngiai ngiai a, hmul thi atanga hmul tha zawng zawng thlengin a ding ur ur mai thin kha a ni a. Hlui chul vuai hnap khawp a kan chhiar hnuah pawh khang lehkhathawn kha a hlutna a la bo chuang lo a. Lukham hnuaiah kan han dah a, a ziak reh thak khawp khan kan khal chul ve thin kha a ni reng lah tak a (Tunah pawh hian 84 kum a ka dawn dahthat ka la nei ve ngat...wehehe)

Khatianga beisei leh nghakhlel taka postman te nitin mai a kan lo nghah ve thin lai a, kan lehkha tur reng reng an keng ve lo a ni tih hriat tak mai a kan in an han kal pel ngawk ngawk zel mai kha chu hrilh a hai duh kher mai le. Han auh din a, “Khawmaw ka lehkha tur a awm ve lo emni?” tih pah a an bag ah lai han hai sak nawk nawk mai te pawh kha a chakawm rum rum thin reng a ni. Mahse mahni veng bialtu dak pu te khan kan in leh kan lehkha tur a awm ve leh awm ve loh chu an hrechiang ber tlat mai. A bag ah lianpui mai chhunga lehkhathawn awm tun mai zingah chuan kan ta tur a awm ve miau si lo a ni.

Hun leh ni te a lo inher zel a, nitin mai dak pu kan lo chang ve a mahse kan in lam pan a rawn pen ni reng reng a awm thei ta si lo, a chhan kan hre lo. Zawhna tamtak kan ziak kur duah a, dakah kan thawn kur ngiai nguai a mahse ‘chengkawl hram’ an sawi ang mai hian a reh in a reh vang vang mai bawk si, chhanna reng a rawn thleng thei ta si lo. Diktak chuan lehkhathawn emaw postcard emaw tal chu kan beisei ve ngei alawm, mittui a parawl deuh pur tawh mai. Chutah a tawpah ‘bei nge sei run-dung’ ti in zah pawh dawn lovin dak pu rawn kal chu kan lo au ding ve chawt a, a lehkha ah te chu kan han dap chiang ngial a mahse kan hming a awm chuang bawk si lo. Chutah kan tih theih tawk awm chhun zan thla eng hnuaiah Phillips tape recorder hlui tawh lampang pawn bathlarah kan khai chuak a, ‘Kar hla di zun a uai chu, tuar thiam a har ngei ka tan...’ tih vel bawr hnuk ulh teuh in kan ngai thla a, a battery down tawh lampangin a zawh tawh loh hunah radio khan han herh a, All India Radio Aizawl station in zan rei lama sap hla an pek chhuah kan han man fuh hlauh mai a, chuta hla rawn zai chu The Carpenters ho ngei mai in ‘Mr. Postman’ tih thiam fahran mai a an sak kha a ni tlat mai le.

(Stop)
Oh yes, wait a minute
Mr. Postman
(Wait)
Wait Mr. Postman
Please Mr. Postman look and see
(Oh yeah)
If there's a letter in your bag for me
(Please, please, Mr. Postman)
Why's it takin' such a long time
(Oh yeah)
For me to hear from that boy/girl of mine
There must be some word today
From my boyfriend/girlfriend so far away
Please Mr. Postman look and see
If there's a letter a letter for me
I've been standin' here
Waitin' Mr. Postman so patiently
For just a card or just a letter
Sayin' he's/she’s returning' home to me
Please Mr. Postman look and see
(Oh yeah)
If there's a letter in your bag for me
(Please, please, Mr. Postman
Why's it takin' such a long time
(Oh yeah)
For me to hear from that boy/girl of mine
So many days you passed me by
See the tears standin' in my eyes
You didn't stop to make me feel better
By leavin' me a card or a letter
(Mr. Postman)
Mr. Postman look and see
(Oh yeah)
If there's a letter in your bag for me
(Please, please, Mr. Postman)
Why's it takin' such a long time
Why don't you check it and see one more time for me
You gotta wait a minute, wait a minute
Wait a minute, wait a minute Mr. Postman
(Mr. Postman)
C'mon deliver the letter, the sooner, the better
Mr. Postman

"Please Mr. Postman" tih hla hi kum 1961 a The Marveletts ho ‘The Marvel’ an tih mai thin ho single ni in ‘Tamala’ Motown label ni ta recording atanga Billboard Hot 100 a No-1 dinhmun luah hmasa ber a ni tih te, The Carpenters hovin an rawn cover ve leh hnuah pawh Billboard Hot 100 ah tho hian No-1 dinhmun a rawn luah nawm leh tih te, he hla hi a hun lai chuan hla lar ber pawl ni in mi hrang tangin an sa a The Beatles te ngei pawh khan an sa ve a ni tih te leh a hla phuahtu hi The Marvel hovin Dobbins/Garett/Brianbert te phuah a ni an tih laiin The Beatles ho chuan Brain Holland phuah angin an sawi thung tih te, tun lai thleng pawh a zaithiam ho sak hlawh tak a ni tih te leh mi ngaihthlak hlawh pawl tak a la ni reng a ni tih te hi rawn sawi kual duah ka tum reng reng lo a. American zaithiam Richard Carpenter leh Karen Carpenter te unau aw dam dap mai leh an aw mil tawk a an music arrangement tha lutuk mai nen a an band The Carpenters ho in an sak ngei mai hi lo ngaithla ve ula in inchhir hauh in kei chuan ka ring lo.

BigDaddy Hmahmatea IV

Milian (Giants)

Kan Bible thianghlimah ngei mai Pathian fapa ten Mihring fanu te an pawl a, an fa te chu milian an nih thu leh hmasanga mi chak ti a hriat an nih thu kan hmu.

Ruang Leh Ruhro
1821 – Williamson County, Tennessee ah ruhro feet 7 chuanga sang an lai chhuak.

1833 – California ah ruhro ha in to thuah tun mai an hmu.

Tuna vaimim hmuna an hman tak Cumberland, England ah ruang lianpui mai an laichhuak a, ralthuam pawh la inbel tha in a ha pui pawh inches 6 zeta sei a ni.

1876, 1877 – Kansas City, New York ah ruhro lianpui pui laihchhuah a ni.

1879 – Ohio ah feet 9 leh inche 8 vela sang tur ruh an lai chhuak.

1880 – Pennsylvania ah luruh ki nei an lai chhuak.

1891 – Arizona-a kuang lianpui atangin ruang la tawih chhe vak lo feet 12 vela sang an hmu a, he ruang hian kutzung tang leh kezung tang 24 zet a nei.

1930 – Naturalist Rex Gilroy chuan Bathurst ah milian ni ngei tura ngaih feet 25 a sang, pound 1000 zeta rit tur ruhro leh hnuhma a hmu.

1931 – Nevada ah ruhro feet 8-10 inkar vela sang an laichhuak.

1940 – France leh Spain ah ruhro feet 12 a sang an laichhuak nual.

1950 – Turkey a kawng an siamna ah milian ho thlanmual ni a ngaih an laichhuak hlauh mai a, heta ruhro an hmuh ho hi feet 14-16 inkar a sang te an ni hlawm.

Arab thliarkar ah te pawh ruhro lian zet hmuh a ni.

Ngaihbel Theih Te
Iran ah chem leh hreipui feet 10 zeta sei an laichhuak teuh mai a, heng ho hi tar mawi mai mai ni lovin chulnel hrep hnu ni ngeiin a lang. Baalbek, Lebanon-a Roman ho ‘Temple of Jupiter’ leh Phoenecians hovin an temple an sak hma khuan lung ker lianpui pui ‘Trilithon’ an tih te hi a awm daih tawh a, heng lungpui te hi feet 63-65 zeta sei te niin ton 1000 chuanga rit an ni hlawm a, tunge lo la luta ker leh tih hi khawvel zawhna tawp thei lo te zinga mi a ni.

‘Great Orme Copper Mine’ an tih mai Wales a pum an hmuhchhuah thar ah hian tuboh kg 30 zeta rit an hmu tel a, he pum hi milian ho hman hnu niin an ngai a. Tunlaia tuboh lian ber ber te pawh hi kg 12 vel chauha rit an ni.

Khawvela lung ker lian ber ton 1200 zeta rit ‘Hajar el Gouble/ Hibla’ an tih te pawh hi engtia helai hmuna lo awm nge tih hriat a ni lo. Israel rama Gilgal Rephaim an tih (Circle of Og an ti bawk) te hi tlangkang ina a rawn phuhchhuah lung leh lei sa lutuk in chawhpawlh (lava) hmanga siam a ni a, heng lava hmang hian rin bial lian tak mai kual nga in a in kual ruih a, ton 42000 zeta rit niin he Circle pawh hi mi lianho siam ngei niin an ngai nghet hmiah tho a ni.

Blue Mountain ah hniak mi lian tak, feet 20 vel ina alo hnutchhiah tawh chu an hmu.

Africa ah hniak feet 30 zeta sang ni tur an hmu bawk a, Braton Tenessee ah pawh feet 12 vela sang tur ke tang paruk nei hmuh a ni.

Thawnthu-ah Pawh An Awm
America ramah khuan Si-Te-Cah an tih mai milian sam sen chi an awm thin niin an sawi a, khaw mipuite tan an la hlauhawm theia an ngaih avangin puk ah um lutin an hal hnan ta a, mi lian te pawh chu rawn chhuak ngam tawh lovin pukah chuan an tawm reng a. Lirnghing in chhilh hnan in an thi ta niin an sawi a. He thawnthu hi thutak a ni em tiin 1920 khan he puk hi an lai vak mai a, ruhro lianpui pui an laichhuak nghe nghe a ni.

Australia ramah pawh hian Meganthropus an tih milian hi an cheng thin niin an sawi a, feet 10-12 vela sang niin pound 1200 zeta rit te an ni a. An ha a into thuah mai bakah an hmanrua te pawh pound 25 vela rit te a ni hlawm.

Heng zinga record tha ber pawl chu Buffalo Mills, Pensylvania ami hi a ni a. 19, August, 1773 khan ‘Unau hmelhai’ hun velah mi pakhat feet 9 vel zeta sang hmanraw keng, silhfen mak tak inbel an hmu a. Chik zawka va en an tum veleh he pa hi baklengin a tlanchhia a, thim thamah chuan a bibo nghal a ni.

Enge An Nih?
Mi thiamte (scientist) chuan hetianga mi lian tak te hi awm theiin an ring a, piansualna chikhat ‘gigantism’ lam niin an ngai.

Mi lian kan tih mai te hi an awmna hmun a zirin hming an phuah dang nasa hle a. Jentilak, Marivak, Tartulo, Cyclop, Frost Giant leh Mountain Giant te an ti a. Bible a Anakim, Rephaim, Nephilim, Canaanites leh Perizites te pawh hi mi lian niin an sawi.

Mesopotamia, Greek, Rome leh Egypt ah te hian an cheng thin a ni awm a, Uruk (Bible ah chuan Erech an ti a ni awm e) lal Gilgamesh pawh kha mi lian tho ah an ngai a. Egypt a Orisis-a pawh hi mi lian niin Gigantes emaw Titans an ti a ni.

Mi liante hian Pathian an ti lungawi vak lo nge Abrama leh Lota te khan Rephaim ho an thah thu kan hmu a, Rephaim hnam la bang Basan ram lal Oga lah Israel ten an that bawk a. Lal Oga hi Mi lian dam awmchhun niin an sawi a, a kuang pawh feet 14 a sei, feet 6 a zau niin lung leh thir hmanga siam a ni.

Bible a mi lian ni theia lang lar ber chu Goliatha hi a ni a, Davida khan a lu a lak hnuah pawh Israel leh Philistia ho kha an la inbei reng a. Philistia sipai zinga mi lian thlah unau pali te pawh Israel mi te hian that lehin an zinga pakhat phei chu ke tang leh kutzungtang 6 ve ve nei a ni nghe nghe.

An La Dam?
Mi tamtak chuan mi lian te hi lo awm tak tak thin pawh nise an thih mang vek tawh an ring a, mahse, a ni tlat lo…

Helicopter khalh thin pension ta Australian mi Marius Boirayon hi Solomon Island ah a zin a, heta a thil hriat hian khawvel mipui a barakhaih ta a ni.

1998 khan Guadalcanal tlang, Solomon Island ah rangkachak khur laih beihpui an nei a. Tuk khat chu an bulldozer a lo chhe ringawt a, a tuk leh ah an blade lian em em mai kg 10000 chuang daiha rit a bo leh ta mai a, hnathawk te chu an hrilhhai hle.

Mi pakhat tana han chawi sawn ziazang chi a ni bawk si lova, he hmun ah hian ke hniak lianpui feet 3 vel zet bak chu rinhlelh theih engmah a awm lo. An zawn fe hnuah tlang pakhat metre 100 zeta hla ah he blade hi an hmu leh a ni.

He thil hi Guadalcanal Finance Victor an a hriat veleh a hmun ah tlawh turin a chhuak ve nghal a, kawng thlang ah an motor ke chu tangin tanpuitu tur mi 30 vel an pun a. An va let leh chuan mi lianpui pahnih feet 15 vel zeta sang tur te hian an motor chu kawngpui ah an lo hlang chho a, heng mi lian pahnih an hmuh veleh hian bak lengin an tlanchhe hlawm a, darkar chanve hnu vela an va let leh chuan mi sang tak tak pahnih te pawh hi an lo awm tawh lo a ni.

Guadalcanal Minister hlui Ezekiel Alebua pawh khan a tet laiin a pa’n thlan pakhata a hruai thu leh hetah hian ruhro sei tak, feet 15 vel tur a awm thu a sawi.

Thil ni thei te
Mi lian kan tih te hi an awm tak tak anih ngai chuan khawvel zawhna tamtak StoneHenge, Orcadian Stones, Devils Marble kan tih siam tute pawh hi an ni daih thei a. Mihring siam ni theia an ngaih loh Pyramid, a chhung pawh 68 degree farenheit zeta sa pawh hi an tan chuan tawrh a hrehawm vak lo maithei.

Hetihlai hian mi bum tum reng reng lah bo lo, 2002 a Photoshop contest an neihna zinga mi mi lian tak ruhro an laichhuak lai lem pawh a tak tak angin internet khawvelah an thehdarh chiam pek anih kha.

Source - Daniel Fanai Cuccittini
&
Before Us, Wikipedia, Paranormal Believes and Experience, Rense, Wordpress

Damdawi Leh Natna Chungchanga Hriatsual Thenkhatte - II

☀ Pumpui Ulcer ah Hatkora leh Limbu fir zingkarah in a tha an ti!!
Ans - Hei hi mi tam takin an awih avangin an pumpui lawng tawh sa an tihzual belh nasa khawp mai. Thil ho te ang pawhin han ngaihtuah la i puma thur tam sa a vanga i pum ulcer kha acid i thun belh chuan a ngaihtuah awm dan tur chu a hriat mai awm e. Tui nen dal taka pawlhin chaw ei kham lama in chi chauh a ni e.

☀ Asthma tan zingkar a tuivawt a inbual a tha an ti!!
Ans - Hei hi tu ngaihtuah chhuah nge ni ang aw tih hriat a chakawm khawp mai, Asthma leh tui vawt a inbual hian inzawm na a nei loh mai bakah, thlasik lai te a i inbual te a nih phei chuan hei hian i thawhah nasa takin a tizual zawk thei a (Sudden bronchoconstriction) thih phah hial pawh a hlauhawm mai thei a ni.

☀ BP sang tan Phuihnam hi a tha an ti.
Ans - Mizo hian a tha tih tam tak kan nei a mahse eng mah hi finziahna leh zir chianna la awm lem lo a ni a. Tunah rih hi chuan chawhmeh chikhat a tan bak BP enkawl nan tak tak a hman tlak a ni e tih fiahna chu a la awm lo. Tin lo tha ve ta tehreng pawh ni se eng zat a tam nge ei tur? Enge a side effect? Eng tika ei tur nge? A Chhum nge a kan nge a hel den sawm? tu mahin hria kan awm lo. Zirchianna tak a awm hunah i ring ang u, tunah erawh chuan damdawi mal BP sang enkawl na atan leh i damdawi ei lai tihtawp nan chuan lo la hmang lo hram la a thain a rinawm.

☀ Pumpui Ulcer ah Bangladesh Peniciline a tha an ti!!
Ans - Penicilline hi antibiotics hmasa ber a ni a, atirah chuan a ei chi a awm lova tunah chuan a ei chi pawh a awm teuh tawh a, tuna Bangladesh Penicillin an tih hi ka hmu ve tawh a hetiang ang hi KPen tiin India ramah chuan a awm a, Penicilline hi damdawi zirchian nasat ber pawl a ni hial awm a. Ulcer damdawi atana atha tih zirchianna pakhatmah in a la prove lova, tin he damdawi hi hrik thahna hlo a ni a. Ulcer (Lawng) pumpui thur nasat vanga lo awm hian a ngeih ang tih hi thil rinawm tak a ni lo phawt mai. Pumpui Ulcer hrik nei chi tan pawh mithiamten an zirchian viau hnuah pawh penicilline Chauhvin a thah theih thu an sawi kan la hre lo bawk, Penicilline leh thil dang nen a pawlh Entir Nan Pantop HP kit siam sa ei hi a him ber zawkin a rinawm. Penicilline haw mi tan chuan hlauhawm tak a ni thei tih hriat a tha bawk awm e.

☀ BP damdawi ei laklawh chu ei reng a ngai a ei loh law law tur an ti!!
Ans - Hei hi mi tam takin an sawi ka hriat fo a ni a, BP sang tak tak te hian heti hian an ti a an ei duh tlat lo mai thin a, a buaithlak thin khawp mai. Heti hian thu dik famkim zawk ka han sawi ve thung teh ang, "BP sang tawh chu damdawi a ei laklawh tawh emaw a la ei lo emaw a tlangpui thuin ei reng a ngai a, ei lo pawh kha ei reng ngai ei lo mai mai an ni zawk fo" Mi thenkhat ei leh in insum a exercise te uluk tak a la peih tlemte BP damdawi ei ngai ta lo chu an awm ve nual a, mahse ka hmuh tawh a tam zawk hi chuan an thei tak tak ngai meuh lo tih hi a ni.

Note: Hei hi PC Lalthlamuana MD, Medicine Specialist. Green Wood/Nazareth Hospital. Aizawl-a mi in Hriselna Application a siam atanga lak a ni. Hriselna App hi Google Play atanga a download theih reng a ni. He App ah hian Zawhna ala zawh theih cheu bawk a ni.

ђ๓คг tlคภﻮtє

President's Bodyguard (PBG) - Household Cavalry

‪‬‪‬PBG te hi Indian Army hnuaia regiment pakhat niin, an regimental centre chu Rastrapati Bhavan, New Delhi ah a awm ani. Anni hi household cavalry niin an duty ber chu ceremonial escort niin President an veng thin ani. Tin he regiment hi armored (tank) leh airborne sipai te inpawlh an nih angin an wartime duty ve thung chu indona a armored reconnaissance leh pathfinders (airborne) lam ani.

History:
British in India a a awp lai khan a Indian Empire a lal ber Governor tan hian kum 1773 khan household cavalry bodyguard din a lo ni tawh a, heng mi leh sa te hi "Governor's Troop of Mughals" an ti a, hun a lo rei zel a, Indian Empire a lalber Governor pawh chu a title thlak a lo ni a, Governor chu Governor-General ti a thlak anih takah chuan kum 1794 khan "Governor-General's Bodyguard" tia thlak leh ani.

Kum 1859 khan British-Indian empire pawh siamthat niin Governor-General pawh chu "Viceroy" a thlak anih takah chuan hming thar "Viceroy's Bodyguard" tiin an thlak leh ani. Indopui II na a lo thlen takah chuan heng Bodyguard regiment te pawh hi an indolai duty (wartime duty) a kal a ngaih tak avangin armored reconnaisance hna an thawk a, an hming pawh "44th Divisional Reconnaisance Squadron" ah thlak an ni a, Japan rallian te an lo dang bet ani. 1946 khan WW2 pawh a tawp ve takah chuan an peactime duty ah let lehin "Governor-General's Bodyguard" an lo ni leh ta ani.

1947 khan India pawh a lo independence ta si a, 1950 ah chiah khan republic a lo nih ve takah chuan he bodyguard unit te pawh hi an hming siamthat niin an duty hi vawiin ni thleng a kengkawh zelin 1950 atang khan "President's Bodyguard" an lo ni ta ani. Independence hma a British hoin India hi Presidency a an thenhran lai khan heng Bombay, Bengal leh Madras Presidency a thu ber Governor te pawh hian an Presidency Army atang theuh hian hetiang duty ti turin "Governor's Bodyguard" an nei ve theuh a, mahse Independence hnu khan heng Presidency hnuaia Governor bodyguard te hi titawp (disband)an ni.

Independence dawn khan British-Indian Army pawh India leh Pakistan a thenhran a ngai si a, GGBG te pawh hi an bang biklo ani. British-Indian Army chu hmun thum ah then a ni dawn a, hmun hnih chu India in a chang ang a, hmun khat chu Pakistan in. Hemi avang hian GGBG a muslim te chu Pakistan Army an zawm a, Sikhs leh Rajput te chu Indian Army an zawm ani. Independence dawn hian an C.O chu Lt. Colonel. Thakur Govind Singh ani a, a adjudant hi Sahabzada Yaqub Khan ani. Yaqub Khan hian Pakistan Army a zawm a duh a, he unit a thil hrang hrang te an insem tawh hnu chuan sakawr tawlailir (buggy), rangkachak a cheimawi Governor General leh Viceroy te chhuana thin chiah chu a bawng ani. He sakawr tawlailir hi India in a duh a, Pakistan pawn a duh ve a, an inchuh titih ani. Atawp ah chuan Lt. Col. Thakur leh Sahabzada Khan te chuan pawisathir (coin) hmangin thum an vawr ta ringawt a, India a chak zawk si a, he sakawr tawlailir (buggy) hi India in a chang a, vawiin ni thlengin la hman a ni.

PBG te hi indonna hrang hrang ah te an tel tawh a, Independence hnu pawn 1962 War, 1965 war ah te an tel tawh a tin Sri Lanka ah pawh LTTE beihna ah an tel tawh bawk. UN Mission Somalia, Angola leh Sierra Leone ah te an lo tel tawh bawk ani.

PBG te hi a din tirh in mi 50 an ni a, he unit a sipai te hi a changin an tam a, a changin an tlem ani. an tamber tum chu kum 1845 kha ani a, sipai 1929 lai an awm ani. Indona te a chhuak te anih lemloh chuan sipai 130 (cavalry squadron khat/infantry company khat) vel hi an ni tlangpui ani. Tunah hian a tlangpuiin an Commanding Officer (C.O) hi Brigadier emaw Colonel Rank an ni thin a, sawi tawh angin tank sipai (armored) leh airborne (parachute sipai) an ni deuh vek ani. He regiment a sipai te hi a zat vekin Sikh, Jat leh Rajput hnam Punjab, Rajasthan leh Haryana atang ten lak an ni a, an officer leh administrative staff te erawh chu hnambil awmlo a lak an ni.

Independence hma khan he regiment a tel tur te chu feet 6.3" a hniamlo nih a ngai a, tunah chuan feet 6 ai a hniamlo nih a ngai ani. An san leh an hmel te a that hlawm avang hian an hming hmasa "Governor's General Bodyguard" lamtawi "GGBG" hi fiamthuin "God's Gift to Beautiful Girls" emaw "Nula hmeltha te tan Pathianin a pek" an ti thin bawk ani. Nipui (Summer) laiin kawr var an ha a, thlasik (winter) laiin kawr sen an ha ani.

Pic - Colonel T.S. Mundi current Commandant of the regiment during full dress rehearsal on 23 January 2013.

ђ๓คг tlคภﻮtє

61st Cavalry (Indian Army)

61st Cavalry Regiment hi Indian Army hnuaia cavalry regiment ani a, tunah hian khawvela non-ceremonial, combat a sakawr hmanga sipai pawl awm te zinga unit lian ber anih rin ani.

History:
India a independence dawn khan British-India hnuaia sakawr hmang cavalry unit la dam awmchhun te chu Viceroy's Bodyguard (tuna President's bodyguard ni ta) leh state force/princely state hnuaia tlem te te an ni. India sorkar chuan state force hrang hrang te Indian Army thar ah kum 1951 a zawmkhawm khan sakawr hmang cavalry unit awmchhun te chu Gwalior Lancers, Jodhpur Horse, Mysore Lancers, leh B Squadron-2 Patiala Lancers te an ni. Indian Army hotu te chuan sakawr hman te hi la duh zelin heng cavalry unit la awm te hi kum 1953 khan regiment pakhat a dahkhawm (amalgamate) chu a rawt ta ani. Chutichuan 1 October 1953 khan heng cavalry regiment te hi zawmkhawm in cavalry regiment thar "New Horsed Cavalry Regiment" chu a rawn piang ta a, Gwalior ah din ani a, Lt. Col. Phulel Singh (J&K State Forces) chu an commandant hmasa ber ani a, January 1954 khan he regiment hi a hming thlak leh niin "61st Cavalry" chu a rawn piang ta ani.

He regiment hi tunah chuan sakawr hmang cavalry (unmechanised mounted cavalry) tlemte te zinga mi ani a, ramdang ten sakawr te hi chu parade leh ceremonial ah an hman deuh vek tawh laiin heng unceremonial cavalry zinga tlemte zinga mi an ni.

Tunah chuan he regiment hi ceremonial ah hman tam ani na chungin internal security leh police hna te an thawk thei ani. He regiment hi 1971 Indo-Pakistan war ah te mounted patrol te an nei nasa a. He regiment hi kumtin Republic Day, Delhi a hman ah President's Bodyguard nen an la parade zel ani. Tunah hian Rajputs, Maratha leh Kaimkhanis hnam te atangin a sipai te a la thin ani. Tin sakawr hmanna sports hrang hrang ah te an che tha thei em em bawk ani.

ђ๓คг tlคภﻮtє

Mechanised Infantry Regiment

Mechanised Infantry Regiment hi Indian Army a infantry regiment pakhat niin, Indian Army a infantry a mechanised infantry warfare a hman tur bik regiment pahnih zinga pakhat niin, pakhat zawk chu "Brigade of the Guards" a ni. Mechanised Infantry Regiment te hi an regimental centre chu Ahmednagar, Maharastra ah a awm ani.

History:
Tunhma armored vehicles te an lo pian hnu in India pawn a hmang ve zel a, amaherawhchu 1965 Indo-Pakistan War hnu a an thil zir chianna ah khan infantry battalion te hian indona a an chet ran theih zawkna/mobility atan heng Infantry Fighting Vehicle (IFV) leh Armored Personnel Carrier (APC) te hmanga battlefield va thlen zung zung chu an duh hle ani.

Infantry regiment lo awmsa tawh te a an senior battalion thenkhat ah te hian mechanised infantry warfare a an inralrin theihnan heng raldo danah hian training pek leh IFV leh APC te hi kawl tir an ni fo a, mahse regiment hrang hrang hnuaia an awm hlawm avangin hna han thawh ho hian buaina tam tak a awm fo a, chuvang chuan Indian Army chuan heng mechanised infantry warfare a hmantur regiment awmsa a battalion a train te hi regiment khat a awmkhawm chu thil tha ani tih an hriat avangin he raldo leh ralrel a hman turin regiment thar "Mechanised Infantry Regiment" chu kum 1979 khan a din ta ani.

He regiment hi kum 1979 a din ni mahse a battalion rawn zawm te hi upa tak tak an ni a, a upa ber phei chu kum 1776 a din ani. Heng battalion rawn zawm te hi a tirin infantry pangngai ni mahse he regiment thar an zawm hian an lo indo tawh na te hriatrengna battle-honors leh theatre-honors te chu an keng chhunzawm tho ani. Din tirh anih hian he regiment hian TOPAZ, SKOT leh BTR-60 APC/IFV te an hmang a, hun a lo rei zel a BMP-1, BMP-2, BMD-2, BMD-1 , BTR-50 etc te an hmang a, tin anti-tank guided missile pawh hi an nei nual ani. He regiment hian Armored regiment te nen thawkho in an Indian Army hian a tangkai pui em em ani.

Operation Pawan, Operation Rakshak, Kargil War ah te an tel nasa a, UN Mission Somalia, Angola, Sierra LEone ah te an kal tawh a, tin high altitude Ladakh leh Sikkim ah te pawh an awm fo tawh bawk.

Sawi tawh angin he regiment hi an din tirh hian infantry regiment awm tawh sa te zinga an senior battlion te chu mechanised infantry ah thlak/convert an ni a, an regiment awmna te chu chhuahsan in he regiment thar hi an zawm a, tin heng bakah hian a hranpa in battalion thar te pawh a din nual ani.

Tunah hian heng battalion te hi a din/enkawl mek ani:

☀ 1st Battalion (former 1st Bn, The Madras Regiment)

☀ 2nd Battalion (former 1st Bn, Jat Light Infantry)

☀ 3rd Battalion (former 1st Bn, 8 Gorkha Rifles)

☀ 4th Battalion (former 1st Bn, Sikh Regiment)

☀ 5th Battalion (former 14th Bn, Kumaon Regiment)

☀ 6th Battalion (former 1st Bn, Garhwal Rifles)

☀ 7th Battalion (former 1st Bn, Dogra Regiment

☀ 8th Battalion (former 7th Bn, Punjab Regiment)

☀ 9th Battalion (former 7th Bn, The Grenadiers)

☀ 10th Battalion (former 20th Bn, Maratha Light Infantry)

☀ 11th Battalion (former 18th Bn, Rajputana Rifles)

☀ 12th Battalion (former 8th Battalion, Parachute Regiment, previously 16th Bn, Mahar Regiment)

☀ 13th Battalion (former 18th Bn, Rajput Regiment)

☀ 14th Battalion (former 16th Bn, Jammu & Kashmir Rifles)

☀ 15th Battalion

☀ 16th Battalion

☀ 17th Battalion (Recon & Support)

☀ 18th Battalion

☀ 19th Battalion (Recon & Support)

☀ 20th Battalion

☀ 21st Battalion

☀ 22nd Battalion

☀ 23rd Battalion (Recon & Support)

☀ 24th Battalion (former 20th Bn, Rajput Regiment)

☀ 25th Battalion

ђ๓คг tlคภﻮtє

Punjab Regiment

Punjab Regiment hi Indian Army infantry regiment pakhat niin a senior pawl tak an ni. Tin Independence hma khan he regiment hi then an ni a, pumkhat a an awm theihloh hnu ah muslim tamna unit te chu Pakistan Army ah betin a dang te chu Indian Army ah an bet a, Pakistan leh Indian Army te hian Punjab Regiment an nei ve ve a, tunah erawh Indian Army bik ami kan sawi ang. Tin he Indian Army Punjab Regiment hi an regimental centre chu Ramgarh Cantonement, Jharkhand ah a awm ani.

History:
He regiment hi Indian Army a regiment upa pawl tak ani a, he regiment zinga an battalion hmasa ber chu 1805 khan din ani a, he unit hi Maharaja of Patiala in a din ani. A hnu a British in India a awp hnu khan he regiment a battlion pali (2nd Punjab Regiment) te chu Carnatic indo lai vela a din ani. Madras Presidency hnuaiah te siam that zel ani. 1951 khan princely state hnuaia battalion pali punjabi rawng kai te chuan he regiment hi an rawn zawm ve ta a, sawi tawh ang khian independence lai khan 1st Punjab Regiment te chu muslim mi leh sa an tam avangin Pakistan lamah an kal ta a, 2nd Punjab Regiment ve chu India lamah. Indian Army siamthat anih hnu khan regiment a number te chu paihin tuna Punjab Regiment tih hi tun thlengin a pu hlen ta ani.

He regiment hi a unit hmasa ber din anih atang hian indonna hrang hrang ah an kal nasa hle a, tin an regiment chhinchiahna/symbol pawh hi lawng lem a ni daih ani. He lawnglem hian a entir chu ram chhung mai nilo ram pawn a indo tur pawn an inpeih reng tih a entir. Tin an 23rd Battalion hnuaia A Company, Major. Kuldip Singh ten Longewala indonna a an chet that zia kha chu kan hre vek awm e, Bollywood movie "Border" pawh an siam nghe nghe kha.

Vawiin ni ah hian he regiment hian a sipai te hi Dogra hnam leh Sikh ho, J&K, Himachal Pradesh leh Punjab atang ten an la a, tin an battalion pahnih (19th leh 27th Battalion) te chu India hnam hrang hrang atanga lak khawm an ni.

Kum 1984 a India Sorkar in Operation Blue Star a neih khan he regiment atang hian tlanbo an tam hle a, Court Martial an neihna ringawt ah pawh sipai 122 lai in thiamloh an chang ani.

Regiment upa leh senior an nih angin he regiment atanga an 1st Battalion phei chu Airborne ah convert niin tunah chuan 1 Para (Special Forces) an ni tawh a, tin an 2nd Battalion pawh tunah Brigade of the Guards ah awmin, mechanised infantry an ni tawh a, tunah 1 Guards an ni. An 7th Battalion pawh Mechanised Infantry ah lehlin niin tunah 8 Mechanised Infantry an ni tawh bawk.

Tunah hian heng unit te hi an din/enkawl mek ani.

☀ 3rd Battalion

☀ 9th Battalion

☀ 13th Battalion - (former State Forces unit)

☀ 14th Battalion - (former State Forces unit)

☀ 15th Battalion - (former State Forces unit)

☀ 16th Battalion - (former State Forces unit)

☀ 17th Battalion

☀ 18th Battalion

☀ 19th Battalion

☀ 20th Battalion

☀ 21st Battalion

☀ 22nd Battalion

☀ 23rd Battalion

☀ 24th Battalion

☀ 25th Battalion

☀ 26th Battalion

☀ 27th Battalion

☀ 28th Battalion

☀ 29th Battalion

☀ 102nd Infantry Battalion (Territorial Army)

☀ 150th Infantry Battalion (Territorial Army)

☀ 156th Infantry Battalion (Territorial Army) (H&H)

☀ 7th Battalion Rashtriya Rifles

☀ 22nd Battalion Rashtriya Rifles

☀ 37th Battalion Rashtriya Rifles

☀ 53rd Battalion Rashtriya Rifles

ђ๓คг tlคภﻮtє

Mahar Regiment

Mahar regiment hi Indian Army infantry regiment pakhat niin, an regimental centre chu Saugor, Madhya Pradesh ah a awm ani.

History:
Mahar hnam te hi hmanlai atang khan martial rance niin, Shivaji khan sipai ah a hmang nasa hle a, tin British ho pawn an hmang nasa thin hle ani. Bombay Army ah te khan an awm a, Mahar hnam te hi an huaisen leh rinawm avangin British ho khan an duh em em ani. 1818 ah Koregoan indonna ah phei chuan an che tha em em a, hun a lo rei zel a kum 1917 khan British-Indian Army chuan Mahar hnam awm khawmna battalion a rawn din chho ve ta a, WW1 ah te an tel hnu khan regiment dang ah behtir an ni zel ani.

WW2 hma hret khan Mahar hnam zinga langsar Dr. BR Ambedkar in a nawr angin 1941 khan Mahar Regiment hran din ani a, WW2 a indonna hrang hrang Burma, Persia leh Iraq ah te an tel ani. Mahar Regiment hi hmanlai atang khan an inchhuan na em em chu Medium Machine Gun kah leh lek kawh hi ani. Machinegun specialist an ni reng a, unit dang ho ten an mahni rawn pui tu Mahar Regiment hnuaia machinegun detatchment an tel hian an lawm em em zel bawk. Mahar Regiment sipai te hian an heavy weapons te hi eng ang a kawng chhia ah pawh an keng zel ani.

India a independence hnu khan partition a hnam leh hnam inbeihna ah te khan a dang tu leh a thelhtu ah an tang nasa em em a, 1956 khan he regiment hian Punjab border a vengtu Border Scouts battalion thum chu la lehin tun thlengin he regiment hi a la dam ta zel ani.

Tin he regiment hian COAS pahnih lai an lo chher tawh bawk a, chungte chu Gen. KV Krishna Rao leh Gen. K. Sundarji te an ni.

He regiment a an 1, 2, 3, 7, 8 leh 13 battalion te hi Mahar hnam hlang awmna an ni a, a bak zawng h chu hnam hrang hrang atanga lak khawm an ni. Mahar hnam mai bakah Bengali, Oriya leh Gujarati ho atangin an lakhawm nasa hle bawk ani. An battalion zinga 16th Battlion chu Airborne a lehlin a ni a, 8 PARA a lo ni. He battalion vek hi Mechanised Infantry ah lehlin leh niin tunah 12th Battalion, Mech Infantry Regiment an ni.

Tunah heng unit te hi an din/enkawl mek ani.

☀ 1st Battalion

☀ 2nd Battalion

☀ 3rd Battalion

☀ 4th Battalion (ex Border Scouts)

☀ 5th Battalion (ex Border Scouts)

☀ 6th Battalion (ex Border Scouts)

☀ 7th Battalion

☀ 8th Battalion

☀ 9th Battalion

☀ 10th Battalion

☀ 11th Battalion

☀ 12th Battalion

☀ 13th Battalion

☀ 14th Battalion (ex 31st Mahar)

☀ 15th Battalion (ex 32nd Mahar)

☀ 17th Battalion

☀ 18th Battalion

☀ 19th Battalion

☀ 20th Battalion

☀ 21st Battalion

☀ 108th Infantry Battalion (Territorial Army)

☀ 115th Infantry Battalion (Territorial Army)

☀ 1st Battalion, Rashtriya Rifles

☀ 30th Battalion, Rashtriya Rifles

☀ 51st Battalion, Rashtriya Rifles

ђ๓คг tlคภﻮtє

11 Gorkha Rifles

11 Gorkha Rifles hi Indian Army infantry regiment pakhat a ni a, Gorkha Rifle regiment India in a neih pasarih zinga pakhat leh naupang ber a ni. An regimental centre chu Lucknow, Uttar Pradesh ah a awm ani.

History:
He regiment hi emergency in, British sorkar in sipai a mamawh hnem avangin WW1 hunlai 1918 khan din ani a, a tir chuan "11st Gurkha Regiment" a hming sak ani. He regiment din anih hian a sipai leh officer te pawh a hranpa a lak niloin Gorkha regiment lo awm tawh sa (1, 2, 3, 4, 5, 6, 7, 8, 9, 10 GR) atanga lak khawm an ni. Tin din anih hian an regimental chhinchhiahna (symbol/insignia), badge leh uniform hranpa pawh neiloin, he regiment a sipai leh officer te chuan an awm tawhna parent unit a uniform leh badge te chu an hmang ani. Tin unofficial badge te chu a thenah hman thin ni mahse, he regiment hian official badge an nei chuanglo ani. He regiment hi WW1 khan Palestine leh Mesopotamia ah te indo na ah te an tel ve a , tin Third Afhan War ah pawh an tel hman ani. WW1 a lo tawp a, sorkar pawn sipai a mamawh na a lo tlem a, Kum 1922 khan he regiment hi tihtawp/disband a ni a, a sipai leh officer la dam te chu an lo awmsa na regiment (parentregiment) ah an kir leh ta hlawm ani.

1947 a India a independence tak avangin Gorkha regiment 10 awmsa te chu India leh British ten an insem dawn a, heng zinga hian pali te chu British Army (2GR, 6GR, 7GR, 10 GR) ah an lut dawn a, a dang paruk (1GR, 3GR, 4GR, 5GR, 8GR, 9GR) te chu Indian Army ah an lut dawn ta a. British in an chan tur regiment a sipai te chu India a awm duhzawk an thlan tir chuan an lo tam hle mai a, 2GR a an 4nd Battalion (4/2 GR) phei chu a zavaiin India a beh an duh a, he battalion hi India in a chantur zinga 8GR ah an 5th Battalion (5/8 GR) ni turin an va pem ta ani. Heng bakah hian Britain in a chantur zinga mi 7GR leh 10GR ah pawh hian sipai tamtak India a beh duh an lo tam hle a, heng 7GR leh 10GR a India a awm chhunzawm duh sipai te awmna turin India chuan Gorkha regiment dang siam chu thuthlukna ah a nei ta ani. Hemi avang hian kum tamtak liam tawh hnu a Gorkha regiment an lo tihtawp tawh chu siam that leh chu thil tha ah an ngai ta ani.

Independence hnu 1 January 1948 khan heng 7GR leh 10GR sipai te India a awm chhunzawm duh te ho awmkhawm nan chuan Indian Army chuan regiment thar "11 Gorkha Regiment" a din ta a ni. Regiment thi tawh chu a rawn piang nawn leh a, Independence hnu a din anih angin British in an lo siam "11st Gurkha Rifles" ho kalhmang (traditions) chu chhunzawmloin kalhmang thar nen a din ta ani. He regiment hi an din nawn leh atangin India chuan indona hrang hrang ah a tel tir nasa hle a, 1971 leh Kargil War ah phei chuan an che tha em em em ani. Captain. Manoj Kumar Pandey (1/11 GR) phei chu Kargil War ah a huaisen vangin India sipai chawimawina sang ber chu a dawng ani.

Tin he regiment hian India sorkar in himalayan Indo-China border state te veng tura a din regiment te chi, Scout regiment zinga mi "Sikkim Scouts" a enkawl bawk ani. Sikkim Scouts hian an insignia ah hian 11 GR ho insignia a tawmpui nghe nghe ani.

He regiment a an 2nd Battalion (2/11 GR) phei chu Mizoram buai lai a India sorkar in sipai a rawn tirh hmasak pawl ah khan an tel ve nghe nghe a, anni hi 8 March 1966 khan Champhai lamah an chho anih kha. 2/11 GR hi khatih hunlai khan 61 Mountain Brigade hnuia awm an ni a, he brigade ah hian 8 SIKH, 3 BIHAR leh 2/11 GR te an awm a, an pathum hian Mizoram a rawn lut hmasa pawl an ni a, tin Mizoram buailai a India sipai unit lo kal te zinga human-rights bawhchhe lo awmchhun an ni nghe nghe ani.

Tunah heng unit te hi a enkawl mek ani:

☀ 1st Battalion (1/11 GR)

☀ 2nd Battalion (2/11 GR)

☀ 3rd Battalion (3/11 GR)

☀ 5th Battalion (5/11 GR)

☀ 6th Battalion (6/11 GR)

☀ 7th Battalion (7/11 GR)

☀ 107th Infantry Battalion (Territorial Army)

ђ๓คг tlคภﻮtє

9 Gorkha Rifles

9 Gorkha Rifles hi Indian Army infantry regiment pakhat a ni a, Gorkha Rifle regiment India in a neih pasarih zinga pakhat a ni. An regimental centre chu Varanasi, Uttar Pradesh ah a awm ani.

History:
Kum 1817 khan he regiment a an unit hmasa ber hi a rawn piang a, a tir chuan "Fatehgarh Levy" tiin hming sak ani. 1823 khan Bengal Native Infantry hnuaiah beh tirin an hming pawh thlak that leh niin "63rd Regiment" an ti leh ta a, Revolt of 1857 hnu khan kumpinu sorkhar chuan a sipai te chu siam tha vekin he regiment pawh hi "9th Bengal Native Infantry" tiin a thlak leh a, he regiment ah hian Gorkha hnam leh tlangmi dang te atang a sipai te hi an la ani. Indona hrang hrang ah hman an ni zel hnu in kum 1893 khan he regiment ah hian Gorkha hnam hlang awmna regiment ah lehlin niin Gorkha bik ah pawh Hindu sakhua zawm lam an la tam bik a, 1903 khan he regiment hi "9th Gurkha Rifles" tiia thlak nawn leh ani.

He regiment hi WW1 khan Europe ah pawh tirh an ni ve a, tin North Wesr Frontier ah pawh hman an ni. He regiment a sipai 50 chuang te hi Jallianwala Bagh Massacre ah khan General Dyer in pawisoilo a kahtir tu zingah khan an tel ve nghe nghe ani.

WW2 lai pawh khan hman leh zel niin Malaya, Italy, North Africa ah te hman an ni a, tin an 3rd battalion(3/9 GR) leh 4th Battalion (4/9 GR) te hi Burma campaign ah khan an hrang leh hle bawk ani.

India a independence dawn khan India, Nepal leh UK sorkhar te chuan Tripartite Agreement an sign a, hetih hunlai hian British-Indian Army hian Gorkha Regiment 10 a nei hman tawh a, heng zinga paruk chu India hnuaiah an bet ang a, a dang pali te chu British Army ah an bet dawn ta ani. India a lut tur zingah hian he regiment hi thlan a ni. Independence hnu kum 1950 khan India chu a lo republic tak avangin he regiment a kumpinu lal rawng kai hming pawh chu paihthlak niin an regiment hming thlak nawn leh ani a, hemi ni atang hian vawiin ni thleng 9 Gorkha Rifles tih hming an pu ta ani. Independence hnu khan indonna hrang hrang ah te an tel a, an la hrang ta zel ani.

Tunah hian heng unit te hi an din/enkawl mek ani.

☀ 1st Battalion (1/9 GR)

☀ 2nd Battalion (2/9 GR)

☀ 3rd Battalion (3/9 GR)

☀ 4th Battalion (4/9 GR)

☀ 5th Battalion (5/9 GR)

☀ 6th Battalion (6/9 GR)

ђ๓คг tlคภﻮtє

8 Gorkha Rifles

8 Gorkha Rifles hi Indian Army infantry regiment pakhat a ni a, Gorkha Rifle regiment India in a neih pasarih zinga pakhat a ni. An regimental centre chu Shillong, Meghalaya ah a awm ani.

History:
He regiment hi an intanna chhui dawn chuan kum 1824 a British East India Company in "16th Sylhet Local Battalion" a din atang khan ani. He regiment hi din anih velah khan an 1st Battalion chu First Anglo-Burmese War (1824-25) ah an tel nghal a, ahnu ah Bhutan donna kum 1864 khan an tel leh ani. Tin Nagaland lamah rebel ho bei turin kum 1879 khan tirh an ni leh bawk.

WW1 hma 1907 khan he Regiment hi hming thlakin 8th Gurkha Rifles hming an pu ta a, WW1 ah pawh Italy, France, Mesopotamia leh Egypt ah te an tel ve a Battle od Loos ah phei chuan an hming tha em em a, an huaisenzia chu he indona ah hian an lantir leh ani. Battle of Loos ah hian a tir chuan 8 Gurkha Regiment sipai 800 rual in German sipai rawn beitu an mahni ai tam chu lo dang betin, a tawp ah phei chuan he unit a 800 zingaah mi 50 chiah an damchhuak nghe nghe ani. Tin batle honors pawh an dawng tam hle ani.

WW2 ah pawh khan an che tha hle a, Victoria Cross pawh he regiment a sipai pakhat Lachhiman Gurung in a dawng nghe nghe ani.

India a independence dawn khan India, Nepal leh UK sorkar te chuan Tripartite Agreement an sign a, hetih hunlai hian British-Indian Army hian Gorkha Regiment 10 a nei hman tawh a, heng zinga paruk chu India hnuaiah an bet ang a, a dang pali te chu British Army ah an bet dawn ta ani. India a lut tur zingah hian he regiment hi thlan a ni. Independence hnu kum 1950 khan India chu a lo republic tak avangin he regiment a kumpinu lal rawng kai hming pawh chu paihthlak niin an regiment hming thlak nawn leh ani a, hemi ni atanga tun thleng hian 8 Gorkha Rifles tih hming an pu ta ani. Independence hnu khan indonna hrang hrang ah te an tel a, an la hrang ta zel ani.

He regiment inchhuana em em chu Indian army officer a hmingthang ber a sawi theih, Field Marshall. Sam Manekshaw hi a chher ani. Manekshaw hi India independence leh inthen hnu khan a awmna regiment chu Pakistan lamah an sawn tak avangin a tir a reilo te 3/5 Gorkha Rifles ah a awm hnuin he regiment ah hian sawn ani. Sam Manekshaw hi Parsi hnam niin Gorkha sipai te huaisen zia hi a tak a hmu nasa ber pawl ani a, a Gorkha sipai te pawn a huaisen leh hotu nih a tlinzia hriain amah an koh nan "Sam Bahadur" emo "Sam Huaisena" tiin an ko ani. Sam Manekshaw phei chuan "Miin thih ka hlau lo a tih chuan chu pa chuan dawt a sawi anih loh pawn Gorkhali ani ang" a ti nghe nghe anih kha.

Tin he regiment atang hian Major. Dhan Singh Thapa(1/8 GR) chuan Sino-Indian War(1962) khan India sipai chawimawina sangber Param Vir Chakra a dawng nghe nghe bawk ani.

Kum 1979 khan an 1st Battalion(1/8 GR) chu Mechanised Infantry ah lehlin niin tunah chuan 3rd Battalion, Mechanised Infantry Battalion a ni tawh ani.

Tunah hian heng unit te hi an din/enkawl mek ani.

☀ 2nd Battalion (2/8 GR)

☀ 3rd Battalion (3/8 GR)

☀ 4th Battalion (4/8 GR)

☀ 5th Battalion (5/8 GR)

☀ 6th Battalion (6/8 GR)

☀ 7th Battalion (6/8 GR)

ђ๓คг tlคภﻮtє

5 Gorkha Rifles (Frontier Force)

5 Gorkha Rifles hi Indian Army infantry regiment pakhat a ni a, Gorkha Rifle regiment India in a neih pasarih zinga pakhat a ni. An regimental centre chu Shillong, Meghalaya ah a awm ani.

History:
He regiment hi 1858 khan din ani a, "25th Punjab Infantry" emaw "Hazara Goorkha Battalion tia" hming sak phawt ani. A tir chuan Nepal mi leh sa te ho he regiment a tang tur hian lak an ni a, 1861 khan "5th Gurkha Regiment" tia hming thlak leh ani. Second Afghan War kha an indonna tel hmasak ber na ani a hetah hian battle honour hmasa ber an dawng a, tin Victoria Cross pawh an dawng nghe nghe ani. 1891 khan Rifle regiment ah puan niin an regiment pawh chuan hming thlak lehin "5th Gurkha (Rifle) Regiment" an ni ta a, 1901 khan tihtawi leh hret niin "5th Gurkha Rifles" an ni leh ta ani.

He regiment hi 19th century tawp lam khan Punjab province ah an awm a, Punjab Frontier Force hnuaiah behtir an ni a, hemi avang hian 1903 khan an hming pawh thlak lehin "5th Gurkha Rifles (Frontier Force)" tih an pu leh ta ani.

WW1 ah pawh khan an tel leh a, Middle East lamah an hrang hle ani. 1921 khan WW1 a an chet that em avangin an hming thlak leh niin "5th Royal Gurkha Rifles" an ni ta a, tin Third Afghan War ah te an tel a, North West Frontier ah te an che na leh hle ani.

WW2 khan an 1st Battalion pawh kha Mediterranean leh Middle East ah an tel leh a, tin Victoria Cross te pawh an la leh ani. an 2nd Battalion ve thung chu Burma Campaign lamah an tel ve thung a, he battalion hian Victoria Cross pathum ngawt an dawng ani. Tin WW2 tawp hnu khan he 2nd Battalion te hi Toyko, Japan ah British Commonwealth Occupation Force hnuaiah an tel leh nghe nghe ani. 1941 khan 4th Battalion chu din ve niin Burma lamah tho an tel nasa hle ani.

India a independence dawn khan India, Nepal leh UK sorkar te chuan Tripartite Agreement an sign a, hetih hunlai hian British-Indian Army hian Gorkha Regiment 10 a nei hman tawh a, heng zinga paruk chu India hnuaiah an bet ang a, a dang pali te chu British Army ah an bet dawn ta ani. India a lut tur zingah hian he regiment hi thlan a ni. Independence hnu kum 1950 khan India chu a lo republic tak avangin he regiment a kumpinu lal rawng kai hming pawh chu paihthlak niin an regiment hming thlak nawn leh ani a, hemi ni atang hian vawiin ni thleng 5 Gorkha Rifles (Frontier Force) tih hming an pu ta ani. Independence hnu khan indonna hrang hrang ah te an tel a, an la hrang ta zel ani. Tin Indian Peace Keeping Force, Sri Lanka ah pawh an 4th battalion te pawh an tel ani.

Tin he regiment hian tuna COAS ni mek Gen. Dalir Singh Suhag (4/5 GR) hi a chher nghe nghe ani. Gen. Dalbir Singh hi Gorkha Regiment atanga officer, COAS ni pahnih zinga pakhat a ni. Tin Field Marshall. Sam Manekshaw pawh kha India Independence hnu khan a parent regiment kha Pakistan Army hnuaia a awm tak vangin 3/5 GR ah hian transfer ani a, a hnu ah 8 GR ah a awm hlen ta ani.

Tunah hian heng unit te hi an din/enkawl mek ani.

☀ 1st Battalion (1/5 GR)

☀ 2nd Battalion (2/5 GR)

☀ 3rd Battalion (3/5 GR)

☀ 4th Battalion (4/5 GR)

☀ 5th Battalion (5/5 GR)

☀ 6th Battalion (6/5 GR)

ђ๓คг tlคภﻮtє

4 Gorkha Rifles

4 Gorkha Rifles hi Indian Army infantry regiment pakhat a ni a, Gorkha Rifle regiment India in a neih pasarih zinga pakhat a ni. An regimental centre chu Subathu, Himachal Pradesh ah a awm ani.

History:
Kumpinu sorkar in Gorkha Regiment a siam hmasak ber kum atanga kum 40 hnu ah chuan Gorkha Regiment thum a lo siam tawh a, 1857 a India buaina avang khan hemi kum vek hian he regiment chu lo piangin "Extra Goorkha Regiment" tiin hming an phuah ani. Bengal Army hnuaia an dah khan "19th Regiment of Bengal Native Infantry" tiin a hming thlak leh ani a, mahse 1861 khan 4th Goorkha Rifles tiia thlak leh ani. 1857 leh 1914 inkar khan Lushai Hills ah te lal te nau te ho bei turin hman fo an ni.

WW1 ah khan hman nasat an ni a, an che tha em em bawk a, kum 1924 khan he regiment chu hming thlak leh niin "4th Prince of Wales' Own (PWO) Gurkha Rifles" an lo ni leh ta ani. WW2 khan Burma leh North Africa leh Italy ah te khan indonna hrang hrang ah an tel leh bawk a, tin independence hnu pawh khan India in indonna a telna apiang deuh thaw ah tel an la ni zar zar bawk.

India a independence dawn khan India, Nepal leh UK sorkar te chuan Tripartite Agreement an sign a, hetih hunlai hian British-Indian Army hian Gorkha Regiment 10 a nei hman tawh a, heng zinga paruk chu India hnuaiah an bet ang a, a dang pali te chu British Army ah an bet dawn ta ani. India a lut tur zingah hian he regiment hi thlan a ni. Independence hnu ah khan kum 1950 khan India chu a lo republic tak avangin he regiment a kumpinu lal rawng kai hming pawh chu paihthlak niin an regiment hming thlak nawn leh ani a, hemi ni atanga tun thleng in "4 Gorkha Rifles" tih hming an pu ta ani.

Tunah hian heng unit te hi an din/enkawl mek ani.

☀ 1st Battalion (1/4 GR)

☀ 2nd Battalion (2/4 GR)

☀ 3rd Battalion (3/4 GR)

☀ 4th Battalion (4/4 GR)

☀ 5th Battalion (5/4 GR)

☀ 6th Battalion (6/4 GR)

ђ๓คг tlคภﻮtє

3 Gorkha Rifles

3 Gorkha Rifles hi Indian Army infantry regiment pakhat a ni a, Gorkha Rifles regiment India in a neih pasarih zinga upa ber dawttu ani. An regimental centre chu Varanasi, Uttar Pradesh ah a awm ani.

History:
East India Company leh Nepal te an indo lai 1814 a Anglo-Nepalese War (Gorkha War) khan British ho chuan Nepal ho chu an hneh a, mahse heng Nepali ho huaisen zia hi Maluan kulh a an hmuhin an ngaisang em em a, tin British ho hian sipai tha an zawng reng zel nen heng Gorkha hnam te hi a sipai zingah a duh ve ta ani. Hemi hnu hian East India Company leh Nepal lal te nen chuan inremna "Treaty of Seagauli" an ziak ta ani. Heta tang hian British ho chuan Gorkha hnam ho chu sipai ah chhawr nghalin 24th April 1815 khan he regiment hi lo piangin a hming ah "Kemaoon Battalion" a lo din ta ani.

He Regiment hi an din tirh atang Gorkhali chiah lak an ni bik lo a, Kumaon leh Garhwal hnam te pawh an la ani. A tir chuan Nepal leh India ramri vengtu atan hman an ni a, Indian Mutiny 1857 khan an che tha leh em em ani. 1861 khan he regiment hi Bengal Army hnuaia awmtirin an regiment hming hi thlakin "18th Bengal Native Infantry" an pu a reilo te ah 3rd Goorkha(The Kumaon) Regiment tiin thlak leh ani. Hun lo kal zel ah indonna hrang hrang ah hman an ni fo ta zel a 1887 khan he regiment a an battalion pahnihna chu din leh niin he battalion ah ve thung chuan Garhwali hnam bik an awm a, mahse 1890 khan he battalion thar zawk hi lak hran niin Garhwali hnambik awmna regiment thar ah dah an ni ta a, hemi kum vek hian an battalion pahnihna thar zawk chu siam belh niin 1891 khan he regiment hi rifle regiment ah lehlin niin an hming pawh "3rd Gurkha (Rifle) Regiment" tia thlak a ni.

1907 khan kumpinu lal Edward VII nupui(queen consort) Alexandra of Denmark hming chawiin he regiment hming hi thlak niin "3rd The Queen's Own Gurkha Rifles" tia thlak ani a, hemi kum leh ah hian a chiang zawkin thlak lehin "3rd Queen Alexandra's Own Gurkha Rifles" a thlak nawn leh ani. WW1 khan he regiment a battalion te hi Western Front leh Middle East ah an tel leh nasa hle ani. Western Front ah phei chuan he regiment a sipai pakhat Rifleman. Kulbir Thapa chu Gorkhali hnam, kumpinu sipai chawimawina sang ber Victoria Cross dawng hmasa ber ani nghe nghe ani.

WW2 khan he regiment hian battalion dang pahnih (3rd leh 4th) te a din belh a, North Africa, Italy leh Burma ah te an huaisen zia an ti lang leh nasa hle ani. North Africa Campaign ah phei chuan an 2nd battalion chu an vanduai a, hmelma ten an that vek lek lek a, sipai 200 chuang chu man an ni a, mahse heti chung pawh hian an huaisen hle a a tam zawk phei chu an tan lai an tlanbo deuh vek ani.

India a independence dawn khan India, Nepal leh UK sorkhar te chuan Tripartite Agreement an sign a, hetih hunlai hian British-Indian Army hian Gorkha Regiment 10 a nei hman tawh a, heng zinga paruk chu India hnuaiah an bet ang a, a dang pali te chu British Army ah an bet dawn ta ani. India a lut tur zingah hian he regiment hi thlan a ni. Independence hnu ah khan kum 1950 khan India chu a lo republic tak avangin he regiment a kumpinu lal rawng kai hming pawh chu paihthlak niin an regiment hming thlak nawn leh ani a, hemi ni atang a tun thleng hian "3 Gorkha Rifles" tih hming an pu ta ani. Independence hnu khan indonna hrang hrang ah te an tel a, an la hrang ta zel ani.

1997 khan London ah Gorkha ho chawimawina lim hawn nin he chawimawina ah hian British mithiam lar Sir Ralph Turner, he regiment a officer lo ni thin in a ziah "Bravest of the brave, most generous of the generous, never had country more faithful friends than you." tih tar tel ani. Mizo tawng chuan "Huaisen te zinga huaisen ber, mifel te zinga fel ber, he ram hian nangni ang a thian rinawm a la nei ngai lo"

Tunah hian heng unit te hi an din/enkawl mek ani.

☀ 1st Battalion (1/3 GR)

☀ 2nd Battalion (2/3 GR)

☀ 3rd Battalion (3/3 GR)

☀ 4th Battalion (4/3 GR)

☀ 5th Battalion (5/3 GR)

ђ๓คг tlคภﻮtє

1 Gorkha Rifles (The Malaun Regiment)

1 Gorkha Rifles hi Indian Army infantry regiment pakhat a ni a, Gorkha Rifle regiment India in a neih pasarih zinga upa ber a ni. An regimental centre chu Subathu, Himachal Pradesh ah a awm ani.

History:
East India Company leh Nepal te an indo lai 1814 a Anglo-Nepalese War (Gorkha War) khan British ho chuan Nepal ho chu an hneh a, mahse heng Nepali ho huaisen zia hi Maluan kulh a an hmuhin an ngaisang em em a, tin British ho hian sipai tha an zawng reng zel nen heng Gorkha hnam te hi a sipai zingah a duh ve ta ani. Hemi hnu hian East India Company leh Nepal lal te nen chuan inremna "Treaty of Seagauli" an ziak ta ani. Heta tang hian British ho chuan Gorkha hnam ho chu sipai ah chhawr nghalin 24th April 1815 khan he regiment hi lo piangin a hming ah "First Nusseree Battalion" a lo din ta ani.

Hun a lo rei zel a, British ho chuan he regiment hi indonna hrang hrang ah a hmang zel a, kum 1850 khan he regiment hming hi "66th Goorkha Regiment of Bengal Native Infantry" tia thlak a ni leh ani. 1861 khan thlak leh niin "1st Goorkha Regiment" hming puin a vawikhatna atan ram pawna indo tura thawn an ni. 1886 khanan regiment hming thlak leh niin "1st Gurkha Rifles" an ni ta a, 1903 khan "1st Gurkha Rifles (The Malaun Regiment)" tiin thlak leh ani.

1906 khan kumpinu lal George, Prince of Wales (later King George V) chu an regiment Colonel-in-Chief niin a ma hming chawimawi nan 1st Prince of Wales's Own Gurkha Rifles (The Malaun Regiment) tiin an regiment hming chu thlak leh a ni. 1910 khan George, Prince of Wales hi lal a rawn nih chiah khan King George V a ni a, he regiment pawh hi an hming thlak leh niin "1st King George's Own Gurkha Rifles (The Malaun Regiment)" hming an pu ta ani.

Indopui 1na ah te an che tha em em a, tin WW2 ah pawh khan British sorkar chuan a hmang zel ta ani. Burma leh Malaya ah te tirh an ni zel ta fo ani. An huaisen zia hi hmelma leh an pawl ten an hre em em bawk. WW2 tawp thleng khan he regiment hian battalion 5 an nei hman a, mahse indopui a tawp tak ah chuan battalion tamzawk te hi tihtawp an ni ta ani.

India a independence dawn khan India, Nepal leh UK sorkar te chuan Tripartite Agreement an sign a, hetih hunlai hian British-Indian Army hian Gorkha Regiment 10 a nei hman tawh a, heng zinga paruk chu India hnuaiah an bet ang a, a dang pali te chu British Army ah an bet dawn ta ani. India a lut tur zingah hian he regiment hi thlan a ni. Independence hnu ah khan kum 1950 khan India chu a lo republic tak avangin he regiment a kumpinu lal rawng kai hming pawh chu paihthlak niin an regiment hming thlak nawn leh ani a, hemi ni atanga tun thleng hian 1 Gorkha Rifles (The Maluan Regiment) tih hming an pu ta ani.

Tin indepedence hnu ah pawh India in a indonna ah an la tel ve zel ani. A hma a sawi angin an wartime battalion din thenkat thiahdarh anih hnu in 1965 ah khan battalion 5 an enkawl mek a ni. Tunah hian heng unit te hi an din/enkawl mek ani.

☀ 1st Battalion (1/1 GR)

☀ 2nd Battalion (2/1 GR)

☀ 3rd Battalion (3/1 GR)

☀ 4th Battalion (4/1 GR)

☀ 5th Battalion (5/1 GR)

Sniper Ropui Lyudmyla Pavlichenko

Sniper tih tawngkam lo chhuah dan chu kum 1779 vel daih tawh India pawh British awpna hnuaia kan la awm lai khan, India rama British sipai awm te khan ramvah a sapelh kha nuam an ti em em thin a. Chu'ng British sipai hote chuan an ramvah pah hian inelna, intihhlimna chikhat dangdai leh harsa zet mai an nei thin a, chu chu sava chikhat, tereuhte "Snipe" an tih ang chi chu ralkhat atangin an inkahsiak thin a. Chutiang sava te reuhte, ral hla fe atanga kap fuh chat chat thei te chu "Sniper" tiin an ko thin a, chutatang chuan "Sniper" tih tawngkam hi a lo chhuak ta ani.

"Hmeichhe awmnem" mipaho hian kan han ti ngawt tak na a, he tawngkamin a tarlan tum chu kan hre vek awm e, mahse hmeichhia zawng zawng hi mipa te aiin an awm a nem vek bik lo. Tuna Sniper ropui zet chanchin ka rawn sawi tur hi mipa tamtak tluk loh, Soviet Union Sniper ropui, khawvela hmeichhe Sniper awm tawh zawng zawng zinga Sniper ropui bera a chhal Lyudmyla Pavlichenko chanchin hi a ni.

Lyudmyla Mikhailovna Pavlichenko hi July ni 12, kum 1916 khan Ukraine thingtlang khaw tetakte Bila Kserkva ah alo piang a, kum 14 mi a nihin an chhungkua chu Kiev khuaah an pem a. Pavlichenko pawh hi hmeichhia e tilovin, Sniper ropui dang ang thovin a tette atangin silai kah a ngaina em em a. Hetia Keiv khua a an pem hnu hian an khua a ralthuam siamna hmunpui Keiv Arsenal Factory ah thawkin, Keiv University ah lehkha a zir pah bawk a. Kum 14 mi lek a nihin silai kah zirna DISAAF shooting club a zawm a, he club hian he khawvel awm chhunga hmeichhe Sniper hmingdai leh tawh ngai lo ni turin alo chherchhuak ta a ni. Pavlichenko hian history subject hi zir nuam a ti em em a, kum 1937 khan Keiv University atangin history subject ah Masters' Degree a zo nghe nghe.

Kum 1941 a rawn herchhuah chuan khawvel indopui pahnihna pawh a rawn inherchhuak ve nghal a. German in Soviet Union a rawn run hmasak ber khan Pavlichenko pawh kum 24 mi alo ni ve tawh a. Chutia German hovin a ram a hmangaih, a rawn ralpui phiar takah chuan a hmeichhiat awmnemna dah tha in, Soviet Union sipai zawm ve a, ram leh hnam chhan nan a rammut alo rilruk ve ta ani. Indo a nasa zel a Soviet hruaitute'n an sipai neihsa chuan German ho chu dawl zo dawn a an inhriat tak lovah chuan a ram thalai te hnenah volunteer a raldo tur mi a zawng ve ta a. Hetia volunteer tur an sawrkarin a zawng a ni tih a hriat veleh hian, Pavlichenko chu kum 24 mi niin Soviet Sipaiah chuan a inziak lut fel ve ta a ni. Hetia sipai a a inziah luh tirh hian sipai nurse leh sipai pangngai ni thei turin duhthlanna an pe a, mahse Pavlichenko chuan sipai ngei nih a, raldo chu a thlang ta zawk a ni. Tichuan kum 1941 ah chuan Soviet Union Red Army 25th Rifle Division ah awmin, Red Army hmeichhe sniper 2000 zet zinga indopui paltlang thei 500 zingah a tel ve ta a ni.

Sipai tang ta nafam chuan training te a han nei chho ve nawk nawk a, a sipai tan tirh atang hian Pavlichenko hian sipai naran mai ni lova, sniper nih a chak em em a. Chu chu an hotu te chuan hriain sniper training pawh a dawng pah nghal bawk a ni. Tichuan kum 1941 kumtawp lamah chuan a sniper training programme chu hotute mittlung takin a zo a, mahse a kum ala naupan deuh vang leh sipai a tanna a la rei loh em avang chuan an hotute chuan indona muala han tirh chhuah nghal mai chu an hreh deuh a. Mahse, Pavlichenko chuan indona muala chet a chak tawh si, tichuan tihdan a ngaihtuah ta a. A naupan laia DISAAF shooting club a a awm lai a Voroshilov Sharpshooter badge leh silai inkahsiakna a a certificate lak te chu an hotute a hmuh ta a, chu chuan an hotute lung a dum ni ngei tur a ni, a kum leh 1942 ah chuan indona mualah chuan tirchhuak ve tanin Private rank an pe ve ta a ni.

Tette atanga silai ngaina leh kapthiam, sniper training dawng tel bawk chu indona mualah chuan alo tangkai nasa mai a. Indona muala an tirchhuah atanga ni 75 lek chhungin, Odessa indona hmunah confirm kills 187 teh meuh a nei hman a. He indona ah hian Soviet lam chuan German lam an dawl zawh tak loh avangin Pavlichenko te Unit chu an in withdraw a, hemi hnu hian an hotute'n an Unit chu Crimean Peninsula a Sevastopol hmunah thlariat chhung an dah a. Hetia a chetthat em vang hi aniang Lieutanant rank ah kaisangin, an hotute chuan 25th Chapayev Rifle Division ah te, 54th Stephan Razin Rifle Regiment ah te sipai pangngai tha tichak turin an dah kual thin a. A awmna Platoon te hian an tangkai pui thei em em a, a tawp ah chuan Soviet Union sniper tha te awm khawmna Platoon 2nd Company Sniper Platoon ah a pension thleng a awm ve ta a ni. Pavlichenko hian sniper anga mi a kahhlum hmasak ber pahnih chu Belyayevka indona hmun ah niin, Takarev SVT 40 semi automatic rifle, 3.5X telescopic sight vuah hmangin a ni.

Pavlichenko hian sniper anih chhung hian confirm kills 309 zet a nei a, chu'ng a kahhlum te zingah chuan sipai pangngai mai bakah sipai officer 100 zet leh hmelma lam, German sniper 36 lai a kaphlum tel a ni. German sniper a kahhlum zinga pakhat, amah Pavlichenko ngeiin a ruang a han chian pakhat phei chuan a kekawr ipte ah log book lo ak in, a log book ah chuan confirm kills 500 vel lai a lo nei ve reng mai a, he sniper a kahhlum hi German Sniper ah chuan a ropui ber awm mang e an ti hial a ni. Mak deuh mai chu he German sniper a kahhlum hi a hming leh a nihna hi tarlan a ni tlat lo.

A Confirm kills hi 306 anga chhinchhiah ni mahse mi 500 vel tal chu kaphlum tura ngaih a ni. A confirm kills a tlem chhan ni a sawi chu, Pavlichenko hi a mala che chi a ni a (Spotter a hmang ngai lo) a kahhlum zat lo chhiartu tur spotter a neih loh a vangin amahin a record theih chin kha an pawm ta mai niin a lang. Indona muala hna a thawh dawn reng reng chuan a tlangpuiin an Unit camp atanga feet 600-1000 vela hmalam, a thiante leh an hmelma te inkar nisi ah ralsai tura bihrukna tawmbuk a siam thin a, chuta tang chuan a thiante covering fire a lo pe ta thin a ni.

Hetia thahnem ngai taka Sevastopol indona muala sniper hna a thawh lai hian kum 1942 khan Mortar siperin na takin a fuh ta hlauh mai a, thla engemaw zat hnu ah chuan rawn dam chho lehin a hna ngai bawk a zawm leh a. Kum 1942 vela a chetthat em avang hian Pavlichenko hi a lar em em mai a, a inhliam a damfel hnu a a hna ngai a a let leh chu vanduaina a tawh a, a boral mai an hlauh avang in Soviet High Command chuan Sevastopol atang chuan submarine in a lachhuak ta ani. Hetia indona mual atanga an lakchhuah hnu hian Major rank ah an kaisan tirin a pension ve ta a. Hemi hnu pawh hian sniper instuctor ah te awm lehin, an ram thalaite thinlungah ram leh hnam hmangaihna nghet taka tuh tumin vantlang inkhawm ah te thu a sawi nasa em em a ni.

Indona mual atanga Lyudmyla an la chhuak hi an tifuh khawp mai, Sevastopol a chhuahsan atanga thlakhat pawh tling lovah Lyudmyla awmna Division a sipai zawng zawng, a pasal tiamin kahhlum vek anni a, Lyudmyla erawh a him phah ta hlauh a ni. (Link hrang hrang ka zawn kual pawhin Pavilchenko Lyudmyla pasal hi tunge anih ka zawng hmu thei tlat lo, sipai chu a ni ve tih chauh ka hre thei).

A pension hnu a vantlang inkhawmna leh hmun dang dang a thusawituah te an sawm thin hnu hian a rin loh leh beisei loh lutuk thil a tawng ta. Hetih hunlaia US President Franklin Roosvelt chuan America-a rawn zina thusawina hunte nei turin a sawm ve tlat mai a. Tichuan an sawmna chu pawmin America chu a pan ve ta a, a vawikhatna atan Soviet Union mi leh sa, American inpui, "The White House" a official taka an mikhual hmasak ber a ni ta ani. Hemi tum hian International Student Assembly, Washington DC a neih mekah te leh CIO meeting-ah te tel ve in, New York khawpuiah te pawh thusawina hunte neiin, US chuan ngaihhruina thilpek atan Colt automatic pistol an lo pe a ni. Hemi hnu hian a sniper pui Vladimir Pchelintsev leh Nikolai Krasavchenko te nen Canada-ah an zin leh a, a lar vanglai lo ni bawk nen mipui sang tam takin Toronto rel station ropui Union Station, Toronto-ah an lo hmuak a, hemi tum pawh hian ngaihhrui nan Canada sawrkar chuan Winchester rifle, enlenna awm chi an lo pe nghe nghe a ni. He a silai dawn hi tunah chuan Central Armed Forces Museum, Moscow-ah mipui hmuhtheihin an dah tawh a ni.

A penson hnu hian indona mualah awm tawh lo mahse indopui a tawp thleng khan Soviet Union Sniper te tan a tangkai em em a, sniper tamtak chherchhuakin, heng a sniper chherchhuah te kaltlang hian Soviet Union sipai tamtak nunna a chhanhim ti ila kan sawisual awm lo ve.

Indopui te alo tawp tak hnu leh, boruak te alo zangkhai tak hnu chuan a zirna Historian hna chu a chhunzawm leh a. Kum 1945-1953 chhung khan Soviet Navy Chief HQ ah Assistant researcher-in a awm a, hemi hnu lamah hian Soviet Committee of the Veterans of War-ah te a kul a taiin a in hmang ve leh a ni.

Kum 1974 October ni 10 ah chuan kum 58 mi chauh niin, khawvel hmeichhe sniper ropui ber mai Lyudmyla Pavlichenko chuan he khawvel hi alo chhuahsan ve ta a ni.

Soviet Union chuan Lyudmyla hi an chawimawi thiamin an ngaihsan zia an tilang thiam hle a, a vawikhat nan kum 1943 khan Lyudmyla thlalak hi an pastage stamp-ah an nemkai a, a vawihnih nan kum 1976 khan a thlalak bawk hi an postage stamp-ah an lo nemkai leh bawk a ni.

Hetianga khawvel huapa hmeichhe ropui leh chhuanawm hi a MHIP Branch emaw a mimal ang zawng pawh a amah zahna leh ngaihsanna lantir nan, "A thlanah ngei pangpar ka han dah ve teh ang," ti te in lo awm tak hlauhin, Lyudmyla hi Novodevichye Cemetery Moscow, Russia-ah an phum tih hi kan ziak tel hram a nge.

Bishop G Barstowski

Lu Tuak

Synod khawmpui chu mizorama kohhran lian bera mipui aiawha rorel phak, khaw khat pa-rawnte rorelna khawmpui a ni. An kum zat chawhrual atanga chhutin a zatve aia tam Lu a tuak ngei tawh ang. Mahse, Thufing 20:29-a 'Putarte mawina chu an lu tuak a ni,' tih kha pawm lova zahpuia, sam dumna hmanga Baptist deuh vek zuk nia! Assembly House-a kan aiawha rorelte pawh, Chief Minister ho meuha lu tuak thupa sam dum an ni. Aiawh neia rorel ve lo, mi narante sam dum chu thil naran a ni. Mahse Kohhran leh sorkara kan aiawhte meuhin an mawina thupa sam an dum hi, chhungril takna aia mawina pawnlang buaipui hmam kan nihzia lantirna a ni lo maw?

Tarmit te, Ha lem leh Beng dar vuahte hi chu mihring hlutna belhchhahtu a ni. A tha thei ang ber vuah a sual lo. Sam dum erawh chu hmeichhe powder ang leka inkhuhmawina thil (cosmetic treatment) a ni.

Kan pulpit sermon-ah chuan, kan rah chin bakah, kan la rah lohte thlengin kan hauh ngam a. A tak ramah chuan, hmeichhia leh tuaiphengte lawm tawk hi kan enghelh a ni leh si. "Lalpa chuan heti hian a ti..." tih aiin "Mite chuan heti hian an ti..." tih hi kan Dogma leh Dictum chu a ni ta ber awm e.

Ram leh kohhran hruaitu meuh ni thei chuan, pawn lam inkhuhmawina aiin chhung lam takna a ngai pawimawh zawk a ni tih, ama lua kelsam to ngei chu hmangin, mipui hnenah an puang chhuak ngam tur a ni dawn lo'm ni?

Mahni lu tuak thuptu hian engtin nge kan tu leh fate hmui hnawih sen lutuk te hi kan zilh ngam tak ang? Mahni lu tuak zahpuitu hian engtin nge kan fanute chawn sek chu zahpui lova, pathian siam dan chu chhuang ngam zawk tura kan fuih ngam ang? Biru rilru pu chungin kohhran leh ram kan hruai a ni lo maw?

"Lua kelsam tote hmaah chuan i ding zel thin tur a ni.." (Lev 19:33) tih hi YMA chuan aia upa zah thu kan sawi apianga kan changthlan a ni. Chutianga upate zah tura thangtharte zirtir mek an nih laiin, tu hmaah nge an din tak ang? Mahni lu tuak zahpuitu hian thangthar hnenah, "aia upa zah rawh!" tiin zah kan phut leh si. Zahawmna symbol zahpui chunga zahawmna dawn beisei tlat si te hi. Congress symbol zahpui chunga NLUP dawn beisei tlat si te aiin an zahpuiawm daih zawk.

Hrisel tha tak anga lan kan duh chuan, hmeichhia anga sam dum buaipui lo hian, insawizawiin, ei leh in uluk ila, zuk leh hmuam lakah inthiarfihlim ila a dik zawk dawn lo'm ni?

Lu tuak zahpuia sam dum hi Necktie ang deuhin Pu Buanga leh Sap Upate khan rawn ching chhuak se, kan Zosapte khan ringtharte hriat hranna atan hmang sela, London-a 101 Victoria Street-a Sipai pawl hmunpuiah te la thutak viau sela, Serampore Senate dintu William Carey-a leh a hnua Principal Dr Lalchungnunga te khan, an lu tuak thupin, "Kristiante chuan sam dum tur!" te lo ti sela chuan, "Mizo Kristian Cultural Heritage a ni," te pawh kan ti thei ang. Chutiang a awm si lo.

Lu tuak zahpuia sam dum hi sapramah leh Hollywood-ah khawvel milarten ching viau sela, "Media thlemna kan do zo lo a ni!" kan ti thei ang. Mahse, Synod palaite leh kan MLA te aia lar leh hlawh tam daih zawk ni chunga an lu tuak zahpui lote hi chhiar teh:
Anthony Bourdain,
Barack Obama,
Bill Clinton,
Bill Gates,
Billy Graham,
Brad Pitt,
Clint Eastwood,
Daniel Craig,
David Bowie,
Diane Keaton,
George Clooney,
Harrison Ford,
James Coburn,
Jamie Lee Curtis,
Matt LeBlance,
Michael Caine,
Michael Douglas,
Morgan Freeman,
Nelson Mandela,
Paul Newman,
Pierce Brosnan,
Richard Branson,
Richard Gere,
Robert De Niro,
Steve Jobs,
Steve Martin,
Sean Connery..
Kan ziak seng lo zawk.

India ramah phei chuan lu tuak hi zahawmna anga ngaih a ni. Heng lu tuakte hian an zahpui em?
Abdul Kalam,
AB Vajpayee,
Amitabh Bachchan,
Bal Thackeray,
Hamid Ansari,
Hasim Premji,
Indira Gandhi,
Jaswant Singh,
Jyoti Basu,
Kapil Sibal,
Lalu Yadav,
LK Advani,
Manmohan Singh,
Narendra Modi,
Nitish Kumar,
Pranab Mukherjee,
Pratibha Patil,
Rajiv Gandhi,
Ratan Tata,
Shashi Thoroor,
Sheila Dikshit,.
A! Lu tuak lo chhiar a awl zawk hial awm e!

Bible-in a sawi angin (Gen 15:15, 25:8, Isaia 46:4) Indian Culture-ah chuan, lu tuak hi damreina malsawmna entirna anga ngaih a ni a, upate zahawmna lantirtu anga ngaih a ni bawk. Chu culture chhunga mite hnena, lu tuak zahpuia sam dumtu Synod palaite Mission rawngbawlna hian eng chen tak thleng ang maw?

Mi an loh hlauva sam dum ve tho he thu ziaktu thuziah pawh hian eng ang takin ngaihnep hlawh zui ang maw?
Ngaihtuah a ngai e.

Vanneihtluanga

ђ๓คг tlคภﻮtє