Mizoram Chhiarpui Hmasa Ber Record

Mizoram Chhiarpui Hmasa Ber 1901 Record

KHUA ----- 239
IN ----- 15668
MIHRING ----- 82434
LUSEI ----- 36332
PAWI -----15038
RALTE ----- 13827
HMAR ----- 10411
PAIHTE ----- 2870
MIDANG ----- 3955

SAKHAW LAM
INDIGENOUS BELIEFS ----- 78659
HINDU ----- 3373
MOHAMED ZUITU ----- 202
BUDDHA ZUI ----- 137
KRISTIAN ----- 45
SIKH ----- 25

Lehkhathiam (Vai Tello In)
MIPA ----- 736
HMEICHHIA ----- 25
HMEITHAI ----- 6734
MI Â ----- 222
PIANGSUAL ----- 514
BENGNGAWNG ----- 139
MITDEL ----- 147
PHAR ----- 6

Mi 1000 Chuang Awmna Khua ----- 15
Mi 500-1000 Awmna Khua ----- 12
Mi 500 tlinglo khua-212

Source:- Mizo Chanchin By Rev. Liangkhaia

Football Field len zawng, Marking hrang hrang hming leh tangkaina

Football field len zawng hre tawh kan awm nawkin a rinawma, la hre miah lo te pawh kan awm a rinawm tho mai. Football tui inti si tan chuan hriat makmawh a ni ve tlat.

Fifa Laws of the Game Law 1 chuan tihian field len zawng tur a sawi lawk sa diam a. Fifa danah chuan football field sei zawng (a dung) hi metre 90-120 (pen 100-131) a ni tur a ni a,tin, a zauh zawng (a vang) hi metre 45-90 (pen 49-100) tur a ni thung. Professional player te che tla vel kan hmuhna stadium tam zawkte hi a te pawl 100 by 64 meters (110 by 70 yards = pen) a ni tlangpuia, a lian pawl hi 110 by 75 meters (120 by 80 yards) a ni tlangpui bawk.

Field chhunga rin hrang hrang leh chhinchhiahna te an lam dan leh an hmanna lo sawi leh ila.

Touchline -

Field dung zawnga rin awm hi touchline tih a ni a, sideline ti te pawhin an sawi tho bawk. He rin pela ball a lum/sawt/thlawk chhuak a nih chuan throw-in hmanga game tan that leh a ni thin.

Goal line -

Field vang zawnga rin awm, end line ti pawha an sawi hi Goal line chu a ni. He line pela ball a kal a nih ve thung chuan a ball tawk hnuhnung tu a zirin corner kick emaw goalkick hmanga game tan that leh thin a ni.

Halfway line -

Field lai taka tan tlangtu rin hi halfway line an tih chu a ni maia, hmanna em em a awm lova, kick-off dawna team player te then hranna a ni deuh ber. Off-side ham dan a nghawng ve thei tho bawk.

Center circle -

Center circle hi field lai taka rin bial awm hi a ni ve leha, diamteter ah metre 9.15 (pen 10) niin a hmanna a tam em em lo bawk. Kick-off laiin he rin bial chhungah hian ball kick-off tu leh a lo dawngtu, player pahnih chiah an awm thei a ni.

Center spot -

Center mark pawh a tih theih tho a, field lai taka chhinchhiahna awm a ni a, kick-off dawna ball an dahna a ni deuh mai.

Penalty box -

Penalty area emaw 18-yard box an ti tho a, 16.5 by 40.32 meters (18 by 44 yards) a zau niin inkhelh laiin he box hian tangkaina a nei lian hle. He box chhungah chauh hian goalkeeper in ball a man theia, tin, opponent player te chunga foul a awm chuan penalty chawi theihna a ni bawk.

Penalty spot -

Sawi fiah vak pawh a ngai hran awm lo ve. Penalty pet dawna ball an dahna tur chhinchhiahna a ni a, goal line atanga 11 meters (12 yards) a hla a awm a ni.

Penalty arc -

Penalty area chhipa rin kual (bial tling si lo) a ni a, penalty kick a awm changin he arc chhungah hian player te an awm tur a ni lo.

Goal box -

Six yard box te pawh an ti a, penalty box chhunga box te zawk awm hi niin, goal-kick neih dawnin he box chhung khawi atang pawhin neih a ni thin.

Corner arc -

Corner kick neih dawna ball dahna tur rin bial chanve a ni a, football mual kil sir theuhah awmin he arc chhung atang hian cornner pet thin a ni.

Technical area -

Mual sira awm a ni a, team staff leh player te awmna hma chiaha dah thin niin, manager ten player te khelh dan tur an hrilh dawna an thlen theih chin a ni a, vawikhatah mi pakhat bak awm phal a ni lo bawk.

Inkhel.com

Dreams (Mumang)

Mumang i nei thin em? I mumangah chuan thil lo thleng lawk tur ang deuh te emaw hmuh i nei thin em? Anihloh leh i thil hriatchhuah zawh miahloh te mumang lam a hriatchhuah i nei thin em le? Hei hi han chhiar teh le….

Sugar Ray Robinson boxer ropui tak thin khan, vawikhat chu 1947 a Jimmy Doyle nen a welterweight title fight an neih hma lawk khan a mumangah Doyle nen chuan an lo inhnek a. A mumangah chuan Doyle chu a lo hnek thlu a, a ni chuan mitkhap miahlo hian ring a tlu chung chuan a lo melh chho a, mi hian, 'a thi, a thi,' ti a an au sup sup thawm hi alo hre bawk a, a trainer George Gainford leh promoter Larry Atkins a hrilh a, an inhnek tur chu thulh mai a duh thu a sawi a... mahse anni chuan, 'mumang mai mai' ti in eng vakah mah an lo ngaih sak lova. An in hnek ta ngei a. Round 8-naah chuan Sugar Ray chuan Doyle a khabeah tak chuan left hook in a hnek fuh ta siah mai a, Doyle chu a thal tawp mai a, refree in a count a, tho tur a awm talo.. a tukah chuan a thi ta mai a ni.. A mumang chu a thleng dik ta..

Samuel Taylor Coleridge English poet ropui tak mai kha vawikhat chu chhunah hian a lo muthlu a, a mumangah chuan mi pakhat hian poem pakhat hi a lo chhiar chhuahkhum a, a ni chuan harh chiang manglo hian a lo ziak zel a, tlar 54 a ziak hman tih ah a thian pakhat chuan a rawn ti harh ta a.. khawvel a poem ropui ber pakhat 'Kubla Khan' tih chu a lo ziak zo hman der mai a ni...

Italian Composer, Guiseppe Tartini pawh khan vawikhat chu mumang a nei a. A mumangah chuan Setana hian violin hi nalh em em mai hian a lo tum khum a. An harh zawk chu a violin a la a, a mumang a hriat ang chu an tum ve chhin ta a.. tichuan a kuthnu a ropui ber mai 'The Devil's Sonata' [The Devil's Thrill] an tih bawk chu a lo siam chhuak ta reng mai. Amah chuan a mumanga a music hriat ang tak chu pha lo tak a ni ala ti zui...

German Chemist Friedrich August Kekule chuan 'benzene' molecular structure chu hmuhchhuah tum in rei tak a bei tawh a, a la hre thei mai lo. Zankhat chu a mumangah benzene atoms ho te chu an lo lam kual vel a, chutah rul ang takah hian an insiam a, an mei hmawr chu a kual in an seh ta far mai a.. Kekule chu aharh zawk a, benzene atoms compound structure chu a kual 'ring' angin a awm tih a hmuh chhuah phah ta der mai.

Robert Louis Stevenson English writter lar tak pawh khan a lehkhabu ziak tam zawk kha a mumanga a hmuh atanga a ziah tih a sawi a, a lehkhabu lar tak ‘Dr.Jekyll and Mr.Hyde’ pawh kha a mumanga a hmuh atanga a ziah a ni a, tin, Marry Shelly in 'Frankenstein' a ziah pawh kha a mumanga a hmuh atanga a ziah a ni bawk..

Abraham Lincoln khan zankhat chu a mumangah White House-ah hian a kal kual vel lai in pindan pakhatah chuan tap thawm a hria a, ava en chuan ruang pakhat an lo zalh a, mi an lo tap laih laih leh sipai in an lo din hual taih lai hi a hmu a.. 'tunge' tia an zawh chuan 'President ania, misual in an that a' ti in an lo chhang a.. A hnu lawk ah John Wilkes Booth chuan a kap hlum ta reng a ni..

British Aviator leh aeronautical engineer J.W.Dune-a mumang pawh kha amak ve mai mai. Amumangah chuan tlangah hian a lo ding a. Tlangkang tur in mung mup mup mai hi a lo thlir a French sawrkar hnenah mi 4000 thi mek te chu chhanchhuak turin a lo ngen chiam chiam mai a. A hnu a an chanchin hriat leh chu French ho thliarkar Martinique Island ah tlangkang ah mi 40000 an thi tih a ni.. A mumang ami ai in a tawp ah zero pakhat in a tam a, chu chiah chu an inanlohna a ni..

Ka munang ve thung. A kum chiah ka hre talo.. 90s cho vel kha ania. Ka nu damlo Kolkatta ah ka hruaia, Mizoram house ah kan thleng a. Zankhat chu ka mumangah hian Ngaizel piah lam khawiah emaw ni hian bus hi a lo accident a mi hi an lo thi phung mai a. A tuk zingah chuan amak ka tih avang chuan ka nu leh midang te ka hrilh a.Chu mi zan chuan Sateek lampang bus a accident thu leh mi an thih nual thu chanchinthar ah kan hre ta mai a. A mak kan ti tlang khawp mai.. 1992 kum a Hlimen quary chim vak, mi tamtak an thihna pawh kha ka mumangah ka hmu lawk a, a hnu lawkah a tak tak in a thleng tlat.

Mithiam te chhut dan chuan mipangngai hian kumkhat chhungin mumang 1460 vel kan nei thin angin an chhut a. Mumang lam zir mi te chuan mumang hi chi hrang hrang in an then teuh mai a, tuna kan han sawi bik ang hi chu 'creative dreams' an tih a tangkai zawnga awmze nei chi leh 'prophetic dreams' an tih, hma lam hun hmu lawk zawnga mumang neih te an ni.Tin, mumang hi a tlangpui in kan thil hmuh leh hriat te, kan thluaka kan hriatna harh ‘Concious Mind’ in kan hria tih pawh a hriat lemloh, mahse kan hriatna pakhat kan ‘Sub-concious Mind’ in alo chhinchhiah si te chu kan muthilh hlan hian chu kan ‘Sub-Concious Mind’ chuan kan ‘Concious Mind’ ah chuan a thawn(transfer) thin a, chu chu mumang ang hian kan lo hmu thin a ni an ti a. Tin, henga kan han sawi ang chi thil hriatlawkna, leh engemaw a tangkai ang zawnga mumang ang chi ‘Creative Dreams’ leh ‘Prophetic Dreams’(Pre-cognitive dreams an tihbawk) ang chi te erawh hi chu thil dang daih a ni thung a. Mihring thenkhat hian thil tihtheihna, emaw, hriat theihna ‘psychic ability’ antih zing ami ‘Extra Sensory Perception’ an tih mai ESP an tih bawk hi nei an awm thin a, hetiang mite hian thil lo thleng tur emaw leh engemaw thil tangkai ang chi hi an mumang lamah hian an hmu thin a ni an ti. Hetanga mi thenkhat in ESP an neih dan chiah erawh hi chu khawvel mithiam te pawh hian an la sawifiah thei bik lo ani.

Kan rawn tarlan tawh ho baka khawvela mumang mak dangdai langsar zual deuh thenkhat te ilo tarlang leh ila:

1. 1980 khan film ‘The Fugitive’ a changtupa David Jansenn chu a mumangah lungphuchawlin alo thi a, amah chu an zawn laia hmu a.. mumang a neih tuk tuk lehah lungphu chawlin a thi ve ta tak tak a ni.

2. Cincinati office manager David Booth chuan zan sawm lai a zawnin DC-10 thlawhna tla lai a hmu a. American Airlines a phone phah hial a. A phone atanga ni thumna 25 May 1979 ah DC-10 chu Chicago bulah a tla ta tak tak a, a chhunga chuang mi 273 an thi vek a ni.

3. Shah Jahan khan Taj Mahal lan dan tur zawng zawng kha mumangah a hmu lawk vek a sawi a ni a, a mumanga a hmuh ang chiahin Taj Mahal khu an siam ta a ni.

4. Kum 1865 April 14 khan US General Ulyseses Grant-a nupui Julia Grant chuan a rang thei ang bera an pa chu Washington chhuahsan pui tulin a hre tlat mai a.. zan lamah President Abraham Lincoln a ruala theater a kal tur an ni na in pha turin a pasal a tur ta tlat mai a. Tichuan ani chu pha in khawpui chu an chhuahsan ta a. Kalkawngah President thattura lo kal John Wilkes Booth pawh an tawk nghe nghe a. A hnu lawkah Booth an thah a tum zingah a tel reng tih an hre chhuak a, a nupui mumang vangin a nun ahim ta hlauh mai a ni.

5. Sunday zing a ni a Reverend Charles Morgan chu alo muthlu sek a, a mumangah chuan tuifawn bulh bulh mai hi a lo hmu a, tin, a mumangah chuan hla pakhat 'For those in Peril on the Sea' tih an sak ri chu a hre bawk a, a harh zawk maia, a rilruah chuan chu hla chu a awm ta reng mai a. A hnu ah alo muhil leh a chumi tum pawh chuan a mumang ngai bawk leh hla ngai bawk chu a hmu leh a. Mak tak mai in chu a mumang neih lai vel chu Titanic pil lai vel anih mai bakah a hla hriat chu Titanic pil dawna an sak zing ami nen alo inang tlat! {Titanic pil dawn laia an hlasak hi sawi dan a inang lo a, a pil dawn lai tak tak kha chuan music an tum tawh lo hrim hrim an ti, mahse a pil dawn tawh si khan hla hrang hrang an tum a, chung zinga langsar ber chu ‘I lamah min hip rawh...’ tih hi a lo ni ta a ni...}

* He thil ka post nachhan pakhat chu hman deuh a Keifang bula Champhai Bus chesual kha mumang lamah ka hmu lawk ti a min rawn hrilh leh kha thil a thlen hma ngei pawh a accident nasa tak mai mumang a hmu a awmzia min rawn zawt mi pathum lai an awm avanga rawn post ka ni e.


BigDaddy Hmahmatea II
Duhaisam

Blood Group Atanga Mize Hriatna

Mihring hi kan mak khawp mai a, pian thla a zir te, hmel awmdan a zir te leh kut-ke pianhmang a zir te leh thil dang dang vang hian mi tamtak chuan kan mizia hi a danglam hian an ring thin a. Hetiang thil hi tamtak chuan an rin loh laiin thenkhat chuan a dik ngei ani an lo ti ve tlat mai.

Astrology lampang Horoscope te pawh hi thenkhat chuan in ring viau anih hi. Kan pian hun a kan arsi awmdan in kan mizia, kan hmalam hun leh kan nunphung a khawih danglam daih theih dan hi chu a duh tan a awih theih a, duh lo tana awih loh theihah lo dah ta ila, Blood Group lam atanga mihring mize enna hi eng ang in nge keimahniah a thlen dik chiah i lo en ve chhin dawn teh ang:

A : I blood group A anih chuan mi hneh theihna ngah tak, hruaitu tha tak i ni tura ngaih a ni. ( I nih loh hlauh chuan mi Kid ah i tang i tang mai ang)

A -: A - i nih thung erawh chuan mi taima, hna rim taka thawh pawisa lo mi ni tura ngaih i ni thung (I nilo hlauh anih chuan i rethei khawp ang)

B : B i nih chuan mi inhuam leh midang tana inpe thei tak i ni ang. (i nilo anih hlauh chuan i tlawmngai vaklo a ni mai.)

B -: B - i nih chuan mahni ngaihdan sawh sawn mai mai lo, mahni hmasial tak leh mi pawisawi pawisa vak lo i ni thung ang( le le le...i che chhe viau ang.)

O : O i nih erawh chuan midang tana inpe zo tak, mi tanpui peih tak i ni ang (Kei pawh O ka ni tlat mai).

O -: O - i nih erawh chuan mi rilru te tak, hrawn har zet i ni tihna a ni thung. (I bula awm a hrehawm ngawt ang, i chas pawn a ning ru ngawt ang che.)

AB : AB ho hi chu mize hriatthiam har tak an ni tlangpui thung. (an nawi ru phian duh an ti..)

AB -: AB - ho ve thung hi chu mi harhvang tak, hriam hreih hrawih, mahni lu zo leh vengva tak an ni tlangpui thin. (In ni chak awm hlawm)

I blood group leh i nihna hi a inhmeh em? A Inhmeh chiah lo anih chuan ka hre tawh bik lo... I piangsual aniang..

BigDaddy Hmahmatea
Duhaisam

There Goes My Everything - Elvis Presley

Chulai chhuat rem a pheichheh thawm ri thang zawi tak mai leh a ankanem damdiai mai a, “duhlai, kumtluang atan mangtha aw….” tih ri zet zawng tawrh a har ngei mai……

I hear footsteps slowly walking,
As they gently walk across a lonely floor,
And a voice is softly saying,
Darling, this will be good-bye for ever more.

Hmangaihna khawvelah hi chuan duhber te leh hmangaih ber te bula awm tluka nuam leh thlakhlehawm hi a awm ngai lo. Hlim taka tudang ngai lova nunkhua han hman dun hi chuan he khawvel hi vanram tlafual lei Eden a lo chang thin a ni. Hmangaih leh duhber te bulah chuan mihring hlim leh lawmna in tawp-in-tai a nei thinlo…MAHSE mihringte in hmangaihna hi zawng chatuan daih hi a lo ni lo a, damchhung pawh hi daihloh chang a lo awm fo thin. Chutih hunah chuan hmangaih leh duhber mai, kan thlakhlelh ngawih ngawih ten changdang min han kan san dawn a, thenna biahthu min han hlan meuh hi chuan a tuartu tan zawng a na thin ngei a lo ni e.

“Hringchan piallei a ka dam chhan, ka duhthusam, ka neihchhun, ka engkim mai chuan mual min her liam san ta si maw….”

There goes my reason for living,
There goes the one of my dreams,
There goes my only possession,
There goes my everything.

Mihring te hian kan ngaihzawng, kan hmangaih ber mai te hi kan dam chhan, kan duhthusam, kan neihchhun, kan engkim, he khawvela kan hlim leh lawmna ber, kumkhua a min tihlim tu tur emaw kan lo ti fo thin. Mahse chu ang chu khuanun’ kan tana aruat a lo ni fo silo. Chuvangin kan chunga khuanu remruat a lo thlena, kan duhber leh hmangaih ber ten chutianga lengdang tangdang bela mual min han liamsan dawn chuan engkim mai chan a nun zawng zawng ruaka, hmabak engmah pawh nei leh tawh chuanglo ang hialin kan lo in ngai ta thin a lo ni.

‘Thinlairukah nun hlui dawn kir chang hian, kan hlimlai ni zawng te nghilhni reng a awm si lo. He thinlung I hmangaihna meialhin a lo chawm nun thin hi.. hnutiang min chhawnna khartung sawn ri chuan a kehsawm tir zo ta si….’

As my memory turns back the pages,
I can see the happy years we had before,
Now the love that kept this old heart beating,
Has been shattered by the closing of the door.

Chutiang hun, duhtak te nena in then hun a lo thlen chuan khuarei in lunglen a hnem an lo tih thin chu rilru in hre reng mahse mahni hmangaih leh duhber te zawng theihnghilh tak tak an lo har aniang. Engemaw hlekah kan hrechhuak a, kan nun kan hun hlimawm hman tawh zawng zawng te kan han chhui kir a, kan lung a lenga, kan rilru kan thinlung hmangaihna a lo khatliam thin chu a lo na thar leh vawng vawng thin a lo ni…..

He hla hlui lar tak mai ‘There Goes My Everything’ tih hi Dallas Frazier-a phuah a ni a, in ngaizawng pahnih lo chengdun hrep tawh inthen a phuahna chungchang ani a. 1965 kuma an published a ni. He hla a aphuahtu in inthen tawh tur si ‘Darlin’ tih a la hman tir tlat mai hi a ni. A rawn sa lar tan tu ber chu Jack Green-a niin 1966 khan kar 21 chhung ngawt US Country Music Chart ah a awm a, Billboard Hot 100 ah no 65 na a ni phak a tin, CMA Awards Presentation hmasa berah pawh ‘single of the year’ leh ‘song of the year’ a la nghe nghe a ni. He hla hi mi hrang hrangin ansa nasa em em a, chung a satu te zinga lar zual deuh te chu:-

Engelbert Humperdinck(1967),
Anne Murray (1968) te
Elvis Presley ‘The King of Rock n’Roll’ (1971) te an ni. Kei chuan Elvis-a sak ngei mai hi ka la duh ber ani thung…

YouTube lama lo ngaithla ve duh tan: Hetah
Mp3 a lo download ve duh tan: Hetah

BigDaddy Hmahmatea II
Duhaisam

She Thinks I Still Care - George Jones

Just because I ask a friend about her
Just because I spoke her name somewhere
Just because I rang her number by mistake today
She thinks I still care

Hringnun khawvelah hian engtik lai emaw kha chuan an lo intawng in hmangaihna par te pawh an lo tlan dun ve tawh ngei thin alawm. Hmangaihna par tlan in thenloh biah-thu-di te pawh an lo hril duh thin a ni ngei ang mahse khuanu samsuih loh zawng then ni kawl a lo her chhuak leh si thin. Chutianga han inthen meuh hi chuan lung a lengin engemaw hlekah hian in hriatchhuah vawng vawng te pawh hia a lo awl thin a ni ang thil engemaw hlek pawh a in ngaihbel zung zung fo mai. Chutih lai chuan a hmangaih ber thin chu a chanchin, engtinnge a khawsak tak tih te pawh a hre chak ve tho thin a. Chutianga a chanchin an thian hlui te an zawh chang a an lo hrilh leh chuan ani chuan a la duh in a la hmangaih a ala care hle emaw a lo ti ve thin. Thiante bulah a hming han sawi ri hlek se a lo inngaihbel vat a, midang biak tum in a phone number han call sual palh se tihpalh thil mai ah a ngai thei bik tlat lo, a la vei rengah a ngai ve tlat thin.

Just because I haunt the same old places
Where the mem'ry of her lingers ev'rywhere
Just because I'm not the happy guy I used to be
She thinks I still care

Ani lah patling-a-pum-pa e tilo chuan a lungleng chuan an sulhnu hlui, an lo chetthlat dun na thin hmun hrang hrang fan kual duk duk lah chu a ching roh viau lehnghal a. Heng an lo chettlat dunna te an fan chang hian thil ho te te pawh in an pahnih a chung hmuna hlim taka an khawsak dun thin lai te chu a hriatchhuah tir leh si thin a. Pa phawk ve tak mai, pa ri huau huau, pa hlim thei ve tak mai anih nak alaiin an han inthen meuh chuan a nun ram a lo chau ve rawih mai a, hlim hmel reng a pu thei thawh lo, a mizia a lo dang zo ta. Chung te hlei hlei chuan lehlamah amah chu a la vei em em reng emaw a lo tih tir ve leh thung bawk si. A tan chuan a va buaithlak thin tak em...

But if she's happy thinkin' I still need her
Then let that silly notion bring her cheer
But how could she ever be so foolish
Oh where would she get such an idea

Hmmm, pawi tawp lo e, a duh duh dan in lo ngai ve mai mai teh se. A hlimna leh a lungawi ve na a nih phawt te chuan a lo la vei viau ang te pawh chuan lo ngai mai mai se a pawi a ti reng reng lo, a tan engmah a ni tawh lo. A reng reng thuah engtianga amah chu la vei tlat anga ngai thei ngei maw anih reng reng ni.... aaaa kan hriat pui bik tawh lo a ni e. An thiante a chanchin a zawh mai vang emaw, khawi hmunah emaw a hming a lo sawi ri ve thih a hriat leh mai vang emaw, khawilai hmunah emaw a hmuh leh avangin tlemin a lo che buai deuh tih vang mai mai a amah chu a la vei reng anga a ngai anih chuan a lungawina te anih chuan chutiang chuan lo ngai ve mai mai teh se...a tan eng he-hu a ni tawh love.

Just because I ask a friend about her
And just because I spoke her name somewhere
Just because I saw her then went all to pieces
She thinks I still care
She thinks I still care

He hla Dickey Lee leh Steve Duffy phuah hi han sawi kual chiam ka tum pawh in sawi kual chiam ngaihna a awm vak chuang paw’n ka hre lem lo a. Mahse hmanlai zaithiam hrang hrang Elvis ‘The King’ Presley te Jim ‘The Gentleman’ Reeves te leh midang dang in thiam tak tak in an sa a, hla hlui ah chuan ka duh pawl tak mai a ni a, tin, he hla hian hmeichhe tlamtak rilru, in break tawh hnu pawh a engemaw hlek a an mahni la ngaihven riau anga an ngai tlat thin rilru hi a phawk chhuak chiang riau a ka hriat ve avangin ti hian holam deuh in ka rawn ching pawr ve a ni e.

Youtube lama lo en ve duh tan George Jones sak hi kan dah tel ange Hetah
Mp3 ve thung.

BigDaddy Hmahmatea II
Duhaisam

Take My Hand Precious Lord - Jim Reeves

Precious Lord, take my hand
Lead me on, let me stand
I am tired, I am weak, I am worn
Through the storm, through the night
Lead me on to the light
Take my hand precious Lord, lead me home

Mihring kan ni a, lungngai thei, mangang thei, chau thei, kaihruaitu leh hnemtu mamawh reng kan ni. Kan nun ram pawh a chau thei.. chutih hunah chuan mihring te hi kan inhnem in kan inthlamuan zo thin lo.

When my way grows drear
Precious Lord linger near
When my life is almost gone
Hear my cry, hear my call
Hold my hand lest I fall
Take my hand precious Lord, lead me home

Mihring te hi chu kan han in tawng thlamuan ve thin tak na a, chu chuan awmzia a nei thui teh chiamlo. Mihring kan in hnemna hi chuan chintawk a nei thin,. Kan in thlamuanpui na pawh hian phak chin a nei thin.. Chutiang hunah chuan kan thinlung hi hnemtu, thlamuantu ngaiin a van ruai thin a ni… chhungkaw chungchangah te, mimal nun chungchangah te, tin in ngaihzawnna chungchangah te, eizawnna leh nitin khawsakah te, natna chungchangah te.. Pan tur dang i hriatloh hunah tunge i pan ang le… I rilruah tunge lo awm?

When the darkness appears
And the night draws near
And the day is past and gone
At the river I stand
Guide my feet, hold my hand
Take my hand precious Lord, lead me home

Engtik niah emaw chuan I hringnunah hian harsatna I la tawk dawn. Khawvela mi ropui ber pawh ni la I la tawk dawn tho tho.. I neih in tlin hle mah se khuanu remruatah hian harsatna te, natna te hi kan chunga tla tur ani tlat mai. Chutih hunah chuan I thiante, I ngaihzawng te, I chhungte ngei pawh in an la hnem theih loh hun che ala thleng dawn.. Thihna ngei pawh I la hmachhawn dawn chu chu I tana khuanu remruat ani, I ‘Destiny’ a ni tlat… Chutih hunah chuan tunge thlamuantu atan I auh dawn le? Thlamuanna kut a chelh tu atan tunge I thlandawn le? Thihna lui kawr thim daikai puitu atan tunge I thlan dawn?

Precious Lord, take my hand
Lead me on, let me stand
I'm tired, I'm weak, I'm lone
Through the storm, through the night
Lead me on to the light
Take my hand precious Lord, lead me home

Mal riaua I inhriat chang te, I mangan chang te, I nun khawhar chang te, tanpuitu mamawh ngawih ngawih a I inhriat chang te, mi zawng zawngin an kalsan tawh che nia I inhriat chang te, thihna lui daikai mai tur nia i inhriat chang te pawhin AMAH chu I kut chelh a hruaitu atan che sawm rawh… I tisual ngailo ang.

He hla ‘Take my hand precious lord’ tih hi , "Maitland" tih American composer, George N. Allen (1812-1877) a siam atanga lak ani a. Dorsey-an a phuah anga sawi ani, mahse Dorsey hian ama kutchhuak hlang a nilo tih leh, ‘Maitland’ tih atanga a lak chhawn ani tih a pha lo thung. He hla hi Dr Martin Luther King Jr ina a hla duhber a ni a. Amah an kahhluma a an vuina ah pawh Gospel singer lar tak Mahalia Jackson chuan a sa nghe nghe ani. Opera singer lartak Leontyne Price chuan President Lyndon Baines Johnson vuina January 1973, ah a sa bawk a, tin Aretha Franklin khan Mahalia Jackson vuina ah 1972 khan a sa bawk ani. He hla khawvelin an hriatlarna ber erawh chu Jim Reeves’an a single "This world is not my home" tih 1965 a a tih chhuah atangin a ni thung.

Tunge I Kut Chelhtu Atan I Sawm Ve Dawn Le?

BigDaddy Hmahmatea
Duhaisam

The Green Green Grass Of Home

Hringnun khawvelah hian mi chi hrang hrang hian thil chi hrang hrang hi kan tawk fo thin. Kan duhthusam ang te kan beisei ang te in kan nung in kan chungah thil alo thleng lo fo. Harsatna ruam a kan awm pawh a kan nun ti hlim a, beiseina min siam thin tu chu kan duhthusam kan 'Dream' hi a ni fova. Chu kan dream chu tawnmang lamah kan mang anih phei chuan atak ram ang mai in a hun lai chuan hlimna min thlen thin.. Mahse han thanharh erawh chuan...

The Old Hometown: Rel chu a tlan khu vut vut mai a, chu rel pindan pakhat a thutna pakhatah chuan ngawi reng a thu chungin pawnlam chu a thlir vang vang a. Ni chu a sa vawl vawl a, Rel kawng kam a thingkung te chu an ro ri re bawk a. Ralkhat hla taka tlangdung in khawh zui mai te, thlaler ram ro tak an tlan pelh mek te chu a thlir reng a. A rilru ah erawh chung hmun khawro tak mai te, tlangdung inkham zui mai te chu a awm reng reng lo.. a hma lam hun te, a hun kal tawh te suangtuahna hlir chuan a rilru chu a luah khat tlat mai…

Chu Rel a a chuan hma a, a hun lo hman te chu an ngaihtuah let thina, a duhthusam leh a lo suangtuah thin dan ang hi ani mawlh lo.. mahse a chunga khuanu remruat ah hian avui thei mawlh si lo... nghakhlel tak a pan vang vang an khua te tak te mai hluitawh tak mai chu an thleng dawn ta. Chutah Rel chu a tlan zawi tial tial a ading kiu ta ruai ruai mai. A rilrua a lo nghahhlelh ber mai leh chu khaw hlui tawh tak a pan ve vang vang nachhan ber chu ava hmu angem le...?? Ngaihtuahna akal thui vang vang hle ani...

A thawmhnaw vaivut kai paw thar mai ben fai thak thak pah chuan muangchangin an tho chhuaka, Rel atang chuan a bungraw neih chhun tlem te,. atan na JAIL atanga a kenchhuah ve te, a thian ten thlah nan a an neih ang ang an pek khawm ve te chu puanhlap a, a fun bawk chu khai chung chuan muangchang in a chhuk ta. A mit chu a len kual nghal ruai ruai a, chutah a beisei loh lutuk tak mai in a nu leh pa tar tawh tak mai chuan nui sang mai hian an lo hmuak tlat mai le... ava hlu tak em.. an inkuah chuk chuk a, an in chibai a, inhmuhloh na a rei tawh bawka an hlim ngei mai.. mahse an zingah chuan tel ve lo a la awm tlat.. lawm a kim theilo... muangchangin an in lam pan chuan an kal ta..

Chu a Old Home Town chu a lo la danglam lo hle mai.. phul hring dep mai te, thinga sak In hlui tawh tak tak te, Oak thing tar tawh tak an tet te atanga a lo duh em em thin te, a hlima thu a an lo infiam na thin te, engkim mai chu angai te te chuan alo la awm hlawm.. a mit chu a len kual reng... chutah le... a lo nghahhleh em em leh hmuh chak ber mai chu ral atang chuan amah lam pan a rawn tlan phei chu a hmu ta. A hmel hlim tak mai te, a hmui Cherry rah ang mai a sen nalh te, a sam rangkachak ang mai thli in a a chhem len siau siau mai te chu a tan chuan hmuh ava nuam tak em.. a bula kal a nu leh pa te pawh chu a hre chang tawh lo. Amah rawn kuah tura ban rawn phar chhuak chu a lo pawm chawt.. chu hun chu a va hlu tak em..

The Old House: An vai chuan an in lam pan chuan an kal za ta a. Tunhma an lo tihdan thin ngei mai in kut insuih rial chuan an kal a.. tu dang reng an ngai lo... an In chu an thleng dawn ta. A ngai ang ang te chuan an In hlui tawh tak chu a lo la ding bam mai a, a rawng te chu a khi in a lo khawk nin nian tawh a, an in bul a Oak thing tar tawh tak, a hlim a an thut a an infiam na thin pawh chu a lo la ding bam mai a, chu an In pan a a duhtak Mary kai chunga kal chu a tan chuan a hlu ngei mai...

Four Greywalls: Sipai boot rit tak pen ri khoh khoh chuan a ti harh zawk mai,.. an hawikual a, pindan tereuh te a bang ung uk khak mai pali chuan a lo la hual reng a, a tanin pindan chhunga a tan pui pa, pa tawng tlem tak kum upa lam tawh chu khum pakhat ah chuan a lo mu bam mai bawk a, kawngkhar lam a va hawi phei a, Guard Duty chu a thuam famkim nen a lo ding run mai bawk.

I Was Only Dreaming: Chutah zet chuan a ni, a mumang mai a ni tih a hriatchhuah tak na chu.. "Now i wake and look around me, at four grey walls that surrounds me.. and i realise i was only dreaming..." ava lainat thlak tehreng em.. Hei hi a ni American Chhim leh hmar indo lai a sipai tleirawl pakhat, a hmangaih leh duhtak kalsan a sipai a tang, an man tak JAIL a tang mumang duhawm tak chu...

Green Green Grass Of Home: Tom Jones/Kenny Roggers ten an sak hi a hre pha chin zawng zawng tan ka dedicate a.. A hre phalo pawn YOU TUBE ah zawng ula he a story ngaihtuah chung hian lo ngaithla ve chhin teh u... DUHAISAM tawnmang a tawn hlut zia leh han thanharh a a hrilhhai thlak zia hi...

Yes they'dall come to meet me,
Arms reachin' smillin' sweetly;
Again il' touch the GREEN GREEN GRASS OF HOME..

"Green Green Grass Of Home"

The old home town looks the same

As I step down from the train,

And there to meet me is my Mama and Papa.

Down the road I look and there runs Mary

Hair of gold and lips like cherries.

It's good to touch the green, green grass of home.

Yes, they'll all come to meet me,

Arms reaching, smiling sweetly.

It's good to touch the green, green, grass of home.

The oldhouse is still standing,

Tho' the paint is cracked and dry,

And there's that old oak tree that I used to play on.

Down the lane I walk with my sweet Mary,

Hair of gold and lips like cherries.

It's good to touch the green, green grass of home.

Yes, they'll all come to meet me, arms reaching, smiling sweetly.

It's good to touch the green, green grass of home.

[spoken:]

Then I awake and look around me,

At the four grey walls that surround me

And I realize, yes, I was only dreaming.

For there's a guard and there's a sad old padre -

Arm in arm we'll walk at daybreak.

Again I touch the green, green grass of home.

Yes, they'll all come to see me in the shade of that old oak tree

As they lay me neath the green, green grass of home.

He hla hi Claude "Curly" Putman, Jr., phuah niin a sa lar hmasa ber tu chu Porter Wagoner a ni a 1965 khan a rawn sa lar chhova. Tin 1965 vek khan Bobby Bare in a rawn sa ve leh a, Tom Jones in 1966 ah rawn sa veleh in UK Singles Chart ah No1 kar 7 chhung zet a rawn ni chho ta a. 1965 tho hian Jerry Lee Lewis in a lo sa bawk a,. hemi hnu hian country singer hrang hrang in an rawn sa chho ve in Kenny Rogers ngei pawh in nalh tawkin a rawn sa ve ta ani. He Hla hi a thluk ngaihthlak a hahdam mai bakah, a thu te hi a ‘touching‘ riau mai a, ka hla ngainat ber te zing ami a ni ve a, chuvangin a hlathu a lang lemlo, keima rilru a a thawh dan angin ka rawn ching pawr kual ta vel a nih hi.

BigDaddy Hmahmatea II