MOSSAD

  

Israel Secret Service turu lutuk tak mai chu

Juda ho ram Israel hual veltu Arab ram tena an hlau leh tih em em, khawvel in a tluk loh en a an en, an chetna apianga hnehsawh tak mai a an hna te hlen chhuak thei zel mai Israel dotu ten a an hlauh ruk em em chu Israel Secret Service MOSSAD - Central Institute for Intelligence and Special Assignments ho te hi an ni.

Israel ram kha a ma ke a a din phat atang khan a vel a Arab ram ho te nen an in nghirngho nghal char char anih kha. Chutianga thenawm ram te nena buaina nei reng an nih avang chuan Prime Minister Ben Gurion-a khan Secret Service tha tak neih kha tul in a hria a, tichuan, June 1948 khan Secret Service pawl dinna tur order chu a lo tichuak ta a ni. A hma chuan enthlatu pawl tenau neuh neuh chu an nei ve ngei a, mahse chuti taka hmantlak an ni meuh lo. Tichuan, he an Secret Service din thar hi hlawm thumah an thena:

A hmasaber chu Bureau of Military Intelligence a ni a, Counter espionage lam an khawih a. A pahnihna chu Political Department of Foreign Office a ni a, foreign intelligence lam an khawih thung a. Tin, a pathumna chu Shin Bet an ti a, security lam an khawih thung a ni. A tirah chuan an nawi ve khawp mai a, mahse training tha leh hmanraw changkang an mamawh tih an inhrechhuak ta thuai a. Tichuan, an Secret Service chu hlawm khat a kal tur in September 1951 khan an in din tha leh ta a, MOSSAD chu a lo piang ta.

MOSSAD Director hmasa ber chu Reuben Shiloah a ni a. Tichuan, British Intelligence leh American CIA hovin training an pe ta char char mai a. Juda pa thluak nge nge zawng a lo pui bawk a, reilote ah espionage (inenthlak na) lampang a style thar, British ho leh American ho hnen atanga an zir chhuah atangin leh an mahni style la kawp in an duang chhuak ta rup mai. Hetiang lam a khawvel a hmanraw tha tha leh ralthuam tha ber ber an lei khawm a, an mahni hman duh dan mil in ansiam danglam nghal zel bawk a, tichuan reilote chhungin Israel chuan khawvela Secret Service thaber pawl leh hmanraw nei changkang ber pawl chu a nei ta der mai. A tir phat atangin an tan a kawng remchang deuh mai awm pahnih hi a awm a chumi chu an zuan nghal chat mai.

A pakhatna ah chuan Juda ho hi khawvel hmun hrang hrang ah an darh nasa em em a, chung hmun hran hran a awm te hnenah chuan ram hmangaihna leh in unauna rilru an han tuh phawt a, chumi chu remchangah hmang in ram hran hran chungchang an hre zung zung thei nghal mai a. A pahnihna ah chuan thenawm ramte nen a thu buai hla buai nei neuh neuh reng an nih avangin, englai mahin inthlahdul na hman a awm lo va, chu chuan nasa takin a pui bawk a. Tin, MOSSAD ho hian eng hmanrua, eng tactic mah hi hman hi an tim ngai lo reng reng a, inbum, in thah, in rukbo tih velah harsatna engmah an neihloh avangin chu chuan an tan chet a ti awlsam em em bawk. Scientist te leh kawng engkim a mi thiam ber ber an chhawr hmiah hmiah mai a, hma pawh an sawn chak nasa mai.

Khawvel ram pumah an in zar pharh a, tin, ramdang Secret Service ho te nenthawk ho anga lang si in an thuruk an ruk chhuah sak reng bawk a, an duh hunah an chawk buai vak mai a ni. Vawikhat pawh French sawrkar hnenah an ramah Terrorist an lut ru teuh tih an hrilh a, French sawrkar ho buai phili lai takin an thuruk an ruk chhuah sak nghek mai a ni. India leh Sri Lanka thleng in an inzar pharh vek a ni. An chet chhuah ve tawhna ah pawh khawvel mak tih khawp in an che zel bawk..

Kum 1960 khan Argentina-a biru indopui pahnihna lai a Juda tam tak suatna a mawhphurtu German mi Adolph Eichmann chu nalh lutuk tak mai in Argentina sawrkar hriat miah lohvin an ru chhuak a. An public airport ngei atangin an hriatlohvin an la thlawhchhuah pui zui a. Hemi chungchangah hian Argentina pawh a lungawilo hle anih kha. Eichmann hi anmahni duhdan in a chungthu an rel sak a 1962 khan an khaihlum a, a ruang pawh phum lovin an hal a, a vap pawh an ram pawn chin tuipuiah an paih ngat a ni.

Israel chuan a Neuclear reactor atan uranium tam tham deuh a mamawh ve ta tlat mai. 1968 khan German lawng 'Scheeberg' chu uranium oxide barrel 560 zet phur in Antwerp lawngchawlhna atanga Italy lam pan a a kal chu tuipuiah a bo ta hmak mai. Rei fe hnuah chu lawng chu hming dang daih pu in a rawn lang ve leh hlawl mai, mahse a uranium phurh te chu hmuh tur a awm tawh lo. MOSSAD ho lah an ngawi hmak. Tichuan, Israel chuan a reactor a hman tur uranium duhkhawp chu a nei ta khiau mai a ni.

1969 Christmas ni tak khan nalh lutukin Cherbourg Harbour atangin indo lawng panga lei an lo tum tawh sa chu General De Gaulle-an Israel hnen a ralthuam hralh a khap tak thut avangin an ru chhuak leh ta hmiah mai a. French sawrkar pawh a barakhaih kher mai. He an operation hming atan hian MOSSAD ho hian 'Noah's Ark' tih an hmang nghe nghe a ni. Lei ngai lovin indo lawng panga chu an nei leh ta der mai.

1976 khan Arab Terrorist te chuan Israel thlawhna chu a michuang te nen hruaikawi in Idi Amina, khawvela Dictator rawng leh mawl ber mai ram Uganda a Entebbe ah an tumpui a. Hemi tum a MOSSAD Special Agents ten reilote chhunga thlawhna leh a michuang te an chhanchhuah dan phei kha chu tun thleng a khawvela inchhanchhuana ropui ber a sawi ala tling hial a ni. Mahse MOSSAD ho te hi an operation zawng zawngah an hlawhtling in an che tha reng bik chuang hauh lo.

Vawikhat pawh operation 'Suzanna' an tih Cairo a US leh British ho chenna hmun a bomb tih puah a, Egypt leh khawthlang ram ho inhmuh thiamloh tir an tumna lamah, agent naupang te te experience nei vak lo ho an tir pek a, a hun a thlen hma in agent pakhat iptea a bomb ah a puak palh a, an vai in an man phah a, pahnih phei chu khaihlum an ni ta nghe nghe a ni. Tin, YOM KIPPUR WAR a Egypt leh Syria in an rawn do tur an chet khalh hman lo leh an lo hre lawk lo kha an mualpho pui nasa bawk.

MOSSAD hi khawvela intelligence agency thang chak ber leh hlawhtling ber pawl a ni a. An ram tan a mi huaisen martar tamtak an chher chhuak a, hetiang dinhmuna hlangtu pawimawh ber te chu Nahum Adnoni 1982 kum a MOSSAD head te, Meir Amit, hetiang pawl tha lutuk ni tura chher chhuaktu te. Tin, sawi hmaih hauh loh tur an spy turu lutuk Damascus-a an khaihlum tak a ram phatsan duhlo tu ka mi ngaihsan Eli Cohen te ho kha an ni e.

BigDaddy Hmahmatea II
* Source: World’s Famous Intelligence Agencies

Kan Hmuh Ve Hman Loh Tur Thil Te

"Kan damchhung kumte chu kum sawmsarih a ni a, chakna avangin kum sawmriat pawh a ni thei e," tiin Sam 90:10-ah chuan a inziak. Chhum reilote a lo langa a ral leh mai ang hian kan damchhung nite hi a rei si lo, thil ropui tak tak hmuh hman loh tur kan nei nawk mai le.

Time Pyramid (German: Zeitpyramide

Germany rama Time Pyramid (German: Zeitpyramide) an tih khu 1993-a bul tan a ni a, lung pakhat kum sawm danah an hung zel anga, 2015 khan lung pathum an hung tawh a, lung 120 an rem kim hun ( Pyramid anga an rem kim hun) chu kum 3183 daih a ni dawn. Khawvel a la awm zelte a nih chuan kan tu chhuan 30-na vel ten an hmu phak dawn chauh a ni.

Chernobyl Nuclear Power Plant Zone of Alienation

Ukraine rama Chernobyl Nuclear Power Plant Zone of Alienation an tih hmun khu kan la hre hlawm awm e, 1986-a chhiatna avang khan Nulcear zungzam mihring tana hlauhawm chuan Nuclear power plant atanga kilometre 30 huam chhung teh meuh mai a fan chhuak a, mihring tlawhpawh theih loh tura khuahkhirh nghal a ni. Chumi hmuna Nuclear zungzam mihring tana hlauhawm chu engtikah nge a reh ang ? Kum 70 hnuah? Kum 100 hnuah? Mihring tana luah tlaka a awm leh theih hun tur chu kum 22,000 hnuah daih a ni, kan hmu phak dawn lo chiang khawp mai.

Veilam ami hi Betelgeuse arsi puak, dinglam a mi hi Ni.

Zanah thla eng mawi tak a rawn chhuak a, zingah ni eng mawi tak a rawn chhuak bawk a. Mahse khawvelah hian thla pahnih leh ni pahnih kan hmuh hun a la thleng dawn tlat mai le. Vanah hmuhnawm ropui tak a rawn lang dawn tihna a nih chu, hmuh ve a va chakawm dawn tak em. Khawvel atanga arsi eng ber kan hmuh theih Betelgeuse chu a la puak dawn. Ligh year sang tam taka hla pawh nise zanah thla ang maiin a eng anga, chhunah pawh ni angin a eng bawk ang. Hmuh chakawm hle mahse; khawvelte a la awm zel a nih chuan 3.75 billion years hnuah chiah hmuh theih a ni dawn.

Veilam ami hi Andromeda Galaxy, dinglam ami hi Milkyway Galaxy, NASA-in an ngaihruatnaa an lem an siam chawp a ni e.

Thlasik laiin van lam kan thlir a, thlasik kawng a lo lang ruah thin. Hetiang thova mawi leh ropui hi khawvel a la awm zel a nih chuan galaxy dang a la rawn lang heu dawn. Kan galaxy aia a let hnih leh a chanvea lian Andromeda Galaxy chuan 300 km/s a chakin kan awmna Galaxy hi a rawn pan chur chur mai le. An la insu ngei dawn, an insut hmain vanah ennawm mak, ropui leh rapthlak bawk si a thleng dawn. Chumi hun chu dam thleng ila hmuh ve a chakawm khawp mai. Mahse hei erawh khawvelte a la awm zel a nih chuan 3.75 billion years hnuah chiah a thleng dawn, hei pawh hi kan hmu phak dawn lo chiang kher mai.

Solar eclipse

Thil ropui tak tak kan hmuh phak loh tur tam tak awm mahse vawiina kan hmuh ang hmu ve lo tur hi an tam ve tho asin. Thla (Moon) hian kan khawvel a hel a, kum tinin 1cm in kan khawvel hi a hlat zel, khawvel a la awm zel a nih chuan kum 600,000,000 hnuah chuan thla awmna a hla tawh lutuk dawn, niawklem vawiina kan hmuh ang hi chumi huna khawvela chengte an la awm a nih chuan an hmu tawh ngai lovang. Khawvel atanga thla a hlat avangin ni hliah tur khawp a ni tawh dawn loh avangin niawklem pum hlum ang kha khawvel miten an hmu tawh ngai dawn lo a ni.

Halley's Comet

Simeikhu kan hmu thin, simeikhu zinga lar ber pakhat chu Halley's Comet a ni. Kan hmuh ngun simeikhu zinga chhiar tel a ni, mahse damchhunga vawi hnih hmu hman chu mi vannei berte an ni ngei ang le. Kum 75 emaw 76 emaw danah khawvel atangin a hmuh theih chauh thin a. 1986 kum khan hmuh theihin a rawn inlar a, a rawn inlan leh hun tur chu 2061 daih a ni ta. He thil hi i hmu hman anih chuan i damrei thawkhat tawh viau ang.

Source:- Inkhel.com

Convulsionaries

Gabriel Moler-i chu a mu zangthal a, patling pakhat hian a hrawk ah suahdur in tha tawp in a nawr ngat ngat a, na engmah a hre lo. Chutah lungtum 20 pound vel a rit in a awm vel ah theihpatawp in an deng leh vak vak a na ala hre chuang lo. Marie Sonet 'The salamander' an tih mai ve thung chu 12th May, 1736 khan thir ahnuaia mei chhem vam huam mai ling vur mai ah 36 minutes ngawt a thu a, engtinmah a awm lo. Hetiang hi ani Convulsionaries ho chanchin mak tak mai lo intan na chu.

Puithiam pakhat Francois de Paris chu 1727 khan a thi a, an phum a, a thlan a kal pakhat chuan a natna a; damna a chan thu a sawi atangin an buai chho ta. Father Francois thlan ah chuan mi tam tak an kal khawm thin a, an khur a, an eu vak vak a, 'hlim rui' kan tih ang hian an awm a, chutianga an awm lai chuan ani na (pain) engmah an hriatloh thin tak na chu. He thil thleng hi sawrkar leh kohhran in a record fel thlap ani nghe nghe. Tichuan, chutianga an awm a hlim rui anga an awm tawh chuan an in sawisa vak vak thin a, Pathian ropuina lan chhuah na ani e; an ti thin. Thenkhat patling 10 (sawm) rual ina tuboh lian a an chhut rawn ngial pawh a na engmah hre lo te, meiling lungalhthei vam huam mai chunga rei tak tak mu te, thir tlawn zum a an vih hrep pawh a na hre miahlo te an ni nawk mai. Heng ho hi atlangpui in hmeichhia an ni deuh ber. Thuneitu te lu a hai ta, an inhmuhkhawm na thin thlanmual chu January 1732 khan an khar sak ta, mahse ala tawp mai lo. 1735 chho vel chuan chutianga Convulsionaries an tih ang na hre theilo chu 500 - 600 vel an awm tawh a, tin anmahni pui tu mipa, a sawisa tu Secouristes an tih ho 5000 vel bawr nen an ri mup mup tawh mai. Ennawm en a en tu mipui tamtak an awm bawk. An mahni sawi dan chuan Father Francois a thlarau khan a awmpui a, chutianga na hrelo a awm chu Pathian ropuina lan chhuah na ani an ti mauh mai, mahse an che bawraw ta tial tial a, thenkhat te chu an taksa a kawm vek a, patling 20 chuang pawn an pawt char thei lo. Mipui in an bawr nasa bawk si, hna thawk thei aram an awm tawh bawk si lo. Tin, hmeichhiat mipatna zalen takin an hmang tih thawm te, naute sa an ei tih thawm te a awm tak zel avangin thuneitute lam chuan Convulsionaries movement chu an khap ta. Mahse, a rukin an awm ve reng 1960's chho ah pawh khan la awm a ngaih an ni. Eng vanga lo awm nge ni ta ang tih hi ngaihdan hrang hrang a awm ta nuaih mai.

Kohhran lam chuan Ramhuai/Setana hnathawh ah an puh hmiah. Mipui in mak ti in an thlir, Sawrkar thuneitu te lam chuan at na chikhat ani an ti thung. Science lam atangin awih har an ti. Rational explanation a awm hleithei lo, mass histeria (mizotawng in awm lo) ani a nge te an ti. Collective mental power (a huhova an ngaihtuahna kal ding lutuk) ani ang an ti bawk tin. Mass hallucination (a huhova mitdawivai ang deuha thil hmuh) ni tura ngaih anga hmuh tlat na ani ange te an ti bawk.

Voodoo sakhaw be ho te hi an lam rui nasa thei asin. Mithiam te chhut dan chuan khuang vuak rik tlut tlut 'Rythmic beating' hian rau engemaw zel ang deuh mi ti zauthau thei effect a nei an ti. Tin, chutiang chu mihring ah thawh hma bik na a nei a, hmeichhia ah a thawk hma bik an ti bawk. Tin, tisa chakna thleng pawn a chawk tho hma an ti a, hei hi sakhaw hrang hrang khuang hmanga zai ho zinga research an neih na a an hmuhchhuah ani.

Sawi ta mai mai ila, Wales ram vel leh England vel a Thlarauthianghlim harhna a thlen khan an zai ve nasa em em a, kan Mizo mihlim zai ang hi chu nilo mahse khuang te nen an in zai hlim rui ve tho. Khatiang ho kha tlangval hawklak ho in an zaikhawm kha an lo chang thin a, sex hman pui an awl bik e an tih tlat chu. Tin, heng lai ah pawh khuang nen a zai tlut tlut a, hlim rui vak vak ho hi chu khurbin an hnaih tlangpui. KHUANG RAU hi mak deuh ani. Rythmic drum beat hian sexual arousal a siam an ti tak tak mithiamte pawn. Chu sexual arousal chu spiritual stimulation a ngai in tam tak chuan thlarau thianghlim ah an puh ve tawp zel an ti.

BigDaddy Hmahmatea
Thu Ngaihnawm Huang