Isua Neih Ka Duh Zawk Tih Hla Lo Chhuah Dan

Kum 1930 chho vel khan New York Khawpuia George Beverly-a thawhna Insurance Company chu an sumdawnna a tlakhniam nasat avangin, thawktute hlawh tihhniam tumna thawm a rawn awm tan a. Tlangval kum 22 mi lek George Beverly pawh a inngaihtuah buai nasa ta hle mai;

A hlawh lak lai pawh chhungkaw han chawmna tham a nih loh laiin, chutia hlawh tihhniam a han nih leh zel chuan a hma lam hun engtinnge ni ta ang? Nupui te neiin, chhungkua a din thei dawn em ni?

Chutia rilru hrehawm leh buai ru taka a awm lai chuan, a aw that zia leh a zai thiam zia chu hriain New York Radio Station chuan Radio Artist ni tura zai chhin turin an rawn sawm ta hlauh mai a.

A han zai chhin chuan thiam an tiin an duh ta hle a ni. Radio Artist nghet ni a, nitina a zai tihchhuah turin Contract Sign pui an duh thu an rawn hrilh ta a; George Beverly te chhungkua pawh an hlim hle mai.

A pa hi Pastor niin Pathian rawngbawltu chhungkua an ni a, Biak Inah Pathian fakna hla sain a zai thin kha a ni a, Radio-ah pawh chuan Pathian fakna hla chauh sak a duh thu a han sawi chuan, Radio lam thuneitute chuan Pathian fakna hla chu Sunday-ah chauh an tih chhuah dawn avangin a hla tam zawk chu Hit Parade ami hla (Khawvel lam hla) a sak a ngaih dawn thu an lo hrilh ta a.

A aw a that leh a zai thiam em avang chuan, Khawvel lam hla lengzem leh hla lenglawng te a sak chuan, khawvelah lâr chhuakin mihausa tawn taw a nih theih thuai an rin thu te an lo hrilh a. George- pawh a rilru a buai ta map mai le. Inngaihtuah rih deuh a duh avangin hun pe rih turin a dil ta a.

George-a chu a inngaihtuah buai ta hle mai a, Khawvela a lar dan tur zia te a han ngaihtuah a, tlangval naupang te a la ni a; nulahoin an ngaihsan dan tur te, sum rawn luh ruih ruih dan tur te a han ngaihtuah a, lengzem lam han sak mai duhna te pawh a nei ve ta rum rum a ni.

A piano chu a ti ri tan ta zeuh zeuh a, a nu chuan a ngaihtuah ta hle mai a. Pastor chhungkua an ni a, an fapa chuan lengzem lam a larpui hluai mai chuan a tha dawn lo hle hian a hria a; a fapa duh tak chu khawvel sualna tuipui chuan a chimpil bo daih a hlauthawng ta em em a ni.

Tichuan, Inrinni zanah chuan Rhea F.Miller an hla chhammi (Poem) a siam “Isua neih ka duh zawk, Rohlu ber aiin, A ta nih ka duh, lei sum zawng neih aiin” tih chu a Piano a hla ziak dah naah chuan a lo dah a. Sunday inkhawma sak tura a lo ruahman sa zir tura Sunday zinga a Piano hmaa a han thut chuan, chu hla ziak chu a han hmu ta mai a. A han chhiar chuan, a rilru a khawih ta em em mai a, a hla sak tum sa chu ngaihsak zui tawh loin chu hla chu a thluk a han siam tan a, a Piano chu a han hmet ri a, a sa nghal ta zel a.

“Isua neih ka duh zawk, Rohlu ber aiin, A ta nih ka duh, lei sum zawng neih aiin; Isua neih ka duh zawk, ram leh in aiin, A kut thirkhen mi hruaina ka thlang zawk e”, tih zawhah chuan hla thu dang a lo thleng zel a,

“Isua neih ka duh zawk, mi te chawimawina aiin, Rinawma amah tan tlat fo ka duh zawk; Isua neih ka duh zawk Khawvel hmingthanna aiin, A hming thianghlim tak chu chawi ka nuam zawk e,” a lo ti thei ta a ni.

Chu hla chu a thluk a siam zo a, Biak Inah chuan thinlung leh tih tak zetin a sa ta a. A Testimony a ropui bawk a, mite thinlung a khawih ta em em mai a, kar loah Khawvel a dengchhuak ta nghal a.

Chicago Radio pawhin Pathian hla chauh a sak phalin Contract an Sign pui ta tho a, Billy Graham te nen an lo inhmelhriat ta zel a, Billy Graham-a Crusade naah te a zai thin a, mite thinlung a hneh em em thin a ni. Billy Graham Home Coming Video-ah te pawh kan lo hmuh ve thin hi.

George Beverly Shea hi kum 102 mi niin nikum 2013 khan ropuina ramah a lo chawl ta a; a thih hnuah pawh he hla zet hi chuan ropui takin mite thinlungah thu a la sawi zel a ni.

Freddy Hmar
Thlamuanna Krista
Facebook

25 Minutes - MLTR

Pawi ka ti kawp mai Minute 25 in i tlai ta....

After some time I've finally made up my mind
She is the girl and I really want to make her mine
I'm searching everywhere to find her again
To tell her I love her and I'm sorry 'bout the things I've done

Mihring kan nih chunga mitin deuhthaw tih theih in kan tawn a kan paltlang ngei ngei chu hmangaihna hi a ni. Hmangaihna khawvelah chuan inhauh te, intih thiamlohna te, rilru intih nat tawn sakna te hi awm awmlo tak a ni a, mahse heng thil hi a thleng fo thin bawk si. Chutianga in tih lungawiloh chang te chu inngaizawng te karah awm thin mahse inchhir hun, pawi tih hun, ngaihdam in dil duh hun te pawh a awm ve leh thin. Hetiang chiah hi a ni a dinhmun chu.

I find her standing in front of the church
The only place in town where I didn't search
She looks so happy in her weddingdress
But she's crying while she's saying this

Hetianga inchhir a ngaihdam in dil duh hun a thlen hian a hun laia in dil vat loh emaw chuan phengphehlepa-khua a-tlai fo thin. Chutiang hunah chuan a pawi vawng vawng tih mai loh chu sawi theih leh tih theih dang a awm tawh thin lo a ni. Ani pawh hian a hmangaih ber chunga a thil tih chu a inchhir ve tho, ngaihdam dil pawh a duh, an inkar pawh rem leh ngei se a duh, a inchhirna thu hrilh tur leh ngaihdam dil tur chuan kil tin a zawng mahse a hmuzo mai lo, a tawpah chuan zawn nachang reng reng a hriatlohna hmun leh a lo awm pawh a a beisei loh na hmun biakin khawtah chuan inneih kawr ha in hlim hmel pu tek mai in a va hmu ta tlat mai. Phengphehlep-a khua chu a lo tlai zo ta meuh mai. Chutih lai chuan a hmangaih-i chuan sawi tur a lo nei ve tlat mai. A hma a hlim hmel a put kha hmuh tur a awm tawh lo. Chu thu hnuhnung a sawi lai chuan a biangah chuan mittui a lo luang ta ngiai ngiai mai a...

Boy I've missed your kisses all the time but this is
Twentyfive minutes too late
Though you travelled so far boy I'm sorry your are
Twentyfive minutes too late

“Ka duhtak, hmun hla tak atangin min rawn zawngchhuak chu a ni ve si a maw. duat taka min fawh vawng vawng thin lai te kha ka va ngai tak thin em, mahse maw engkim a nih tur ani zo ta... Minute 25 chuan tun ai hian rawn thleng hma la chu... thil nawmzia pawh a dang deuh tur, mahse minute 25 in i rawn thleng tlai hret a a pawi ta ni e...”

Against the wind I'm going home again
Wishing me back to the time when we were more than friends
But still I see her in front of the church
The only place in town where I didn't search
She looked so happy in her weddingdress
But she cryed while she was saying this

Out in the streets
Places where hungry hearts have nothing to eat
Inside my head
Still I can hear the words she said

A tan tihtur dang a awm tawh lo, sawi leh tur chuang pawh anei tawh lo... a rawn kalna hmuna kir leh mai loh chu. Beisei tur engmah nei tawh chuanglo chuan tunhma a hlim tak leh induh tawn taka an lo len dunna thin ah chuan mahni chauh chuan a kir leh ta. mahse a mitthla ah chuan Biak in kawt a inneih kawr nen hlim hmel pu tak mai a a va hmuh kha a tharin a hmu leh si thin a, a hnena a thusawi hnuhnung ber lah chu a bengah chuan a thar bawkin a rawn ri nawn leh thin si a...

Boy I've missed your kisses all the time but this is
Twentyfive minutes too late
Though you travelled so far boy I'm sorry your are
Twentyfive minutes too late
I can still hear her say...

BigDaddy Hmahmatea II
Facebook

Mak Si, Tak Si

knowledge.png

Kum 1893 khan Mississippi biala mi pakhat Will Purvis kum 20 mi chu Loneitu thattua puhin Roreltu 12 in thiam loh an chantir a. A lu tan tura an buatsaih lai chuan Purvis chuan, 'roreltute u, in zinga thi hnuhnung ber hi a thi lai ka hmu ngei ang,' tiin a au chhuak a. Mak tak maiin Lu/Nghawng tanna Blade chu a hrui an suihna a dikloh avangin a nghawng thlen dawn chiahah a tawp a. Tihhlum tura an hruai leh hmain Jail atangin a tlanchhuak ta a. Kum 1898 ah ngaihdam niin a zalen ta a. Kum 20 zet liam hnu ah mi pakhat hian Loneitu chu ama thah ngei ani tih a puang ta hlauh mai. Purvis thah awzawng a lo ni lo. Kum 1938 October ni 13 ah Purvis chu a thi ta a. A sawi lawk ang ngeiin a thih hian amah thiamloh chantir tu 12 te chu an thi vek tawh. A thi hnuhnung ber phei chu Purvis thih hma ni 3 ah a thi.

Kum 1941 November 17 khan New Orleans Thlai hmuna thawk Ivory Hill, kum 28 mi chu a motor accident vangin a hnungzangah thingphek inches 2 vela hlai, ft. 1 zeta seiin a chhun a, a Lung fuh lo chiahin a awm ah a rawn tlang zawk mai. Tanpuitu zawngin mel chanve zet ke in a kal a. Chumi hnu ah car ah km 25 zet an phur a. Hemi chhung hian Thisen a chhuah nasat tehreng nen vawikhatmah nikhaw hre lovin a awm lo!!

Kum 2005 khan Computer Engineer Ian Armstrong kum 34 mi chuan zing dar 2 velah saruakin an in bul phaitual hnim chu khawl hmangin a tan rual a. A nupui Rebeca chu huana a pasal thawm chuan a tiharh a. A pasal chu a tho ä anih ngei ringin hnim tanna electric plug chu ngawi rengin a phawi a, a luh san ta a. Armstrong pawh chuan power a tawp rual chuan a thiltih chu a chawlh san ve mai bawk a. A nupui bulah chuan a mu ve nghal a. Zinga a nupuiin zan lam thil thleng a sawi chuan a hre miah lo, a awih reng reng lo mawle.

Sweden khawpui pakhat Boras bula Sjomarken bulah Rel pakhat darkar khata mel 60 a chaka lo tlan chuan relkawnga hmeichhe pakhat lo awm chu a su per lawp mai a. Rel chu tidingin an bawihsawm nghal a. Ni 2 hnu ah chuan chu hmeichhia chu Damdawiina damlo enkawl lai leng chhuak ani tih an hria a. Chu nu chuan Relin a sut vel hi a hre miah lo. A Ban ruh a na deuh a, a lu ah hliam tenau a tuar. A bak na engmah a nei lo.

Kum 1972 khan Massachusetts Biala Boston khuaah Inchhawng 60 nei John Hancock Tower an tih chu an sa a. Mak deuh maiin tukverh darthlalang chu a tla keh chuaih chuaih thin a. A chhan an hre thei si lo. A hnuaia kalte tan a hlauhawm thin hle. Frame leh darthlalang an thlak hnu ah pawh awmzia a awm thei chuang lo. In satu company chuan hlawhfa 2 an ruai ta a. An hnathawh ber chu Kawngpui atanga Inchhawng lo thlir a ni a. Darthlalang tla a awm apiangin kawnga kalte a den loh nan an lo au thin!!

Czech nu pakhat Vera Czermak chuan a pasal khawsak dan a nin lutuk avangin intihhlum a tum a. Prague khawpuia an inluah lai chhawng 3 na atangin a zuang thla a. A pasal chu a hnuai kalkawnga a kal lai tak a lo nia. A pasal a zuk deng a. Amah thi lovin a pasal a thi zawk hlauh!!

Kum 1930 khan British sipai pakhat Kenneth Andrews chu tihpalh thil thu ah damdawi diklo an chawh palh a. Hongkong damdawiin ah an zai a. A taksa in tuar deuh dawna an hriat avangin reitak dam tawh lo turah an dah a. Mahse Indopui II na ah khan vawi 2 an kap fuh a, a thi lova. Chumi hnu ah ui â in a seh a. Malaria vangin a damlo hrep bawk a. Kum 1999 khan kum 106 mi niin a thi.

Kum 1664 ah Menai Strait ah Lawng pakhat a chesual a. Mi chuang 81 zingah Hugh Williams chiah a dam chhuak a. Kum 1785 ah Menai Strait ah tho hian Lawng a chesual leh a. Dam chhuak awmchhun chu Hugh Williams hming pu bawk a ni a. Kum 1820 khan he hmunah bawk hian Lawng a chesual leh a. Mi chuang 24 zinga pakhat chiah a dam chhuak a. Chupa hming chu Hugh Wlliams tho.

Tuikuk Fiamthu

Tuikuk Naupang pakhat pawh hi Mizo sikulah a in- admit ve a.

Miss : Tunge i hming?

Naupang : Dohonchondro Molsoi

Miss : Lam a har em mai, Mizo hming atan Zomuana ti mai ang aw...

Naupang chu tlaiah inah a haw a....

Naupang : Ka nu, Mizo ka ni ve ta! Ka hming pawh Zomuana a ni tawh..

A nu leh pa thinrim chuan an lo sawisa ta nek mai a.

A tukah sikulah chuan...

Miss : Zomuan, i hmai kha engati nge, a va bui cher chur ve?

Naupang : Miss, Mizo ka nih ațanga darkar 4 hnu lekah Tuikuk hel pahnihin min bei nghal alawm mawle

Wonderful Tonight - Eric Clapton

Khami zana party-na a an kal tur kha chu khawvel mi lar leh challang thiau kalkhawm tur an ni bawk a, a inchei uluk ngei mai. A thawmhnaw hak tur pawh a thlang fel mai thei lo, mahse a demawm lem loh thawhnaw hi a ngah em a ni. A duhthusam ang zan a ‘Party Dress’ mawi tak mai chu an inbel a, a Make-up tha ber chi chu an inhnawih leh a, mit tla lek lo a tha ti em em a amah lo thlir rengtu a Pasal hnenah chuan, “Duhtak, enge ka an awm?” an ti a. A inchei loh pawh a tha lo ti sa em emtu tan chuan, “I chhelo lutuk ringawt.” tih bak chhanna tur dang a awm tawh chuang lo.

Chu Party ropui tak maiah chuan an kal dun ta ngei mai a. Khawvel mi lar hlir awmkhawm zingah pawh an langsar dun nalh mai. Mahni nalh leh chhelo inti tawk tak mai leh confi tak mai a an pa bula an kal vel lai chu midang lo awm ve te tan pawh hmuh hmaih a har in mit an la dun bawk aniang an kalna lam apiangah chulai hmuna awm ho chu an thle dual zel hi a ni ber mai a. Chutiang taka midang awm ve te mit an lak avang chuan an pa awm chu a lo nuamlo palh ang tih chu a lo hlauthawng rilru ve ni ngei tur a ni, an pa lam chu en pawh chuan, “I tha maw.?” an ti a. Khawvel mi lar awmkhawm zingah pawh mi mit fukna ber in chutiang zawhna an zawh chuan a tha emaw thalo emaw, “Zanin zet zawng ka tha lutuk tlat mai.” tih bak a han chhan chi rual a ni hauh lo. Chu mai ala ni lo, a duh ber leh a hmangaih ber mitmenga hmangaihna zungzam lo lang chhuak chu a hmu thiam ve tlat, chutihlai erawh chuan a hmangaih zia a hmu thiam ve pha tak tak lova hriatna a nei chu mak pawh a ti ve hle bawk.

Chutiang chuan chu zan ropui tak mai chu hlim takin an hmang zo chu a ni ta a, a nuam pawh an ti nangiang reng a. Mahse a zankhaw tai rek thleng thlenga han awm chu thil dik ber a nih loh avangin an tan chuan tin zai rel a hun ve ta tlat mai a. A lo lem hnem ve deuh nge ni a lu lah chu a na bur mai lehnghal a. Chutiang lu na ber bur chung chuan a car chu khalh haw peih dinhmunah ding hek lo le, a car chabi chu an pe a tichuan in lamah chuan an inkhalh haw dun ta a. Kal pawh a kal tha thei meuh lo ni tur a ni an nu chuan an inchhungah chuan kuah lutin khumah chuan tha takin an mut tir a. Chutianga duat taka amah buaipuitu chu a hlu a ti in ropui a ti ve hle aniang, “Ka duhtak zanin zet zawng i va han ropui chungchuang tak em.” tih mai loh zawng sawi tur dang reng a nei ta lo.

It's late in the evening; she's wondering what clothes to wear.
She'll put on her make-up and brushes her long blonde hair.
And then she'll ask me, "Do I look all right?"
And I'll say, "Yes, you look wonderful tonight."
We'll go to a party and everyone turns to see
This beautiful lady that's walking around with me.
And then she'll ask me, "Do you feel all right?"
And I'll say, "Yes, I feel wonderful tonight."
I feel wonderful because I see
The love-light in your eyes.
And the wonder of it all is that you just don't realize how much I love you.
It's time to go home now and I've got an aching head,
So I give her the car key and she'll help me to bed.
And then I tell her, as I turn out the light,
I say, "My darling, you were wonderful tonight.
Oh my darling, you were wonderful tonight."

Khawvela music classics deuh raih mai ngainatu ten a an duh tawp theih loh he hla mawi lutuk mai Wonderful Tonight tih hi amah music khawvela mi ropui tling pha Eric Clapton-an September 7, 1976 a khatih laia a nupui Pattie Boyd tana a phuah ni in, he hla hi Beatles ami Paul McCartney leh a nupui in Annual Buddy Holy party an siam tum a an kal dawn a Pattie Boyd insiam lai a nghah laia a phuah a ni nghe nghe a. 1977 a a album ‘Slowhand’ tih ah dah tel ni in Billboard Hot 100 ah No 16 a kai pha hial a, US a Adult Contemporary ah pawh No 39 kai pha in 1991 khan a Live Version pawh Uk lamah No 30 a ni pha bawk a ni. Pattie Boyd hian a hnu lama a sawi lehnaah, “Hetiang khawp a Eric-a thinlung ka lo hneh a he hla ropui lutuk mai keimah avanga an phuah chhuak ta mai hi a ropui ka ti in a zahthlak ka ti hial zawk a. Kan inkar chanchin thui tak a sawi langin ka hria a. Kan han inthen tak hnu hian ka tan chuan ngaihtlak leh pawh nuam lo tak a ni,” a ti ve hial reng a ni.

Kum 1988 khan Eric Clapton hi Nelson Mandela 70th Birthday Tribute concert ah Dire Strait ho Guest Guitarist angin a inlana. He concert ah hian Dire Strait ho nen hian ‘Wonderful Tonight’ hi mawi tawkin an sa nghe nghe a ni.

He hla hi Captain Phillips tih film ah hman a nih bakah ‘Friends’ season 6 episode ‘The One with The Proposal-2” 18th May 2000 a tih chhuah ah khan hman a ni bawk a. Hei bakah pawh hian 2011 khan Eric Clapton leh Steve Winwood ten Japan a tour an neihna ah khan an sa nge nghe bawk a ni.

BigDaddy Hmahmatea IV
Facebook

Football History-a Thil Thleng Langsar Zual Te

500 - China-ah Footbal (Tsu chu) khelh a ni.

1314 - England ramah Edward II chuan London-a Football khel thinten khawlaiah thil an tihchhiat nasat theih lutuk avangin Football khelh a khap.

1848 - Football dan hmasa ber chu Cambridge University-ah duan a ni.

1852 - School leh school football match hmasa ber Westminster leh Harrow in an khel.

1855 - Sheffied Football Club, tun thlenga la ding zinga club upa ber chu din ani.

1863 - Football Association (FA) din a ni.

1870 - International match hmasa ber chu England leh Scotland in Kennington Oval-ah an khel.

1871 - FA Cup chu khelh tan a ni.

1872 - Corner Kick chu hman tan a ni.

1873 - Scottish FA din a ni a Scottish Cup tan nghal a ni.

1874 - Shin pads (ngal kawr) hman tan a ni.

1875 - Goal chung lama hrui zam thin (tape) chu hmawlh kham (cross bar) in thlak a ni.

1876 - Welsh FA din a ni.

1878 - Referee hamrik (whistle) hman tan a ni.

1885 - Football khelh chu eizawn nan danin a pawm ta.

1888 - Football League din a ni.

1891 - Goal net hman tan a ni.

1891 - Linesmen (assistant referee) kan tih takte chuan umpire an thlak.

1891 - FA in penalty kick dan a hmang tan.

1904 - FIFA chu Paris-ah din a ni. Britain ram pawna International Match hmasa ber Belgium leh France in Brussels bulah an khel.

1907 - Professional Footballers’ Association (PFA) din a ni a. A tirah chuan Football Players and Trainers Union tih a ni.

1928 - Player te number (Jersey no) hman tan a ni.

1930 - World Cup hmasa ber Uruguay-ah khelh a ni.

1932 - FIFA in substitute-te chu dan ang thlapin a pawm ta.

1950 - England in vawi khatna atan World Cup an khel ve.

1954 - Union of European Football Association (UEFA) din a ni.

1955 - European Cup tan a ni.

1960 - Football League Cup tan a ni.

1965 - Football League chuan Substitution (inthlak) a phal ta.

1968 - Red Card hman tan a ni (Mexico Olympic-ah)

1981 - Football League chuan a chakten point 2 an hmuh thin kha poit 3 ah a thlak ta.

1982 - Professional Foul Rule chu hman tan a ni.

1992 - FA Premier League chu din a ni.

1993 - Champions’ League chuan European Cup a thlak ta.

2004 - Rin loh tak main Greece chu Euro-ah an champion.

Source:- Inkhel.com

Indian Variant AK-47

Kolkata bul mai, 24 North Parganas-a West Bengal-a Rifle Factory, Ishapore ten AK-47 zulzuia an siam Assault Rifle chu Army, Air Force leh Sashastra Seema Bal (SSB) ten hun eng emaw chen an hman chhin hnuah a tak taka hman zui turin pawm a ni a, Ishapore Factory hian a thawh khatna atan he Rifle hi 50,000 an siam thuai ang.

India Sipai chi hrang hrangte silai hman atan hian hman deuh khan Ordnance Factory Board chuan AK-47 entawnin a anpui tia sawi theih (Replica) an siam a, Delhi a Defence Expo-a an pholan chu AK-47 hmuchhuaktu Antony Kalashnikov-a chuan lo hriain, a siamtu Ordnance Factory Board te chu Copyright Violation dan hmanga Court a khinah a rawn vau tak avangin kalpui zui zel a ni ta lo va. Hemi hnu hian Ordnance Factory Board chuan India rama Assault Rifle siam thei hrang hrangte chu AK-47 zul si, a khawl lamah erawh chuan pakhat maha AK-47 entawn si lova Assault Rifle thar duang turin a hrilh hlawm a, chumi dungzui chuan Rifle Factory Ishapore, Small Arms Factory Kanpur Ordnance Factory Tiruchirapalli te chuan AK-47 pianhmang zulzui tur si Assault Rifle chu an duang ta a; an duan te chu sipai ten an han hmang chhin a, sawiselna lai an nei vek a. Ishapore Factory te kutchhuak an sawiselna lai awmchhun chu, Chirhdiaka nem pil hnuah a kah theih loh chu a ni. Assault Rifle chu engtikah pawh, khawiah pawh hman theih a ni tur a ni, chirh chhunga awm chung pawhin kah theih a ni tur a ni, an ti a. Chutiang tur chuan an siam danglam leh a, chu chu Ordnance Factory Board chuan a pawm ta a ni. Indian Variant Of AK-47 ti bak chuan hming bik tur hi pek a la ni lo niin hriat a ni.

Rifle Factory, Ishapore te kutchhuak Assault Rifle thar hi INSAS Rifle nena a inan na lai pawh a awm nual a. INSAS (Indian Small Arms System) Rifle hi India Sipai ten 3,00,000 vel hmang mekin, kum 1999 a Kargil War kha tih tak taka an hman tanna a ni a; Ishapore Factory hi hna lian nei lovin hun eng emaw chen an awm tawh a, tunah chuan hna hlawk tham tak tur an nei leh ta a ni. Tuna Indian Variant of AK-47 hi First Batch atana 50,000 sian hnuah pawh hemi let eng emaw zat hi siam a la ngai tura ngaih a ni a, hna an ngah chho dawn hle a ni.

Ishapore hi India rama silai siamna hlun ber zing a mi a ni a. He hmunah hian kum 1787 khan Silaizen (Gunpowder) siamna din tan a niin, kum 1791 ah an siam chhuak tan a, kum 1801 ah Silai leh Carriage siam a ni leh bawk. Rifle Factory tak hi chu kum 1904 ah din tan a ni a, Rifle mai bakah Light Machine Gun (LMG) te pawh siam a ni. Ishapore ah hian 303 British Calibre Short Magazine Lee-Enfield Mk III te, 7.62mm NATO Calibre Ishapore 2A1 Rifle te, 7.62mm NATO L1A1 Self-Loading Rifle (SLR) te siam a ni a. Tuna India Sipaiten an hman lar mek 5.56mm INSAS Assault Rifle hi a siamtu te zingah tel bawkin, Pistol Auto 9mm 1A an siam tel bawk. INSAS Rifle hi sawiselna neuh neuh a awm ve mek tho bawk a ni.

Whiskey Lullaby

Indopui Pahnihna zawh hlim hlawl a ni a, indo laia sipai tang la dam ho pawh an mithlaa silai puak ri chur chur leh Bomb puak ri ul ul mai a suangtuahna mitthla a la cham reng chung chuan anmahni chenna in lam theuh pan turin an haw sap sap tawh a. Richard-a pawh a thiante ho nen Bus pakhatah chuangin ral rama a liam dawn tuma a nupui Kathrine-i nena an inhmuh hnuhnun ber tuma an nupa a an lo len dunna thin Willow Thing buk hnuaia an thlalak dun en veng veng pah a, a mitthla a amah ngei in, ‘Kumkhuain ka hmangaih reng ang che,” tih a hrilh laia a nupui in hlim tak mai a a rawn kuah lai te hmu uaih uaih chungin a nupui in, “Dam takin rawn haw leh la, i rawn kir leh hunah chuan chhungkua kan din dun ve tak tak dawn nia,” a ti lai hmel te chu a suangtuah nauh nauh mai a.

Chutia a suangtuahna khawvela a a chen vang vang lai chuan an chuanna Bus chu a ding a, a khalhtu sipai bang kum upa lam deuh tawh in, “Ka nau, hei le i chhukna tur hmun chu kan thleng ta a, i nun bul chu han tan ve dawn teh khai....” a rawn ti ri chuan amah chu a rawn ti harh hlawl mai a, a bungrua a la a bus atang chuan phur fahran chuan a chhuk thla ta a, a hmalam hla vak lova in lian vak lo lam chu a pan ta hnak hnak a.

Chutah kum engemawzat a hmangaih em em nena an lo chen dun tawhna inchhung chu a va pen lut ta a. A inchhung ava luh tirha a thil va hmuh a mit la hmasa bertu chu an nupa thlalak Willow thing hnuaia an in pawm lai ngei mai an hmuh chuan a nun a tihlim kher mai.

Chutah in chhawng chunglam an bedroom atang a hmeichhe hlim nui ri hawr hawr an hriat phei chuan amah pawh a hlim in a nui chhuak ve sak nghe nghe a, an mut pindan lam chu a pan cho ta, a nupui a hmangaih em em mai hlim nui ri chu ala ri har har reng mai. an mut pindan kawngkhar inkhar chu a’n hawng a chuta a thil va hmuh chuan Richard-a chu a ti phu nasa in a thin a ti thawng kher mai le.

An nupa khum pindan ava luh chuan a hmangaih ber mai chu mipa dang nen an nupa khum ngei mai a an lo mudun a hlim taka an lo inchhaih nui hawr hawr lai chu ava hmu ta thut mai le...a phu zawk...rei vaklo chu sawi tur pawh hrelovin a ding ka ho mai. Chutah a nupui in a rawn hmuh ve chiah chuan a harh chhuak zawk, an in atang chuan a chhuak a, a Motorcycle dah chu la in an in chu a thlansan ta.

A pasal in an nupa khum ngei mai a mipa dang a lo mutpui lai a rawn phawk a chhuahsan lehnghal an hmuh chuan an’ umzui ngial a, aw rawl tawp in au zui mahse a hawi pawh a rawn hawi let duh eih lo.

Chu a thinlung kehsawmna hmun chu a thlanchhiat san ta nal nal mai.

A rilru na kehsawm chuan pan tur dang mai a hre lo, Indonaa a kal hma a an nupa a hlim taka an inthlah dunna Willow thing buk hnuai bawk chu a pan leh ta, mahse tuntum zawng amah te chauh in a ni ta thung.

Hlim taka an lo len dunna thin Willow buk hnuai ava thleng a, phulah chuan a let nghal tawp mai a, a rilru hliam na lutuk um bo nan chuan thildang tih tur a hre chuang lo rui hnep a in in rui chiah chu a tih tur hriat chhun chu a ni ta mai.

Chumi ni atang chuan lu lam leh mawng lam hrelo lekin nitin zantin mai chuan Whiskey a in inrui ta kiah kiah mai a. A hmangaih ber leh a duh ber maiin a rilru a tihnatna chu theinghilh tumin zu a in ta tiah tiah mai a, mahni ke pawhin a ding hlei thei meuh thin lo chu a ni e, mahse a theinghilh thei mawlh si lo.

A taksa lamin a tlin ta lo. Chutianga nun bawraw taka a nun a hman chhoh lai chuan a khumah lukham bawha a lo chatthla reng mai chu an hmu ta. A bulah chuan lehkha themah hian, “Ka thih thlengin ka hmangaih reng ang...” tih ama ziah ngei mai a dah chu a lo let ngat mai bawk. A tawp-a-tawpah chuan a rilru natna chu a kiang ta ngei e.

Richard-a ruang chu an nupa a hlim taka an lo lendunna thin Willow thing hnuaiah ngei chuan an zalh ta a.

Kathrine-i tan pawh a na kher mai. Chu-a-chhapah an khua ang khawteah phei chuan thu lengvak a lo tam a, mi sawi a kai in kalna lamah mi en hrek hre leh mi sawi sep sep a hlawh phah nasa em em a, a tan pawh a nuamlo ve khawp mai a. A rilru hrehawmna te, a inchhirna te leh a zahna te chu thieinghilh tumin Katherine-i pawh chuan Whiskey um bawk chu kuai-thle in a in ve leh ta kiah kiah mai a. A ruih chhum hawk lai bak chuan rilru nuam in a awm thei ta bik lo, a nun a bawraw chho ve ta tial tial mai le.

Mi hran hran a kawp lawr a mahse a ruih loh chuan a mitthlaah a pasal chu a lo lang leh thin bawk si a chuvang chuan englai pawhin a rui chhum hmawk a ni reng mai a. Chutianga nun bawraw taka nun reng chu a lo tlin ta biklo. A khumah chuan lukham a hmai in phum a a pasal thlalak lo hum ran chunga a chatthla chu an chhar ve leh ta nawlh mai.

Katherine-i, a pasal a phatsan avanga a zahna, lunglenna, a rilru na in ruih bo san tum in inruih nasat luattuk avanga a nunna chan phah ve ta ruang chu a pasal ruang bul Willow Thing hnuaiah ngei chuan an zalh ve ta a ni.

She put him out like the burnin' end of a midnight cigarette
She broke his heart, he spent his whole life tryin' to forget
We watched him drink his pain away a little at a time
But he never could get drunk enough to get her of his mind
Until' the night
He put that bottle to his head and pulled the trigger
And finally drank away her memory
Life is short but this time it was bigger
Than the strength he had to get up of his knees
We found him with his face down in the pillow
With a note that said, "I'll love her 'till I die"
And when we buried him beneath the willow
The Angels sang a whisky lullaby
La la la la la la la, la la la la la la laa
La la la la la la la, la la la la la la laa

The rumors flew but nobody knew how much she blamed herself
For years and years, she tried to hide the whisky on her breath
She finally drank her pain away a little at a time
But she never could get drunk enough to get him of her mind
Until' the night
She put that bottle to her head and pulled the trigger
And finally drank away his memory
Life is short but this time it was bigger
Than the strength she had to get up of her knees
We found her with her face down in the pillow
Clinging to his picture for dear life
We laid her next to him beneath the willow
While the Angels sang a whisky lullaby
La la la la la la la, la la la la la la laa
La la la la la la la, la la la la la la laa
La la la la la la la, la la la la la la laa
La la la la la la la, la la la la la la laa

Kum 2004 chho atanga Country Song tun thlenga la lar Jon Randall leh Bill Anderson te phuah Brad Paisley leh Alison Krauss ten thiam lutuk mai leh aw in chawih mawi lutuk mai a Music nen inhmeh bawk si a an sak ‘Whiskey Lullaby’ hi a hrelo zawng ban phar rawh u ti ila phar tur kan vang viau maithei.

He hla hi March 29, 2004 khan released a ni a, a Music Video tak hi chu June 30, 2004 khan tihchhuah ve a ni thung. Hetih hunlai hian Jon Randall hi a nupui Lorrie Morgan nen an inthen hlim a ni a, chu mai bakah Recording deal an siam sa chu a chan bawk a. A rilru hah chuan Whiskey a in phah ta nghek mai a, mipat hmeichhiatna lamah pawh a tlan nasat phah a. Chutih lai chuan a Manager chuan amah fuih nan ti in, "Hey man, every now and then you've got to put a bottle to your head and pull the trigger," a tih khum ta. Helai thu te hi Randall-a chuan a note book ah ziak chhuakin hla thu atan hman a tum ta a. Tichuan Bill Anderson nen hian intawngin he hla hi an phuah dun ta a tichuan khawvel tunlai Country Songs te zinga lar ber te zing ami nang leh kei leh khawvel thalai tamtak leh nu leh pa te thlengin an duh tawp theih loh leh ngainat em em ‘Whiskey Lulaby’ hi a lo piang chhuak ta a ni.

He hla hi Brad Paisley Album ‘Mud On The Tyres’ tih ah dah tel ni in 2009 March ni 29 khan a album a hla single 3 na ni turin released a ni a. Brad Paisley a hla single chart a kai pha zinga 11 na ni in amah pawh a vawrh lar phah hle nghe nghe a. Billboard Hot Country Singles & Tracks ( Hot Country Songs) charts ah No-3 a kai chho a, Billboard Hot 100 ah No-14 a kai chho leh bawk a, chutah 2005 Country Music Association Song of the Year award a la lehnghal. Brad Paisley hla pali zinga Recording Industry Association of America in Platinum kai pha a a puan te zing ami a ni ta hial reng a ni.

BigDaddy Hmahmatea IV

Ka Lawm E Lalpa

Lalpan Eng Nge Min Pek Thin

☀ Ka hlawhtlin theih nan Pathian hnenah chakna ka dil a, Ka inngaihtlawm theih nan chak lohna pek ka ni.

☀ Thil ropui zawk ka tih theih nan hriselna ka dil a, Thil tha zawk ka tih theih nan bawrhsawmna pek ka ni thin.

☀ Ka hlim theih nan hausakna ka dil a, Ka fin theih nan retheihna pek ka ni.

☀ Fak ka hlawh theih nan thiltihtheihna ka dil a, Pathian mamawh nachang ka hriat theih nan chak lohna pek ka ni. ☀ Nun ka chen theih nan engkim ka dil a, Engkim ka chen theih nan nunna pek ka ni.

☀ Ka dil engmah pek ka ni lo va, Ka dil loh engkim pek ka ni.

☀ Tawngtaia a hnena ka thlen loh pawh min pe a, Mihring a zawng a hausaknaa malsawm ka va ni tak em!

Anonymous

Save The Last Dance For Me - Emmylou Harris

Chu Night Club ri hut hut karah chuan ka No dawm lai chu kan tlak pap a. Ka Bawihi nena kan inthenna pawh a rei ve ta. Ka ngaihna hi a la reh silo, Zantin he hmun a kal mai loh chu tih tur dang ka neilo.

Zan dar 8:30 velah chuan Kawngkhar atang hian Pa pakhat leh a Nupui nge a Bialnu ni awm tak hi an lo lut a. Mak tak maiin chu Pa chu wheelchair-ah a thu a, a Hmeichhe rawn kalpui chuan a rawn nawr nghe nghe a. Midang pawh chuan an lo en deuh hu a. Mahse an thil tih lai chu an chhunzawm leh mai a. Ka en reng a, rei vaklo ah chuan chu Nu chu Pa pakhat hian a rawn bia a, an thusawi chu ka hre thei mailo. Wheelchair a thu chu, chu Hmeichhia, Hmelchhe lo tak chuan an thlek zeuh a, a rawn betu Pa nen chuan an kal ta daih a.

Chu Nula chu kan zawng kual deuh a, a hnu deuhah chuan a rawn betu Pa nena an Lam chu ka hmu a, rei vaklo hnuah chuan Microphone chu a rawn ri dat dat a, kan hawi phei thup a, chu Wheelchair-a thu Pa chuan Microphone chu a lo vuan a, thei leh theilo hian a ding a, Tichuan aw dam dap hian he thu hi a rawn sawichhuak ta a:

Bawihi, kha Tlangval nena inlam dun ka phal chhan kha i hria em? Kei, ke bai leh mahni pawha kal theilo hian ka lampui ve thei silo che a, ka inthiamloh em avangin ka phal chauh asin. Ni e, Mipa tupawh rawn mitmei tu che chu i lampui thei e. He ka thutna atang hian ka lo en che a, he Night Club entu Light mawi tak hnuaia Mipa dang nena hlim taka innui lai te kha ka lo en reng che a, kha Pa kha nih ka van chak tak em. Mahse hei hi chu theihnghilh lo la, tunge kan run ngui tak chhunga hruai lut tu che a i Laikhum zalna a kuah thin tu che hi? Chuvangin Bawihi, i lamna a i pheichheh hnuhnung ber tal hi chu ka tan min lo zuah ve rawh aw.

Chu Music mawi tak chu i hria em? Nang ang maia mawi leh duhawm a ni asin. I duh chuan i Hlimna chu chen la, Lam la, Nui la, mahse tu bulah pawh awm la maw Bawihte, i Thinlung kha chu tudang mah pe lo hram rawh aw? Mahse hei hi chu theihnghilh suh aw? Tunge kan run ngui tak chhunga hruai lut che a i Laikhum zalna a kuah thintu che hi? Chuvang chuan Bawihte, i Lam na a i pheichheh hnuhnung ber kha chu ka tan lo zuah ve hram rawh aw.

He Zan hun tawp ber leh he Club an khar hma thleng chu Lam la, kha Mipa, i lampui khan nangmah chauhin i awm leh awm loh te, thlah i ngaih leh ngaihloh te a zawh che chuan, 'Aih' tiin chhang hram rawh aw? A chhan chu tunge kan run ngui taka hruailut thin tu che leh Laikhum i zalna a kuah thintu che hi min theihnghilh lo hram rawh. Bawihte, i Lamna a i Kechheh hnuhnung ber tal chu ka tan min zuah ve rawh aw.

Chu thu a sawi zawh chuan kan intihhlimna hmun chu a reh hian a reh dup mai a, a hnunglam atang chuan Hmeichhe pakhat hi hmanhmawh takin a rawn tlan a, Wheelchair-a thu, thusawi tupa chu tap chung hian a rawn kuah vawng vawng a. Kut beng thawm a ring ngei mai.

He hla phuahtu Doc Pomus hi June 21, 1925 khan Brooklyn, New York ah a lo piang a. A Naupan lai in Polio natna in a tlakbuak a, a lo dam chhuah leh hnu pawn a Ke chu a hmang tha thei ta lova, tichuan Naupangte a nih atangin Zakdawh tiang hman a lo ngai ta a. A lo puitlin hnuah pawh ‘Post-Polio Syndrome’ a vei chho leh a, Accident a tawk chho leh bawk nen, Wheelchair ah a hringnun chu a hmang chho ta a.

Music-ah hian a hun lai a Blues Singer lar tak Big Joe Turner hla a ngaihthlak atangin a tui chho a, tichuan Zai leh Hlaphuah lamah kal chho in Music chu a luhchilh chho ve ta a. Hla tamtak phuah chho in amah pawhin a sa chho ve zel a. 1992 kha Rock N Roll Hall Of Fame ah lak luh a nih bakah hemi kum vek hian Songs Writer Hall Of Fame ah leh Blues Hall Of Fame ah lakluh a ni.

He hla ‘Save The Last Dance For Me’ tih hi a Nupui Willi Bruke puala a phuah a ni a. Thenkhat sawi dan chuan an Inneih Zan Party na a lamna hmunah pawh lam ve thei lova a awm laia a Nupui Broadway vel a lam mi ina mi hrang hrang a lam pui lai a hmuh atanga a phuah, Dawhkana Invitation Card lo awm hnunglam a an Wedding Party chhung zawnga a lo ziah angin an sawi thin. Mahse hetiang hi a ni hauh lo, an Inneih hnu kum 3 a liam hnu a an Inneih Zana thil thleng a phuahna zawk a ni. He hla ah hian a phuah tu Doc Pomus hian an Inneih Zan Party na a a nupui Willie Bruke, Broadway Dancer leh Actress ni bawk chu hlim taka a hun hmang a, a duh duh lam pui a mahse amah chu hre reng tur leh a Nupui a nih avanga an Party chu a tawp hunah Inlama hruai haw tu tur chu amah ngei chu a nih thu a hrilhna ang a ni ber, a hla thu ah hian a Nupui in midang a lampui a, nghet tak mai a an han inkuah vel a hmuh a a thikthu ni a ngaihbel theih te pawh a zep tel ve bawk a ni. Willie Bruke nen hian 60s laihawl chho vel khan Fanu pakhat an neih hnuah an inthen leh ta a ni.

http://m.youtube.com/watch?v=vwsxFjONXIA

Hriata Clayton Zadeng

You Needed Me - Anne Murray

Mihring kan nih chhung hian nun beidawng rum rum chang te , rilru nat chang te, engmah nilo a in hriat chang te leh hmabak nei miah lo a in hriat chang te, lungchhiat vanga mittui tlak zawih zawih chang te hi tu pawh mai hian kan tawng thin a. Hetih hunah hian ani, min hnemtu, min fuihtu, min chawikangtu, hmangaihna kuta min chelhtu kan mamawh thin chu... Hetiang ang ka tawh hun hian alawm.....

Rilru na ngawih ngawih leh lungchhe tak a ka awm a hnemtu ka ngaih em em laiin ka mitui min hruk hul sak in min hnem thin a. Rilru buai leh mumal neilo tak a ka awm in ngaihtuahna fim min chhawp chhuah sak thin a. Ka nun hi ka hloh dawn emaw ka tih hnu ah nangin min lak kir sak leh thin a, dinhmun hniam taka ka awm hnu dinhmun sang takah min hlangkai chho leh in ka zahawmna bo tawh hnu chu nangmah vang in ka hmu kir leh si thin....

Chaklo taka ka awmin mahni a khawvel hmachhawn ngam tur khawp leh mahni a ding thei tur khawpin chakna min pe a. Dinhmun sang takah min chawi sang in, ka thlen phakloh ram chu min hmuh tir thin si a....

Engemaw chang chuan nangmah hi i ni tak tak dawn emawni le aw te hi ka ti rum rum fo thin asin... Ka kamawh hun che apiangin ka tan i lo awm zel mai bawk si. Engtikahmah kei zawngin ka kalsan phal hauh lo ang che. A chhan chu maw, min hmangaih a, min ngaisak tak tak tu ka chhar ta che a, nang anga ka tana hlu hi ka kalsan phal anih chuan mi a tawp ka ni dawn tihna ani....

Ka mamawh em em lai che in ka kut min chelh sak thin a, kal ngaihna reng ka hriatloh hnuin kawng min kawhhmuh thin. Beiseina reng ka neihloh hnuin beiseina thar min siam sak thin a, ka nun engmah ni tawhlo hnu chu thutakah chantir in ‘Thiantha’ ti hialin min chhal ve si... Ka tan hian i hlu a, ka mahawh che a, nang pawh hian min mamawh thin in ka nun hi rahbi tharah min hlankai sak ta ani... Ka tan hian i va hlu tak em....

I cried a tear, you wiped it dry
I was confused, you cleared my mind
I sold my soul, you bought it back for me
And held me up and gave me dignity
Somehow you needed me
You gave me strength to stand alone again
To face the world out on my own again
You put me high upon a pedestal
So high that I could almost see eternity
You needed me, you needed me
And I can't believe it's you
I can't believe it's true
I needed you and you were there
And I'll never leave, why should I leave?
I'd be a fool 'cause I finally found someone who really cares
You held my hand when it was cold
When I was lost you took me home
You gave me hope when I was at the end
And turned my lies back into truth again
You even called me "friend"
You gave me strength to stand alone again
To face the world out on my own again
You put me high upon a pedestal
So high that I could almost see eternity
You needed me, you needed me
You needed me, you needed me

He hla ‘You Needed Me’ tih Anne Murray-in thiam tak mai a a sak hi Randy Goodrum phuah niin Canadian zaithiam lar tak mai Anne Murray hian a Album ‘Lets Keep It That Way’ tih 1978 a, a Released ah chuan a telh ve a. Top-Five Country Single ah tel pha in Academy of Country Music ah Song Of The Year a la nghe nghe ani. Tin Billboard Hot 100 ah No-1 nihna te pawh a lo hauh pha ve hial tawh bawk a ni. 1979, khan Kenny Rogers leh Dottie West ten an Album Classics Tih ah an telh ve leh a , tin Millie Jackson leh Isaac Hayes ten an Duet Album Royal Rappin's tih ah an telh ve leh bawk. He hla hi Anne Murray hian Shania Twain nen Anne Murray 2007 Album Duets: Friends & Legends tih ah an sa dun leh bawk ani.

I ngaithla ve duh anih chuan Link hi Click mai rawh.

BigDaddy Hmahmatea II
Facebook

Khuarel Chhiatna (Natural Disaster) Hrang Hrang Lakah Nang Leh I Chhungte In Him Em?

I tih tur leh tih loh turte
Lirnghing (Earthquake) ah.
☀ I Insak a him zawk nan Mithiam te rawn ang che.
☀ I In Ban, Beam leh Chhuat a khik chuan hetiang lama Mithiam - Engineer/Architech te berawn thin rawh.
☀ Lirnghin laiin Tukverh, Furniture hrang hrang, Darthlalang leh thil rit chi reng reng, nangmah delh theitu hnai - vaiah awm suh.
☀ Hmun him lam rang taka pan dan ngaihtuah rawh.
☀ Lirnghin laiin Lift/Elevator-ah chuang suh.
☀ Electric Line Off rawh.
☀ Hmun him pan mai a remchan loh chuan Dawhkan emaw Thutthleng hnuai chuh ang che.
☀ Buai phili Chûk kher suh. Ngaihtuahna fim tak hman hun a ni a, i him theih nan rilru fim put hram hram tum ang che.

I tihtur leh tih loh turte
Thlipui (Cyclone) ah
☀ TV leh Radio atangin Warning a awm leh awm loh ngaichang rawh. Hei hian nasa takin a tanpui ang che.
☀ Thlipui a rawn tleh chuan Electric Line Off vat rawh.
☀ I In bang leh Kawngkhar/Tukverh te Thlipui lakah a him leh him loh finfiah fo rawh.
☀ I In a him dawnlo ni a i hriat chuan i In chhuahsana hmun him emaw In him pan inthlahrung reng reng suh.
☀ Thing, Electric ban leh thildang nangmah tina theitu che i bulah a awm leh awmloh hriat vat tum rawh.
☀ Cyclone hian Tek a ken tel fo avangin Thlipui tleh laiin Electronic thil reng reng - Mobile Phone, Television, Radio, adt. Hmang suh.
☀ Hmun him i panna lamah Rangva leh thil dang thlawk i tawng thei. Fimkhur hle ang che.

I tihtur leh tih loh turte
Kangmei (Fire) ah
☀ In i chhuahsan dawnin heng - Istiri, Heater leh Room Heater te hi i Off ngei em tih finfiah rawh.
☀ Gas i hman loh lai chuan Cylinder/Regulator-ah Off ziah rawh.
☀ I thei anih chuan kangthelh na atan Fire Extinguisher lei la, a hman dan pawh a tul angin zir ang che.
☀ Kangthelh Motor tanpuina dil thuai rawh. An chetvelna lo dal suh ang che.
☀ I Electric Supply-in a zawh loh khawp a tam Extention Cord hmang hauh suh ang che.

I tihtur leh tih loh turte
Leimin (Landslide) ah
☀ In i sak hma-in i sakna tur hmunah Tuiput leh Leimin hnuhma a awm em tih enfiah hmasa rawh.
☀ I In sakna Lei leh Lung inthuahthip dan hrechiang hle rawh. A tul anih phei chuan Geology & Mining lam Mithiam te rawn ang che.
☀ Tuidawn tha tak nei ngei ang che.
☀ Tuihawk luankawr tha tak siam rawh.
☀ I In bul velah Tuiluankawr/Side Drain tha lo emaw, Bawlhhlawhin a hnawh emaw a awm anih chuan ngaihthah suh ang che.
☀ Leikhi leh hmun himlo a In sak ai chuan sak loh ngam a finthlak zawk.

I dinhmun hrechiangin, i tihtur leh tih loh tur te hria la, nang leh i Chhungte tan himna thlentu ni ang che.

Telephone Number Pawimawhte
Fire Stations:
Aizawl
0389-101/2322384

Lunglei
0372-101

Champhai
03831-234885

Lawngtlai
03835-232801

Saiha
03835-223085

Serchhip
03838-2221350

Kolasib
03837-222189

Tlabung (Sub Station)
0372-222189

Deputy Commissioners:
Aizawl
0389-2329203 (O)
2329201/2329200 (R)

Lunglei
0372-2324121 (O)
2324020/2324120 (R)

Saiha
03835-222024 (O)
222003 (R)

Lawngtlai
03835-232805 (O)
232001 (R)

Champhai
03831-234402 (O)
234401 (R)

Serchhip
03838-222432 (O)
222410 (R)

Kolasib
03837-220001 (O)
221313 (R)

Mamit
0389-2565220 (O)
2565221 (R)

Beidawng Mai Suh

Duhthusama thil a kal fuh loh chang te,
I kawng zawh a chhoh hle chang te,
I deh chhuah a tlem hle laia I leibat a pun thur chang te,
Hlim i duh laia thaw i pik taka i awm chang te,
Ngaihsakna i dawn pawhin I rilru a tihhnual rawih chang te chuan,
Chawlh daih i chak mai thei;

Mahse beidawng lul suh.

Nun hi chu hruihrual ang maia Inherh kual chiat a ni a,
Nunkawng hi zir zawh tih lah a awm si lo,
Thenkhat beidawnga an thut laiin,
Hlawhtlinna lo tawng baw mek an awm bawk a,
Chutianga insulpel zut kara Sawt lo taka hmalam pana I kal bek bek a nih pawhin,

Beidawng mai suh;

Hlawhtlinna chhimbal chu A la rawn zam ve thuai mai ang.
Hlawhtlinna hi hlawhchhamnain A nuai hrep hnua rawn par chhuak a ni fo,
Rinhlelhna chhumin a zin hnan chang che pawhin Chuti maia i tawn tura i ngaih loh vanduaina,
Hla taka awm nia i hriatin i vel a dap pawhin,
Inhrual fipin huaisen takin tawn la,

Beidawng lovin bei zel zawk ang che.

Faktea Ralte

Hlimna Thuruk

Hlim lohna hi Thinlung Hlawhchhamna tilangtu a ni a. Thil tha tih kan duhna te a ei chhe thin. I theihtawp chhuah fo la, nangma lakah rinawmin nangmah nen ngei khan inel thin ang che. I lo hlim zual theih nan hengte hi zawm ang che.

1. Englai pawhin mi tinreng lakah thil tha chauh hmuhsak thin ang che.

2. I theihtawpa thain i hmalam hunah ruahmanna siam rawh.

3. Hlim tum fo la. Thil te tham takah pawh lawmna tur zawng zel ang che.

4. Eng hunah pawh i nun a tha thei ang bera hman tum rawh.

5. Thil tha lam chauh i rilru luah khahtir thin ang che.

6. Nangma vanneihna tur aiin midang vanneihna tur ngaihtuahsak fo rawh.

7. Beidawng leh lungngai taka indawm kun mai lovin thil nihna zirchiang hmasa ang che.

8. Sawiselna tha lo lak atangin inthiarfihlim ang che.

9. Midangte ngaidam thin la, mahni inthiamlohna pai reng lo la, i rilru chu hnawmhnawkin khuhtir reng suh.

10. Thil kal tawh leh siamthat theih lohah i rilru tibuai lo la. Mihringte hi tumah dinhmun ngai rengah kan ding lo va, hringnun boruak hi a inthlak zut thin tih hi hre reng ang che.

Hlim takin i Hringnun hmang ang che

Faktea Ralte

Foot Guards (British Army) Uniform Hriathranna Te

G‪uards Division
B‬‪uckingham Palace
F‬‪oot Guards

‬ London khawpui a i zin te anih chuan Britain Lal chenna in leh London khawpui hrang hrang ah heng Foot Guards te hi an lo awm nawk ang. Chung te chu eng ho nge an nih i han belchiang teh ang.

A hmasa in Foot Guards te hi British Army hnuaia Infantry Regiment thenkhat awmkhawm an ni a, Household Division hnuaia awm an ni bawk. Heng zinga Regular Infantry atang Regiment panga an awm a, tin Reserve/Territorial Army atangin pakhat a awm bawk ani.

He khawpuia i zin chuan heng Sipai Lam leh Ceremonial Duty lo nei te hi i hmu fo ang a, chung ho chu eng Regiment ami nge an nih tih i hriat theih nan i han bihchhiang teh ang.

1. Grenadier Guards :
Heng ho hi an Uniform-ah chuan an Kawrkilh te hi a Group in a awmlo a, tin an Lukhum Veilam ah hian Plume Var a awm ang.

2. Coldstream Guards :
Heng ho ve thung chu an Uniform ah hian an Kawrkilh te hi Pahnih te te in a awmkhawm a, a tawp ber erawh chu a mal ang. Tin an Lukhum Dinglam ah hian Plume Sen a awm ang.

3. Scots Guards :
Scots Guards ho Uniform-ah chuan an Kawrkilh te hi Pathum in an then khawm a, a tawp ber erawh chu Pahnih in a awm. Tin an Lukhumah hian engmah an bel ve lo a ni.

4. Irish Guards :
Irish Guards ho Uniform-ah chuan an Kawrkilh te hi hmun hnih an Pali in an then a. Tin an Lukhum Dinglamah hian Plume Pawl a awm a ni.

5. Welsh Guards :
Welsh Guards ho ve thung chu an Kawrkilh te hi hmun Hnih-ah Panga in a awm a. Tin an Lukhum Veilamah a Var leh Hring a in tial Plume a awm bawk.

Hriatbelh Tur:
* Foot Guards ami te hi heng Ceremonial Role te hi a Term te te in an in neih chhawk ani.

* Ceremonial Role mai bakah hian Raldo Sipai ve tho an ni a, Ceremonial Role a an awmloh chuan Infantry Unit ang thoin an Duty ani.

* Nipui (Summer) laiin Uniform Sen an ha hlawm a, Thlasik (Winter) ah Overcoat/Great Coat Pawl dal duk deuh an ha thin.

* Foot Guards te hian Parachute Regiment (British Army) hnuaia 3 PARA ah hian Platoon khat an thawh a, chu chu Guards Parachute Platoon an ti.

Sniper Ropui Simo Hayha a.k.a "The White Death"

Hmanlai ata tawh ram ropui tehna pakhat chu Sipai tha chak leh chak lovah leh Ralthuam neih that leh thah lovah an teh fo thin ti ila kan sawi sual awm love. Ram ropui ni tur chuan ram dang te'n an rawn run pawh a lo do zo tur leh hmelma lam te'n an hneh mai theih loh tura lo inven nan Sipai leh Ralthuam tha leh chak a ngai thin a ni. Tunlai khawvelah pawh indo thuthang tamtak kan hria a, chu'ng ah chuan ram ropui zawk leh thiltithei zawk chuan hnehtu dinhmunah an ding thin a ni. Tuntum a kan rawn sawi tur pawh hi tunlai indona hmuna ralthuam hlauhawm ber hiala an chhal "Sniper" chanchin a ni. Sniper te hian indona mualah chuan hna pawimawh tak tak an thawk tam hle mai a, sawi sen a ni awm love. Chu'ng sniper zingah chuan khawvel piantirh ata, tunthleng a Sniper ropui ber hial a an chhal thin chanchin hi i lo sawi ho teh ang u.

Simo Hayha, "The White Death" emaw "Belaya Smert" an tih bawk hi, he lei chung vanhnuai a Sniper piang tawh zingah chuan ropui ber leh turu ber a an sawi thin a ni. World War II lai khan a ram leh hnam Finland chu Soviet Union beihna lak ata chhan nan Sniper hna thawkin, 542 Confirm Kills leh 705 Unconfirmed Kills a nei hial a ni, ropui rem rem tak a ni. A hming a rawn chherna ber chu Winter War (kum 1939-1940) chunga Soviet Union leh Finland indo lai kha niin, Sniper dang aia a ropui bikna chu, Sniper Rifle changkang leh tha pawh ni lo, Russia siam Mosin-Nagant Model 28 Rifle, a Sipai tan hmaa sapelh nana a hman thin, Enlenna (Scope) pawh awm lo hmang a hmelma Sipai 542 Confirmed Kills leh 705 Unconfirmed Kills zet a kap hlum thei hi a ni. Tin, hming lem a,"The White Death" an vuah chhan pawh hi, an indona (Winter War) hmun vur rama thawmhnaw var hlang a hak thin vang a ni. A chanchn tlangpui i han thlir ang u hmiang...

A hun hmalam:

Simo Hayha hi December 17, 1905, Finland thingtlang khaw pakhat, Rautajarvi khua a piang niin an ngai (1906 zawk a ni e ti pawh an awm) a. He khua a mi chengte hi a tlangpuiin lo nei a eizawng an ni. Simo Hayha te pawh huan neiin ei an zawng ve thin a ni. Soviet Union a lo din a Finland ram pawhin zalenna (independent) a lo hmuh a, a lo indan takah chuan, Hayha te chenna khua Rautajarvi pawh chu Russia ramri hnaihte ah a awm a ni. Hayha hi a naupan lai atangin thingtlang naupang dang ang bawkin hna a thawk nasa in Silai nena ramvah a sapelh a hrat em em a, a tette atanga silai ngaina leh thawkrim a nih avang te pawh nifahmiang, heti khawp a Sniper ropui ni tura silai kah thiamna te, dawhtheina leh chhelna te a rawn neih theihna tak ni.

Hayha hi sipai a a tan hma rengin silai kah tui em em mi a ni hrim hrim a, hun awl a neih apiang chuan pawn ah chhuakin silai kah a zir thin a ni. A silai kahthiam zia lanna pakhat chu; Target, Feet 500 a hla a mi chu Minute khat chhungin a silai changkang lutuk lem lo, Mosin-Nagant hmangin vawi 16 a kap fuh chat chat thei a ni, hei hian a themthiam zia a pholang awm e.

A Sipai tan:

Kum 1925 khan Finnish Army ah inziak lutin, kumkhat chhung chhuanawm taka a thawh hnu in Corporal niin Finnish Army bansan a, Civil Guard (heihi U.S National Guard kan tih ang chi) zawm leh in World War II rawn thlen thengin Reserve Unit ah a awm ta ani.

A Hmingchher tanna:

November ni 30, 1939 ah cuan Soviet Union ram lian zet mai, an ram Population pawh Maktaduai 171 chuang awmna ram chuan, an thenawm ram tereuhte Finland, a micheng pawh Maktaduai 3 vel chauh awmna chu a rawn ralpui beih ta chiam mai a, he indona hian a vanglai hun hmang tan mek, Simo Hayha chu cho chhuakin, ram leh hnam chhan nan, Sniper anga a bul tanna leh a hmingchherna, he khawvel awm chhunga Sniper khawvela hming dai leh tawh ngai lo turin, Jaeger Regiment 34 ah chuan a in ziak lut fel ta a, Kollaa lui bulah chuan Finnish sipai 32 lek te chuan Soviet sipai 4000 teh meuh mai chu an lo hmachhawn a ni. Winter War laia Soviet Union leh Finnish sipai te hi an in tam hleih hle mai a, a Ratio chuan 100:1 a ni hial a ni. Finnish ho tan chuan a zamawm duh ve khawp ang.

Indona mual vawt lutuk tak mai, Celcius Degree 0 chunglama a awm ngai miah lohna hmun, a tlangpui a -40 atanga -20 Degree Celcius a nih thin na hmun ah chuan, thawmhnaw var Suit-a inthuam, pa te reuhte, Feet 5 awrh a sang, mahse Sniper hlauhawm zet mai Simo Hayha chuan a thiamthil a Show tan ta. An pu te'n a hman tura an pek Swedish Mauser Rifle, enlenna (Scope) awm ai chuan, silai te zawk leh changkang lo zawk, enlenna (scope) pawh awm lo, Russia siam, a ramvah silai Mosin-Nagant chu hmelma Soviet sipai, silai changkang ber ber leh tha tak tak kengho lo phil nan chuan a thlang zawk a, tichuan a hna a tan ta.

A tlangpuii a mi kahhlum te hian a mah hi an hmu hman ngai lo ani. Hayha hi silai kah a thiam em vang leh Soviet sipai te tana a hnawksak em avang hian Soviet sawrkar chuan luman sang tak siamsak in, a that theitu chu lawmman tlem chhe lo taka vur an intiam nghe nghe a, hei vang hian Soviet sipai, a bik takin an Sniper ho bitum leh a pelh a an pelh ber a ni hial reng a ni. Nimahsela tette atanga a hrat khawkhenna leh a tawnhriat ngahna hrim hrim vang te pawh a ni ang, amah, Hayha that tura rawn vehtu Sniper leh sipai te chu alo dahtha hmak hmak zel mai si a, Soviet hruaitu te lu a hai tak zet ta.

Tichuan, Simo Hayha a bik taka veh a, that turin Soviet hruaitu te chuan Sniper team an dinin an tir chuak ta a. Mahse chu Operation, Simo Hayha thah tumna Operation pawh chuan eng ruai a ang thei ta chuang lo, Soviet Sniper hovin an hmuh ve hma in, Sniper Team Member ho zawng zawng chu alo that fai leh ta vek mai a ni. Tichuan Simo Hayha cuan ni 100 pawh tling lovah Soviet sipai 505 Confirmed Kills in a that hman a ni, pui rem rem khawp mai.

Hayha Sniping Tactic hi a tlangpuiin Sniper dang ang lo takin a malin a che thin a, Spotter a hmang ve ngai lo tluk a ni. A silai hmehpuah tam ber hi thu chungin Meter 400 vela hla atangin Target a kap tlangpui a, a Target tlangpui chu sipai pangngai ni lovin, amah rawn vehtu Sniper te, Sipai Officer te, Machine Gunner te, laipui pu te leh Weapons Crews hrang hrang te an ni.

Hetih hun lai hian Finnish Sniper te hi an Tactic a tha hrim hrim nge ni, Soviet ho khan Finnish Sniper ho kha hming lem ah 'Cuckoo' (Cuckoo hi sava chikhat hming a ni,) tih an vuah sak a, a chhan chu Finnish Sniper te kha indona muala thingkung (Trees) zawng zawngah khan an awm mai emaw tih tur khawpin an biru thiamin, Position an Set thiam a ni. Finnish Sniper ho Tactic zinga lar ber pakhat chu, "Motti" Tactic an tih hi a ni a, Soviet sipai te khan Finland inkal pawhna kawngpui kha lak hmasak ber an tum thin avangin, Finnish Sniper te chuan kawng sir hnim leh thingkung leh hmun rem rem laiah an lo chang a, Soviet sipai hovin an bihruk na zawn an pel fel ta maw tih ah, an hmung lam atangin an kap ta ngheng mai thin a ni.

Heti taka a chet that avang hian Simo Hayha hian sipai chawimawina hrang hrang a dawng hnem malh malh hle mai a, chu'ng zingah chuan Personal takin Finnish Commander pakhat, Baron Field Marshal Mannerheim chuan Corporal atangin Second Lieutanant Rank ah a kaisan tir a, hetiang anga chak a sipai Rank-a kaisanna hi tun thlengin Finnish History ah ala awm ngai lo a ni.

Vanneihna hi engtik lai pawh a tawn reng theih ni hek lo le, Simo Hayha pawh chuan March ni 6, 1940 ah chuan hmelma lam ngenmu a tawng ve ta. Frontline-a a awm laiin, hmelma lam suan tlang chuan a khabe dinglamah rawn deng fuhin, ni kaw chhung lai nikhaw hre lovin a awm phah nghe nghe a ni. He a hliam hi a na hle ni tur a ni, a tira lo bawihsawmtu a thiante phei chuan, a lu chanve vel cu a hek huam a ni, an ti hial ani. Hei avang hian a hmai ah lian takin kum 96 thleng dam a, 1st, April 2002-a a thihni thleng in ser a awm hlen ta a ni. Tichuan Winter War ah chuan ram lian zawk Soviet chuan Finland ram tlemte, 22,000 square Miles vel chauh la in an tlawm ta tho va, a tir a Soviet sipai 1,500,000 zinga 1,000,000 zet chu Finnish sipai huaisen te'n an lo kap hlum a ni.

Russian sipai Officer pakhat phei chuan, "Kan sipai thi ta zawng zawngte phumna leng tawk chauh ram kan la a ni e," a ti hial a ni.

Sawi tawh angin, Simo Hayha hian Mosin-Nagant Rifle, Scope nei lo a hmang thin kan tih tawh kha, enlenna (scope) a hman duh loh chhan ni a a sawi te chu :-

1. Rifle Scope vuah hmanga Target kah dawn chuan, a kaptu lu a awm san a ngai a, Scope han bih turin, chu chuan hmelma lam Sniper tan Head-Shot theihna Chance tha tak a siam sak a ni.

2. A chettlatna hmun hi vur ram khawvawt lutuk a ni kan tih tawh kha, chutiang hmun ah chuan Rifle Scope-a Lens te hi awlsam takin khawvawt vanga "Fog" lo awmin a tih nut/phe theih thin avangin.

3. Rifle Scope Lens te hi Ni in a han chhun hian a lo enkhalh in alo tle zeuh thin a, hei hian a hmangtu Sniper bihrukna a ti lang thei thin a, hmelma lam Sniper tan zawnchhuah a tih awlsam phah thin a ni.

A thih hma lawk a American Mosin-Nagan Rifle Collector hovin heti taka Sniper ropui alo nih theihna chhan an han zawh chuan, awlsam te in "Practice" tiin alo chhang fel et mai a ni.

Bishop G. Bartowski

Wake Me Up When September Ends

Kumtin September thla a lo thlen apiangin khawvel hmun hrang hranga Thalaite zingah hla pakhat a lar thin a, chu hla chu engdang ni lovin Green Day hla "Wake Me Up When September Ends" tih hi a ni.

Oakland, California-a nupa Andrew Amrstrong leh Ollie Jackson te chuan an fa paruk na’n mipa neiin a hmingah an chhungkaw hming chawiin Billie Joe Armstrong an sa a. Andrew hi Safety Inc. – Truck Driver niin nitin deuh thaw a Motor lian tak chu a khalh chhuak thin a. A remchang a nih phawt chuan an fa naupang ber, mipa naupang harh tak Billie Joe Armstrong chuan a zui thin. Joe hi naupang harh danglam tih takah a chang chuan a pa Motor khalh lai Gear chu a thlak thut a, a chang leh a Horn tul lo takin a lo pe thul. A mut a chhuah leh Truck-ah chuan a pa ban nghengin a muhil mai a. An inkawm ngeih em em a, ‘Thianpa’ tiin an inko mai thin.

Chhungkaw hlim tak nia hun an hman mek laiin chhungkaw pa ber Andrew chuan Hrawk Cancer a vei ta a, Joe chu a pa bulah a awm chawt a, rei tak a kalsan ngai lo, tihtheih erawh a nei tlem hle. An inenkawl ngial hnuah pawh mihring thiamna leh theihna hmanga chhanchhuah rual a ni ta lo va, kum 1982, September ni 10 ni chuan khawvela kir leh ngai tawh lo turin piallei thuahriat hnuaiah an zalh a ngai ta.

An lawina kohhran Pastor-in khunkhan takin a vuina hun a hmang a, inhnit feih feih thawm tih loh chu thawm dang hriat tur a awm lo. Joe pawh mittui tla perin a tel ve a, a pa a thianpa ni bawk kuang chu a en reng a, a insum zo ta lo; thawklehkhatah ring mangkhenin a rawn tap chhuak thut a, tumah ngaichang lovin in lam panin a tlan haw nghal nal nal a, a Room-ah a inkalhkhum a, a nu Ollie mangang chuan kawngka hawng turin a ngen chiam a, mahse, Joe chuan a hawng duh lo. Lungngaihna chhum dum chhah takin a chimpil thla; September thla chu kalhlen a duh a, a nu-in chhanna a hmuh chhun pawh, “September thla ral hnuah chauh min kai harh dawn nia” tih chu a ni.

Summer has come and passed
The innocent can never last
Wake me up when September ends
Like my father come to pass
Seven years has gone so fast
Wake me up when September ends

A innghahna a pa, a chhuan em em; khawvela pa ropui ber leh thil tithei ber ni a a hriatin a han thihsan atang chuan amahin khawvel a hmachhawn a ngai ta a, a pa nena awlsam taka harsatna an paltlang thin chu a mah ngawt chuan paltlang harsa a ti thin. A thil thiam leh chhuan tur neih apiang a hrilh leh a hmuh tir thinin a awmlohsanna chu rei tawh mahse, a theihnghilh thei lova; a pa chu a rilruah lo tharin van ata ruahpui surin thil a nan huh ang maiin mipa biangah mittui a lo luang a, a hmai chu a bual huh leh thin.

Here comes the rain again
Falling from the stars
Drenched in my pain again
Becoming who we are
As my memory rests
But never forget what I’ve lost
Wake me up when September ends

Thlasik vin tak liamin nipui a lo thaw a, an awmna phul hmun chamdiaiah chuan pangpar chi tin reng a rawn vul a, chung pangpar te chu khuai leh phengphehlep ten an bawm a, sava chi tinreng an chiar noh noh a. Chu nipui lo thleng lawmna’n chuan chung phul hmunah te chuan dar an vaw thin a, chu dar ri chu hlim au thawmin a pawlh thin. Joe te chhungkua hi a phur berah an tang thin a, dar vuak hmasak inchuhin an unau an innek a; an au chel chul bawk a, a pa chuan, “In nau Joe kha vuak hmasak tir rawh u,” tiin thupek a han chhuah a, Joe chu a vaw hmasatuah a tang leh nge nge thin. Mahse, a pa awm loh hnuah erawh engkim a chuai a, nipui lo thleng chuan dar vuaka lawm a hlawh zo tawh lo va, dar pawhin hlutna a nei tawh hek lo.

Ring out the bells again
Like we did when spring began
Wake me up when September ends
Like my father come to pass
Twenty years has gone so fast
Wake me up when September ends

Joe te hian a pa thih hnu kum 7 ralah a thianpa Mike Dirnt nen Sweet Children an din a, a hnuah he Band hi tun thleng a kan hriat lar Green Day tiin a hming an thlak a. A pa sunna hla hi a pa thih atanga kum 20 –na-ah a phuah ve chauh a ni. Tuna kan sawi mek "Wake me up when September ends" tih hla hi kum 2002-a Green Day Album tihchhuah ‘Shenanigans’-ah khan telh tum a ni na in Joe hian a sak dawn apiangin a mitthlaah a pa a hmu thin a, a thianten nalh ti viau mahse a sak hleihtheih tak loh avangin kum 2005-a an tihchhuah ‘American Idiot’ Album–ah an telh ta chauh a ni.

Chester Itea Vanchhawng

Kan Ram Dan Thenkhat

1. Lehkhachaih i chaih dawn chuan Indian Aircraft Act 1934 angin Aircraft i khalh dawn tihna ani a Pilot Licence la hmasa ang che.

2. Delhi ah khau rual (Locust) i hmu hlauh a nih chuan khuang beng chungin tuallaiah mi dangte chu ralkhel dar i vuak sak ngei tur ani. Weeds Act 1949.

3. Indian Serais Act 1887 in a phal sak che angin khawi Hotel ah pawh a thlawnin zun ram i thiarin tui i insak thei a, i ran te pawh tui i pe thiang.

4. IPC 497 na angin i pasal chuan kawppui neilo hmeichhia a kawp chhung chu uire case a charge theih loh.

5. Indian Motor Vehicle Act 1914 dan in a phut angin Andra Pradesh ah chuan Vehicle Inspector ten an ha fai takin an nawt var reng tur a ni a. Ha bal deuhvin man che an tum chuan disqualified inspector an ni tih hria ang che.

6. Indian Post Office Act 1898 chuan lehkha inthawn ken kual reng reng chu sawrkar tih tur ani a tih avangin tu lehkhathawn mah i keng ngawt thiang lo. Mahse an lo man dawn palh che a nih chuan lehkhathawn (Letter) a ni lo, lehkha pawimawh (Documents) a lawm ti hlauh la i him thei thung.

7. Indian Factories Act 1948 in a phut angin Factory neitu i nih chuan hlum bel ami kher tui i in tur ani a, kangmei chhuah palha in venna turin Bucket rawng sen ah balu i dah khat reng tur ani. Tin Electrict i hman zat hi Horse Power ngeiin (Kilowatt nilovin) i teh tur ani.

8. Seditious Meeting Act 1911 in a phut angin lam honaah (party etc.) Tum khatah pair 10 aia tam in lam thiang lo.

9. Section 294(a) IPC 1860 angin mahni in that te hi man theih an ni a, mahse inthah tumte erawh an man ngawt theih loh chuvang chuan intihlum lo mai rawh an man ang che.

10. Ganga ah lawngleng hmanga in fiam i tum a nih chuan fine tur Rs. 12 Annas inring sa ang che. A dang a theihloh ..Ganges Toll Act 1867.

11. Ro bawm a nih phawt chuan a chhungah Rs 10 lek pawh awm se lo hawn ve ngawt tum reng reng suh. Indian Treasure Trove Act 1878 anga jaila khung hmak theih ani.

12. Reserve Bank of India Act 1935 preamble in a sawi angin RBI hi Temporary Bank mai a nia a rin tlak vak loh mai thei.

Zahmawh Fiamthu

Damdawi inah chuan a rawn harh chhuak hlawl mai a. A chhip atanga a ke thleng chuan alo intuam bur mai a.

Doctor chu a rawn lut a, amah chu a rawn be ta nghal a,
"Eee, kha i rawn harh chhuak ta maw, engmah i hriat pawh ka ring chiah lova, kan hrilh ang che, nimin khan in Motor chuanna kha a Accident a, in Motor phei kha chu a chhe hneh lutuk, mahse nang chu i vannei khawp mai, i Ruh engmah tliak a awmlo, Ke in i kal leh vat thei ang. Mahse, thil pakhat a awm. Lo la na lutuk lo la, i Sazu kha in Accident na ah khan alo in tanchhum a, an rawn hmu zo lova, Sazu tello in an rawn phur thleng ta che ani," tiin a hrilh ta a.

Chupa chu a rum ta nghut a, mahse Doctor chuan a thusawi lai chu a chhunzawm ta zel thova,
"Insurance ah Rs 30,000/- chu i hmu nghal mai anga, tichuan thiamna te pawh a sang tawh a, i Sazu pawh a dangin kan thlaksak thei nghal ang che. Tin, a hma aia tha zawkin kan thlaksak thei nghe nghe ania, amaherawhchu, a thlakna man erawh hi chu a to viau. Inches khatah Rs 50,000/- zel ani," ati leh ta a.

Chupa chu a rawn tho kang awk a. A rawn tho kang ur ur tih a hmuh chuan, Doctor chuan, "a sei zawng chu nangma thu thu ani ang, a thlakna man hi a san em avangin innu nena in titi dun pawh a tha ang. A hma in Inches 4 a sei ilo neih thin chuan, Inches 8 a sei pawh i nei duh maitheia, mahse, innu duhdan pawh alo ni kher lo thei a, Inches 9 a sei ilo nei thin a, mahse sum lama i harsat deuh avangin, Inches 5 a sei pawh i duh maithei a, mahse innu alo lungawi lo leh maithei bawk a, chuvang chuan in nupa a inlo titi dun hi ka duh ani," ati leh a.

Chupa pawh chuan annu lo titi pui chu a remti ve ta a.

A tukah chuan, Doctor chuan a rawn tlawh leh ta a.

Doctor: In lo titi dun ta em?

Damlo : Aw.

Doctor : I thutlukna ah chuan a pui thei che maw?

Damlo: Aw.

Doctor: Enge innu duhdan te chu?

Damlo: Kan Choka sak that a duh zawk a.

Master Key

Nula:
Hmeichhia hi hmuhsit kan hlawh ve ngawt mai.
Tlangval:
Eng vang ngawt chuan maw?
Nula: Nangni Mipate chuan Hmeichhe hrang hrang lo mutpuiin lo thei ta ula, Tlangval Luck in ni daih a; keini Hmeichhia chuan Mipa pahnih pathum vel lek pawh lo mutpui ila, miin an hriat chuan Nula Lepchiah min ti daih bik a.
Tlangval: A ni reng ang chu.
Nula: Eng vang ngawt bikin maw?
Tlangval: Chahbi pakhat hmanga Tala hrang hrang kan hawn theih chuan chu Chahbi chu Master Key kan tia, Chahbi chi hrang hrangin a hawn theih Tala hi chu Tala chhia kan tih țhin hi.

AK 47

Indopui II-na vanglai khan Russian Tank Corps a Officer pakhat Mikhal Timofeyevick Kalashikov chu Brausk Indona-ah kum 1941 favang lai khan hliampui tuarin a let reng mai a, he a damloh chhung hi a tangkai thei ang ber a hman a duh avangin, kum 1946 tir lam khan Assault Rifle changkang leh pianmawi zet mai a rawn duang chhuak a, he silai hi Kum 1947 a an introduce chauh avangin, a siamtupa hian a silai hming thar atan Avtomat Kalashikov 1947 (AK 47) tiin a hming a phuahsak ta nghe nghe a ni.

Kalashikov atan chuan hetiang khawpa silai rintlak leh changkang siamchhuaktu nih chu a in chhuan thlak viau ang le, Doctorate Degree hial an pe a, mahse kum 1995 khan a vawikhat nan England a tlawh tumin a thilsiam chhuah thuah a inchhir thu a sawi, hetiang hian a sawi a, “Ka ram leh hnam ka hmangaih avang liau liau in he silai hi siam ka ni a, mahse, tunah chuan khawvel hmun hrang hrang a helho leh a pawngpawrh nazawng hian nunna sang tel suat nan an hmang ta a, hei hi ka ngaihtuah chhuah chang chuan ka mittui a tla thin,” tiin a sawi chhuak a ni.

AK 47 hian 7.62 x 39 m.m silaimu a hmang a, a Barrel hi Incheses 16.34 a sei a ni a, Minute khatah Silaimu round 600 a kap chhuak hman a, KM. 1 chuangah pawh a kah chu na tak a la ni. A Magazine-ah hian mu 30 zet thun theih a ni a, Automatic lo pawhin, a Single in a kah theih tho bawk. A mu thun khah in pound 8.87 a rit a ni.

Russia ram bakah Romania, China, Hungary, Finland, North Korea, Yuogoslavia, ram ten an siam ve a. Tin, a siam ve lemlo ram tam takin an Sipai te an hmantir bawk a ni. Tun a Mizoram Police ten an ken tam ber hi chu Russia siam a ni a, AK 47 siamtu ramte hi a Silaiah hian chhinchhiah na hran an nei lem lova, Sector Marking-ah hian chhinchhiahna hrang an nei thliah thung. Chuta tang chuan a hriat hran theih vek tho a ni.

AK 56 an tih mai hi awm herh vang mai mai leh hriatsual vang mai mai a ni, Chinese ho khian AK 47 siam kha hming hran an put tir a, Type 56 an ti a, AK 56 ni lovin AK 47 tho kha a ni a, ram danga an thawnchhuah phei chu M.22 an la tih tak deuh deuh hi, chuvangin AK 56 hi khawi ram mahin an siam lova, a awm hek lo.

Amaherawhchu, AK 47 pawh hi tlem tlem in an Modify ve hret hret tih erawh hriat a tha.

Kalashikov


AK 74 GL


AK 74-1pn51


AK 74

Rohlu Ber

Putar-in Thlanmual ram tawha, 'Ka Ro Hlu Ber' ti-a a sawina lai chu ral atang chuan an thlir dun a. Thlanmual chu an hmu ngei a, mahse, 'RO' chu a awm ngei ang em? Chèng nuaih 80 an pe tawh si a!

Thlanmual chu an thleng chho a. Putar sawi ang chuan engkim a thleng dik a. A Fapa Naupang Thlan awmna hmun bik pawh harsa lo takin an hmuchhuak thuai a. An Thinlungah Ro hlu tak, Pawisaa chantíra, chèng pawhin a lei theih loh tùr khawpa hlu, 'Rohlu ber' chu lei chhùng rilah phum tel a nih tlat avángin chu chuan chakna a pe a, an lai nghàl ta mial mial a.

Hah thi kula an laih hnu paw'n an hlawhchham let der a. Mipa naupang, kum sàwm liam taa an phum tak ruhro bàk an lai chhuak lo! Beidawngin, thinur takin an pafa chuan an inphur haw leh ta ringawt a.

Zànah In an thleng a. An thenawmpa thawm ri va reng reng an hre thei tawh lo. Phone-a biak an tum nasat poh leh an beidawnna titamtu lek a ni si. Thenawm khaw veng te lahin a chanchin engmah sawi zui tùr an hre hek lo.

Putar ni àwm taka langa tawng vél chu putar a ni hauh lo! Lemchangtu zahawm tak a ni zawk!

He mi te pafa hian an thenawm, putar ni-a an hriat, hapta khat chauh liam taa rawn awm ve chauh hnén atang chuan ram buai lai taka a lei ro hlu ber, sum tam takin a lei zawh loh tùr khawpa hlu a phum thu chu awihawm taka sawiin, an sum neih chhun chu pe in, chu thlanmualah chuan an kal ta kha a ni a. Chu putar ro phum chu hmuh pawh an va hmu ngei mai. Mahse, suma chantìra hausakpui chi zia zang a ni lo. Chu putarin, 'ka rohlu ber' a tih chu eng dang ni lovin, a rila rah, a fapa ngei mai chu a ni!

Chu chu, suma chantír theih 'Ro' emaw tiin, he mi te pafa hian an duhàmna bengin an ngaithla a, an neih sa paihin a aia tawm zawk neih an tum a, mahse, hlep tùra an ngaih chu an hloh ta zawk a ni!

I zawh tàwk aia rit i phurh chuan In i thlen hmain i chau chhe mai ang!

- KC-i Pa, Khawlhring

Hmelthatna Thuruk

Pa hausa deuh mai hian Missionary School-ah a Fanu dah ve a duh a, a duhna chhan chu Missionary Training-ho chu an hmêlthat thin em vang a ni. School Principal chuan, “Engatinge khawpuiah School tha tak tak a tam a, kan School-ah kher i Fanu i rawn dah duh tlat le?” tiin a zâwt a.

Ani chuan, “I Naupangte hi an lo kal tirh khan chênbeh ve tak tak, Hmeltha lem lo tak an ni a. An awm rei hnu hian an hmêl a tha em em zel mai hi ka Fanu tan pawh ka duh ve alawm. Eng nge a chhan?” tiin a zâwt lêt a.

Pricipal chuan, “An hmêl thatna turin engmah kan ti bik lo. Missionary thawh an duh chhan Lalpan a thuam mawi a nih hi; an Hmelthatna hi pâwnlam siam chawp ni lovin, chhungril lam atangin a ni zawk e,” tiina chhâng a.

Vân lam Powder hmanga chei hian belhchian a lo dâwl hle a lo ni!

Tute pawh mai hian hmelthat hi kan duh theuhmai! FB profile lamah pawh kan lan thatna ber kan târ chhuak a ni a, a takah kan inhmu ang tih hlauhawm tak a ni thei!!!??? Khawvel thila Hmelthatna hian rei a daih lova, a hautak em mai! Heti khawpa hmelthat/lan that kan duh a nih chuan man chawi ngai miah lovin HMELTHATNA THURUK chu LALPA CHENCHILH THINLUNG hi a ni e. Chhungril lam thatna chuan pâwnlam thlengin min ti-mawi thin a lo ni!

I hmel a ziaawm vak lo a nih pawhin lungngai duh suh; i hmel cheimawina tura insenso vak ai chuan Krista-in i thinlung kha thuam mawi hmasa la, Krista chuan pawnlam leh chhunglam thlengin a thuam mawi dawn che zuk nia! Pianhmang thatna leh hmel mawina nei lo ve tak, keimah ang hi in awm ve ngei ang; Lalpa thuam mawina hi kan mamawh nasa bik a nia aw!! Camping kan han nei a, Councillor Chênbeh ve takte pawh khawtual tlangvalho aiin an luck viau zel thin hi!!!???

I Petera 3:-3 In incheina chu pâwnlam incheina - sam phiar te, Rangkachak thi awrh te, silhfena inthuam te chu ni lovin, thinlunga mihring thurûk chu - rilru thuhnuairawlh leh nunnem, silhfen chhe thei lova inthuam ni zawk rawh se, chu chu Pathian mithmuhin a hlu em em a ni.

Tuaipuia Pa
Thlamuanna Krista
Facebook