Rajputana Rifles

Rajputana Rifles hi Indian Army a Infantry Regiment Senior tak a ni a, an Regimental Centre chu Delhi Cantonment, New Delhi ah a awm ani.

History:
Rajputana tih hming awmzia chu "Rajput ho ram" tihna ani a, tin tunlai Rajasthan State hming hlui a ni nghe nghe bawk. Indian History kan chhiar chuan hmanlai atangin Rajput hnam te an rorum em em a, indo reng an ni bawk. Hmanlai khan Foreigners hrang hrang Mughals te kha an ti thei lo hle thin anih kha. Tin Maratha te nen pawh indo reng thin an ni.

British hoin India an rawn awp hnu khan an ram zauh na atan leh an thiltih venhim nan Martial Race hnam atang te hian sipai a tang tur hi an zawng reng a, 18th Century khan French ho khan heng Rajput hnam hmang te hian indona a an chet that em avangin East India Company chuan heng ang hian sipai a neih ve a tul tih a hrechhuak ta ani. January 1775 khan heng Rajput hnam te hi sipai ah lain 9th Battalion Bombay Sepoys ah a la ani, tin 1896 ah a dang din lehin 2nd Battalion, 2nd Regiment of Bombay Native Infantry a din leh a, 1824 ah 4th Regiment of Bombay Native Infantry, 1881 ah 4th Regiment Native Infantry (Rifle Corps).

1903 ah khan British-Indian Army chu an Administration siamthat niin a hnu 1921 ah heng Rajput Battalion an siam tawh paruk te chu zawmkhawmin Multi-Battalion Regiment thar leh hming thar 6th Rajputana Rifles ah vawmkhawm an ni. 1945 khan Regiment hminga number chu paihin tun thleng a an la rin "Rajput Regiment" tiin a hming an thlak ta ani.

Indopui pakhatna leh pahnihna ah te an che tha hle a, tin Independence hnu ah pawh India hian a indonna ah a telh ta zel bawk. Hmanlai atangin chawimawina an dawng hnem hle a, Victoria Cross pawh paruk lai an la ani. Tin Param Vir Chakra pakhat an la bawk.

Company Havaldar Major. Piru Singh chu 1971 khan India huaisenna lawmman (Wartime) sangber Param Vir Chakra a lo dawng a, tin Mizo tlangval, Regiment of Artillery ami chu India in Counter Insurgency hna thlawk tura a din Rastriya Rifles zinga Rajputana Rifles in an enkawl 18th Battalion-Rastriya Rifles (Rajputan Rifles) a awm laiin 2014 khan India in Peacetime a huaisen chawimawina sangber pathumna Shaurya Chakra a dawng bawk ani.

He Regiment a an 1st Battalion hi Brigade of the Guards Regiment ah sawn niin, tunah chuan 3rd Battalion, Brigade of the Guards (3 Guards) a ni ta a, tin an 18th Battalion pawh Mechanised Infantry ah lehlin niin tunah chuan 11th Battalion, Mechanised Infantry Regiment ani tawh bawk. Tunah hian heng Battalion te hi an din tawhin an enkawl mek ani:

☀ 2nd Battalion (ex 120th Rajputana Infantry)

☀ 3rd Battalion (ex 122nd Rajputana Infantry)

☀ 4th Battalion (ex 123rd Outram's Rifles)

☀ 5th Battalion (former 125th Napier's Rifles)

☀ 6th Battalion

☀ 7th Battalion

☀ 8th Battalion

☀ 9th Battalion

☀ 11th Battalion

☀ 12th Battalion (ex 31st Rajputana Rifles)

☀ 13th Battalion

☀ 14th Battalion

☀ 15th Battalion

☀ 16th Battalion

☀ 17th Battalion (ex State Forces unit)

☀ 19th Battalion

☀ 20th Battalion

☀ 21st Battalion

☀ 28th Battalion