Garhwal Rifles

Garhwal Rifles hi Indian Army hnuaia Infantry Regiment pakhat a ni a, an Regimental Centre chu Lansdowne, Uttar Pradesh ah a awm ani.

History:
Tunhma British hoin India a awp lai khan Gorkha Regiment hrang hrang ah te hian Garhwali hnam te hi heng Gorkha Unit ah te hian a lak pawlh ve nuai thin a, hun alo rei ta zel a Garhwali ho pawh sipai ah an lo tang hnem ve ta tulh tulh a. Gorkhali te nen hian an hnam kalphung te hi a inang hle a, British sawrkar chuan Gorkhali te ho ang chiahin an rinawm leh huaisen zia a hmu tam ta ve tulh tulh ani.

April 1887 ah khan 2nd Battalion, 3 Gorkha Rifles te chu British-India sawrkar chuan Garhwali awmna hlang Company ruk leh Gokhali awmna hlang Company hnih din turin thu a pe a, hun lo kal zel a kum 1891 khan heng Company thar a din a Gorkhali awmna hlang Company hnih chu 2nd Battalion, 3 Gorkha Rifles ah a awm tlang a, a bak zawng Garhwali awmna hlang Company ruk te chu Regiment thar ah chuan an awm ta a, he Regiment thar hi 39th Garhwali Regiment of Bengal Infantry an lo ni ta ani. A tir chuan an Regiment chhinchiahna ah Kukri lem ai ah thawnthu a lar Phoenix sava lem chu hman a ni a, heta tang hian Garhwal Regiment chu a lo piang a ni ta der mai. A hnu deuh lawk kum 1892 chuan an Official title ah pawh "Rifles" tih pek belh an ni a, Garhwal Rifles an lo ni ta a, tin an chhinchiahna pawh Phoenix sava lem ai ah Maltese Cross an hmang chhunzawm ta a ni.

Kum 1981 khan an Regimental Centre pawh ti puitlingin Lansdowne ah an din nghe nghe. He Regiment hian indopui 1 an tel ve a, Victoria Cross pahnih an la nghe nghe ani,

2 February 1921 khan Britain lal chuan huaisen leh rinawm avangin British-Indian Army hnuaia Unit ruk leh Regiment pahnih te chu an title ah "Royal" tih a pe a, chung zingah chuan he Regiment hi tel vein Royal Garhwal Rifles an lo ni ta ani. India in independence a sual lai khan khawlai a civil ho kawngzawh leh thil tichhe pawl te va dang turin leh police hna thawk turin Peshawar ah kum 1930 khan Royal Garhwal Rifles atang hian Platoon hnih tirh an ni a, an sipai te chu civil mi te kap turin thu pek an nih hnu ah an kap duhlo tlat ani. Hemi avang hian India mi leh sa ten an fak leh hle bawk ani,

Indopui II ah an 4th Battalion chu siam leh ani a, tin 5th Battalion pawh siam belh ani a, SE Asia ah Japan ral dang turin he Regiment atang hian an tel nasa hle bawk ani. Tin North Africa, Italy, Abyssinia, the Western Desert, Egypt, Cyprus, Iraq, Syria leh Palestine ah te pawh indonna ah an lo tel tawh bawk. Indopui II-na a tawp tak ah chuan an 1st, 2nd leh 3rd chiah te hi an nei ta ani.

Independence hnu ah hian he Regiment pawh hi a la nung reng a, 1947 a Pakistan in india a rawn run te pawh khan an tel leh a chawimawina te pawh an dawng leh nasa hle ani. India chu Independence ni mahse kum 1950 ah chauh khan Republic a lo ni ta a, hetah hian an Regiment hming "Royal Garhwal Rifles" a "Royal" tih title chu an hmang thei ta lo a, tin an chhinchiahna a British rawng kai te chu tihtawp anni ta bawk. Indenpendence hnu ah hian Korean War ah UN Mission ten an kal a, 1962 War, 1965, 1971 leh Kargil War ah te an lo tel ta zel ani.

He Regiment a an 1st Battalion chu Mechanised Infantry ah lehlin a ni a, tunah chuan he Battalion hi Mechanised Infantry Regiment ah 6th Battalion a lo ni ta ani.

Tin heng Battalion te hi an din tawh ani:

☀ 2nd Battalion (Victoria Cross Paltan or Superb Seconds)

☀ 3rd Battalion

☀ 4th Battalion (Nuranang Battalion)

☀ 5th Battalion

☀ 6th Battalion

☀ 7th Battalion

☀ 8th Battalion

☀ 9th Battalion

☀ 10th Battalion

☀ 11th Battalion

☀ 12th Battalion

☀ 13th Battalion

☀ 14th Battalion

☀ 15th Battalion

☀ 16th Battalion

☀ 17th Battalion

☀ 18th Battalion

☀ 19th Battalion

☀ 121 Infantry Battalion (Territorial Army)

☀ 127 Infantry Battalion (Territorial Army)

☀ Garhwal Scouts(Scout Battalion)

☀ 14 Rashtriya Rifles(GARH RIF)

☀ 36 Rashtriya Rifles(GARH RIF)

☀ 48 Rashtriya Rifles(GARH RIF)