Brigade Of The Guards

Brigade of the Guards hi Indian Army hnuaia Infantry Regiment pakhat a ni a, a Senior ber ani bawk. Tunah hian Mechanised infantry an ni tawh ani.

History
Indian Army ah hian hman atang khan Infantry Regiment te hi hnambil/area/sakhua a siam leh din an ni fo a, India in independence a hmuh hnu khan Indian Army Chief ni thin Field Marshal. KM Cariappa chuan India rama hnam/area atanga Indian Army a mihring awm tlem leh awm manglo (under represented) te chu Indian Army a an luh ve theihna turin Regiment thar din chu tha a ti ani. Hei hi MOD pawh chuan tha tiin hetia kalhmang thar a Regiment siam chu enchhin (experiment) an duh ta ani. Kum 1949 khan he Regiment thar "Guards Brigade" hi an din ta a, a tirah chuan Regiment awmsa atang Battalion pathum (2 Punjab, 1 Grenadiers, 1 Rajputana Rifles) te chu lain he Regiment thar ah hian behtir an ni. Hetiang a nih takah chuan 2 Punjab chu 1 Guards, 1 Grenadiers chu 2 Guards leh 1 Rajputana Rifles chu 3 Guards an lo ni ta ani. Hun a lo kal zel a, "Guards Brigade" tih chu "Brigade of the Guards" tia thlak a ni ta ani.

A lo rei zel a, an mahni pualin Battalion dang te pawh an din zel a, a tirah chuan Infantry pangngai an ni a, kum 1986 khan he Regiment atanga Unit zawng zawng hi Mechanised infantry ah lehlin an ni ta bawk. Guards ho hi vawiin ni thlenga an inchhuana chu hnambik awmlo "All India, All Class" an ni tih hi ani. 1962 Indo-China War atang khan India in indona a tel ah chuan he Regiment atanga Battalion te hi an la tel zat zat a, chawimawina hrang hrang pawh an dawng hnem hle ani.

Tin he Regiment ah hian Ceremonial Title pahnih an nei bawk a, chutah chuan India President hi Honorary Colonel-in-chief a ni a, chuan Chief of Army Staff hi "Honorary Colonel" a ni bawk.

An Regimental Centre chu Kamtee, Maharashtra ah a awm a, tunah hian Mechanised Infantry an nih angin APC/IFV hrang hrang te an hmang a, tin Anti-Tank Guided Missile hrang hrang te pawh an nei ani. He Regiment hian tunah hian Battalion 21 a din tawh a, a tam zawk te hi chu Mechanised Infantry an ni a, tin heng 21 zinga pali te chu Recon leh Support Role pek an ni a, pakhat chu Anti-Tank Guided Missile Battlion a ni ve thung. tin a Battalion zinga pathum te chu Infantry pangngai an la ni reng a, infantry la ni zinga pahnih te chu Terretorial Army Battalion an ni. He Regiment hi Indian Army in Regiment a neih te zinga hnambil/sakhua/area based a Regiment siam nilo pathum zinga pakhat ani. A dang te chu:
Parachute Regiment leh Mechanised Infantry Regiment te an ni. Tunah hian heng battalion te hi a nei ani.

☀ 1 Guards (Mechanized) (ex 2 Punjab)

☀ 2 Guards (Mechanized) (ex 1 Grenadiers)

☀ 3 Guards (Mechanized) (ex 1st Rajputana Rifles)

☀ 4 Guards (Mechanized) (ex 1 Rajput)

☀ 5 Guards (Mechanized)

☀ 6 Guards (Mechanized)

☀ 7 Guards (Mechanized)

☀ 8 Guards (Mechanized)

☀ 9 Guards (Mechanized)

☀ 10 Guards (Mechanized)

☀ 11 Guards (Mechanized)

☀ 12 Guards (Recce & Sp)

☀ 13 Guards (Mechanized)

☀ 14 Guards (Mechanized)

☀ 15 Guards (Recce & Sp)

☀ 16 Guards (Mechanized)

☀ 17 Guards (Mechanized)

☀ 18 Guards (Mechanised)

☀ 19 Guards (Recce & Sp)

☀ 117th Infantry Battalion (Territorial Army)

☀ 125th Infantry Battalion (Territorial Army)