Jammu & Kashmir Light Infantry (JAK LI)

JAK LI hi Indian Army hnuaia Infantry Regiment pakhat a ni a, an Regimental Centre chu Srinagar Airport bul Avantipur, J&K ah a awm ani. an zinga 50% te hi Muslim Community atanga lak an ni a, abak zawng chu J&K mi leh sa te an ni.

History:
India a independent hnu deuh lawk khan Pakistan chuan Kashmir te hi awp tumin kum 1947 khan a rawn run ta a, hetia Pakistan sipai te lo do let turin Paramilitary dang Local Militia te din a ni nual a, heng Militia hrang hrang te hi Indian Ministry of Home Affairs (MHA) hnuaiah awmin MHA hian heng Militia te hi ho turin leh Training pe turin Indian Army Officer tanglai Brigadier. Lekhraj Singh Puar (Garhwal Rifles) chu a ruat a, Brig. Puar leh a team ten heng Militia (Irregular Force) te hi a hoin Trining te an pe a, chutichuan heng Militia te tanpuina hian India sipai te chuan Pakistan te chu LOC ah an nawr let leh thei ta ani.

Hetia he Militia an hmingthat avang hian an hotupa Brig. Puar chuan MHA leh MOD ah chuan a ngaihdan leh tha a tih dan te chu a chhawpchhuak a, a ngaihdan ah chuan heng Paramilitary Militia a din ho te hi Indian Army ah Infantry Regiment nghet a thlak (convert/transfer) chu ani. Hetia a buaipui lai hian China Border lam veng turin a Militia zinga 7th leh 14th Battalion te chu kum 1963 han lak hran niin Ladakh Scouts siam a ni ta bawk ani. Brig. Singh a Report leh Plan pek te chu a takah rawn thlengin a Militia din te chu kum 1972 khan Army Infantry Regiment pangngai ni turin lak an ni ta a, a Paramilitary din te chu "Jammu and Kashmir Militia" an lo ni ta a, Regiment chu a lo piang ta ani. Brig. Puar chu an Colonel of the Regiment a ni hmasa ber nghe nghe a, kum 1976 khan an hming chu thlak lehin "Jammu and Kashmir Light Infantry" an lo ni ta ani.

JAK LI te hi 1984 khan Siachen Conflit ah khan an che tha hle a, 8 JAK LI ho phei chuan Pakistani Post 21000 Feet a sangah te an han awm ani. Tin he indonna ah hian an zinga mi Naib Subedar. Bana Singh chuan India rama sipai chawimawina sang ber Param Vir Chakra a dawng nghe nghe ani. Tin Operation Pawan, Sri Lanka ah te an tel , Somalia buai lai khan UN Mission in an tel ve bawk ani. Kargil War pawh khan an che tha leh hle a chawimawina hrang hrang te an dawng bawk. Sawi ang hian Militia an nih lai a an 7th leh 14th Battalion te hi lak hran an nih hnu a Ladakh Scouts ah 1st leh 2nd Ladakh Scouts an va ni ta a, tunah chuan heng Unit te hi an nei ani.

☀ 1st Battalion

☀ 2nd Battalion

☀ 3rd Battalion

☀ 4th Battalion

☀ 5th Battalion

☀ 6th Battalion

☀ 8th Battalion

☀ 9th Battalion

☀ 10th Battalion

☀ 11th Battalion

☀ 12th Battalion

☀ 13th Battalion

☀ 15th Battalion

☀ 16th Battalion

☀ 17th Battalion