☀ Lei durh leh Ka chhung na pumpui chak loh hnathawh emaw kan tih hi a ni lo a, amaha lo na ve zawk a ni.
☀ Nausen bual dawna a bualna tur tui pek hi chin loh tur, Naute damloh na thlen thei tu zawk a ni.
☀ Ha to dawna Kawthalo hi Ha to hrim hrim vang ni lovin, Ha ziau vanga thil hrang hrang an ei thin vanga Kawthalo an ni zawk.
☀ Damdawi chhin hi naupang damdawi pekna tur ani lova, a chhin Plastic hi tehna tur, hman zawk tur a ni.
☀ Saisu rah awrhin naupang kaih a veng lo kaih tam ber Febrile Convulsion hi amaha reh mai thin a ni.
☀ Naupang ha thial hi Rulhut pai vang ni lovin tlakchham neih vang zawk a ni. Tlakchham siamtu hrang hrang karah Rulhut pai hi a ni ve thei mai zawk ani.
☀ Nu in a chhang tur a pai san hian nu Hnutetui a chhe chuang lo. Nautein a hne chhunzawm zel tur ani zawk. Nau Nuhah kan tih pawh hi Hnutetui leh Eitur tha khamkhawp kan pek loh vang ani zawk.
☀ Vitamin hi Than duhna leh Len thur thur na ani lo. Vitamin mamawh lo inpek ve tawp kan ching. Hah dam, Chaw ei that, Hmawmsawm eitlem, Thei ei tam etc. hi than duhna leh len thur thur na ani zawk.
☀ Nau thimhlim sual, Zan tah vei kan tih thin hi thil dang ni lovin an puar that tawk loh vang te, an lum that tawk loh vangte, hnute an hnek laia boruak an lem palh vanga an pum nat vang te a ni fo zawk. Puar tha taka hnute dik taka hnek tirin a reh mai. Naute hnute sual thin te pawh pawm dan dik thlap a hnek tirin a reh mai.
☀ Awmnapui (Pneumonia) pawh hi mi tam ber chuan an vei nawn sek lo. Awm na leng thin tam ber hi Viral leh Allergy vang a ni zawk. Rei tak khuh phei chu Pneumonia vang ni lovin, thil dang vang ani fo.
Dr Lalhmuchhuaka MD
No comments:
Post a Comment