Sikh Regiment

Sikh Regiment hi Indian Army a Infantry Regiment pakhat a ni a, an Regimental Centre chu Ramgarh Cantonment, Bihar ah a awm ani. He Regiment hi Sikh Light Infantry nen a sakhaw hminga Regiment awmchhun an ni. British Empire leh India hnuaia chawimawina dawng tam ber pawl Regiment a ni nghe nghe ani.

History:
Hmanlai Sikh sakhaw din tantirh anih atang khan a zawmtute hi an sakhua vangin sakhaw dang ho ten han nuai chimit tum te hi an awm a, a bikin Islam ho leh Hindu ten nuai chimit an tum fo thin avangin he sakhaw zawmtu te chuan an pawl invenhim nan sipai pawl anga din chang te hi an lo nei fo ani. Maharaja Ranjit Singh, Sikh sakhaw zawmtu chuan Sikh hnam hrang hrang te zawmkhawmin Khalsa Army a lo din tawh a. He Khalsa Army te hian Mughal, Afghan leh sap te ho pawh an lo do fo thin ani.

Kumpinu in Sikh Empire a lak hnu khan 1846 ah he Regiment atan hian Battalion hmasa ber tur chu din a ni a, 11th Sikh Regiment tia hming phuah ani. Battle of Saraghari ah phei chuan he Regiment sipai 21 chiahin hmelma za chuang an lo dang bet zui a, British sawrkar phei chuan he chanchin an hriat hian an Meeting lai chu titawpin heta boral te ho sun nan hun an hmang nge nge ani. Tin heng Sipai-21 te hi Indian Order of Merit an dawng vek nghe nghe.

Indopui 1 leh 2 ah te khan Sikh Regiment te hi an tel ve ve a, WW1 leh 2 ah hian Sikh sipai 83005 in nunna an chan a, 109045 an inhliam bawk ani. Heng hi khawmual (Continent) 3 a an indonna ah te ani. Tin 1945 thleng khan Victoria Cross 14 an dawng nghe nghe. Tuna Pakistan nen a inthen hma a chhiar chuan a zavaiin 40 an dawng ani.

Independence hnu in Indian Army thar chuan a tih angin heng Regiment hrang hrang te lakhawmin Regiment lian pakhat ah a hnawh khawm a tuna Sikh Regiment hi a lo oiang ta ani.

He Regiment a Man-Power te chu Sikh sakhua zawm te atangin a la thin a, Officer te chu khawi hmun leh hnam/sakhua atangin an kal thei vek ani. Eng nge maw lai khan he Regiment a an 13th Battalion chu Sikh kher nilo, hnam dang atanga lak leh siam a ni a, Sikh, Dogra, Garhwal, South Indian hnam te inpawlhin lak ani, Mahse a hnu ah Sikh chauh in an la leh ta ani. Tin Sikh Light Infantry Regiment ho nen hian Chakram hi an Turban lukhum ah an la pai ve reng ani.

Tunah hian heng Unit te hi an din tawh ani.

☀ 2nd Battalion

☀ 3rd Battalion

☀ 4th Battalion

☀ 5th Battalion

☀ 6th Battalion

☀ 7th Battalion

☀ 8th Battalion

☀ 10th Battalion

☀ 11th Battalion

☀ 13th Battalion

☀ 14th Battalion

☀ 16th Battalion

☀ 17th Battalion

☀ 18th Battalion

☀ 19th Battalion

☀ 20th Battalion

☀ 21st Battalion

☀ 22nd Battalion

☀ 124th Infantry Battalion (Territorial Army)

☀ 152nd Infantry Battalion (Territorial Army)

☀ 157th Infantry Battalion (Territorial Army) - Home and Hearth

An 1st Battalion hi Mechanised Infantry ah lehlin a ni a, tunah chuan 4th Battalion Mechanised Infantry Regiment a ni tawh bawk. 8th Battalion phei khi chu Mizoram buai tan a, Indian Army zinga rawn lut hmasa ber an ni nghe nghe.