Assam Regiment

Assam Regiment hi Indian Army-a Infantry Regiment pakhat a ni a. 15 June 1941 khan Lt Col. Ross Howman in a din ani.

History:
Assam thendarh a nih hma (Undivided Asom) khan Assam chhunga hnam hrang hrang te tangkhawm khan Battle of Saraighat khan Mughals ho kha an lo hneh a. Hemi avang hian Kumpinu pawn Assam a rawn awp tel hnu khan heng hnam hrang hrang leh tawng hrang hrang nei te hi sipai a lak tha an ti a, an huaisenzia an hmu tel ani.

Indopui pahnihna a lo thleng a, Japan rallian lo dang turin British-Indian Army te chuan heng hnam hrang hrang te hmang hian Regiment thar siam chu rem a ti ta a, 1941 khan Shillong ah din chhoh tan ani a. He Regiment naupang te hi an siam hnu ah Kohima indona, Aradura indona, Jessami indona ah te khan an lo tel a, kumpinu Sawrkar pawh hian din fuh a inti hle a, an huaisenna te chu an chhuang hle ani.

India a Independence hnu khan India sawrkar chuan he Regiment hi thiat ta lovin kalpui zel chu tha an ti a, India in indonna a, a telna ah chuan an la tel fai ve zel ani. Tin UN Mission ah te pawh kal tir fo an ni ta zel bawk.

He Regiment hi an inchhuanna em em chu Hnam, Culture, Tawng hrang hrang te inzawm khawmna Regiment an ni hi ani a, hei hi vawiin ni thlengin an la vawng nung ani. Tin Regimental Centre ah Happy Valley, Shillong hi an hmang ani. Tin Battalion hrang hrang a siam bakah Regiment te chi "Arunachal Scouts" te pawh he Regiment hian a din ani.

He Regiment hian heng Battalion te hi a siam tawh ani.

☀ 1st Battalion

☀ 2nd Battalion - Second to None

☀ 3rd Battalion - The Phantom Third

☀ 4th Battalion - Formidable Fourth

☀ 5th Battalion - Fighting fifth

☀ 6th Battalion - The Sabre Sixth

☀ 7th Battalion - Striking Seventh

☀ 8th Battalion - The Head Hunters

☀ 9th Battalion - The Nimble Ninth

☀ 10th Battalion - The Thundering Tenth

☀ 12th Battalion - Daring Dozen

☀ 14th Battalion - Ferocious Fourteenth

☀ 15th Battalion - One Five

☀ 16th Battalion - Soaring Sixteen

☀ 17th Battalion

☀ 119 Infantry Battalion(T.A)-Assam Terriers

☀ 165 Infantry Battalion(T.A)-Manipur Terriers

☀ 166 Infantry Battalion(T.A)-Tezpur Terriers

☀ 35th Rashtriya Rifles

☀ 42nd Rashtriya Rifles

☀ 59th Rashtriya Rifles

☀ 1st Arunachal Scouts

☀ 2nd Arunachal Scouts

Tin he Regiment atang sipai te hian huaisen chawimawina te an la nual tawh a. Tin, NE India atang hian hnam hrang hrang leh a dang te atangin a sipai tur te hi a la ani.