Kumaon Regiment

He Regiment hi Indian Army a Infantry Regiment Senior pawl tak a ni a, an Regimental Centre chu Ranikhet, Uttarakhand ah a awm ani. He Regiment a a Man-Power an lak na te chu Kumaoni hnam leh Ahirs hnam te atangin ani.

History:
Kumaoni hnam te hi Martial Race pakhat an nih angin hmanlai atang khan sipai a tan hi hna ah an nei nasa hle a, Mughals ho phei chuan Kumaoni hnam te hi chiang takin an awp lo a, amaherawh chu Mughal ho mai bakah British leh Nepal lamah te sipai ah an tang nasa em em bawk a, acnang phei chuan Mercenaries niin Anglo-Nepalese War ah phei chuan Gorkha lamah leh British lamah an tang ve ve nghe nghe ani.

19th Century khan East India Company sipai zingah khan a hlawm in an tel a, hetah hian Hyderabad Contingent hnuaiah awmin British Officer hnuaiah an awm a, mahse Nizam of Hyderabad in an hlawh leh enkawl na man a tum thung (Nizam of Hyderabad hi East India Company hnuaia awm an ni tawh). East India Company hnuaia an awm lai pawh hian Kumaoni Battalion hrang hrang, Formation dang dang ah siam ani fo a, indona hrang hrang ah te an lo hmang nasa hle ani. Indopui pakhatna lai khan Kumaon Battalion thar din leh a ni a, he Battalion hi 4/39th Kumaon Rifles tiin hming an sa a, a hnu ah he Battalion hi 1st Battalion, 50th Kumaon Rifles tiin a hming siamthat a ni leh ta a, chuan 2nd Battalion thar siam belh a ni bawk. Hun a lo kal zel a indopui pahnihna tawp hnu khan Hyderabad hnuaia Kumaoni sipai pawl (19th Hyderabad Regiment) chu 19th Kumaon Regiment tia thlak leh ani ta a, British hoin India an chhuahsan hnu khan Indian Army thar chuan heng British in Kumaoni awm khawmna sipai pawl Unit hrang hrang te hi lakhawmin, Regiment khat a dahkhawm tur chuan hma a la ta a, tun thleng a la awm Kumaon Regiment chu a lo piang ta ani.

Indopui pakhatna leh pahnihna bakah, 1962, 1965, 1971, Siachen Conflict, Operation Pawan, Kargil ah te an tel ve zel a, chawimawina hrang hrang te an dawng nasa hle ani. Tin he Regiment atanga Unit thenkhat te hi Nagaland a an awm laiin Naga mipui pawn an zah em avangin Nagaland sawrkar leh India sawrkar inremna anga Indian Army hnuaiah Regiment te chi, Regiment lian hnen atanga puihna dawng tura Naga Regiment an din pawh khan Nagaland sawrkar chuan Kumaon Regiment puihna a siam an thlang bawk ani, Kumaon Regiment ah hian Naga Regiment leh Kuamon Scouts te a awm ani.

Tin he Regiment hi an inchhuanna chu an Regiment atang hian Army Chief pathum lai an hnen atanga Commision an awm bawk ani. chungte chu General SM. Srinagesh (4th Kumaon), General K.S. Thimayya (4th Kumaon) leh General T.N. Raina (14th Kumaon) te an ni.

He Regiment a an 1st Battalion ni thin chu Airborne ah lehlin a ni a, tunah 1 Kumaon hi 3 Para (SF) a ni tawh a, chuan an 14th Battalion pawh Mechanised Infantry ah lehlin ni bawk in tunah 5th Battalion, Mechanised Infantry Regiment a ni tawh. Tunah hian heng Unit te hi an siam tawh ani:

☀ 2nd Battalion

☀ 3rd Battalion

☀ 4th Battalion

☀ 5th Battalion

☀ 6th Battalion

☀ 7th Battalion

☀ 8th Battalion

☀ 9th Battalion

☀ 11th Battalion

☀ 12th Battalion

☀ 13th Battalion

☀ 15th Battalion - (former Indore State Infantry)

☀ 16th Battalion

☀ 17th Battalion - (ex 31st Battalion)

☀ 18th Battalion

☀ 19th Battalion

☀ 20th Battalion

☀ 21st Battalion

☀ 111th Infantry Battalion (Territorial Army)

☀ 130th Infantry Battalion (Territorial Army)

☀ Kumaon Scouts

Tin sawi tawh angin Naga Regiment pawh a enkawl tel bawk a, Naga Regiment te hian Regular Battlion pathum leh Territorial Army Battalion khat an nei bawk.