Physiognomy

Hmel hmaifang pianhmang atanga hmalam hun tur hrilh lawkna
Tuntum chu thil common lo deuh in la hriat ngailoh thil deuh phawrh chhuak daih teh ang. Kutze en, aien, horoscope te kan tia. Mihring te hian kan hmalam hunah hian eng nge kan tawn dawn tih hi hre chak hian kan za zek zek thin. Mak tak tak mai a mi hmalam hun engtin emaw a hre lawk thei riau, card hmang emaw, crystal ball emaw, kutzia emaw, arsi atangin ani emaw an awm ve tlat. A lem mi bum ching lah an tam. Tuna kan sawi tur hi chu Physiognomy an tih, mihring hmel pianhmang hian an hmalam hun a hril em tih lam ani dawn a ni...

Persian nu pakhat chuan Swiss Physiognomist Johann Kaspar Lavatar hnenah chuan a fanu kum 15 mi chu a hmel hmaifang pianhmang atanga a hmalam hun sawi turin a ti a mahse Lavatar chuan a sawi duh ta lova. Lehkha a ziak a, ip ah a thun a, chu nu hnenah chuan thla ruk hnuah chauh hawng turin a ti a. Thla nga a ral chuan chu nu fanu chu a thi ta mai a. Chu Persian nu chuan thla ruk hnu a lehkhaip chu an hawn chuan a chhungah chuan a fanu chu a hmaifang pian en in thla ruk ral hma in a thi dawn tih Lavater chuan a lo ziak reng mai a ni.

Physiognomy hi hmanlai Babulon ho te, Egyptian ho te leh Greek ho te pawh khan an lo buaipui fe tawh a. Kum 2000 hmalam daih tawh khan Chinese ho pawn an damdawi leh science zirna peng pakhatah an lo hmang daih tawh a.. Middle Age an tih hunlai vel khan aienna lam, astrology te leh kutze enna lam nen an kaih kawpkual vel ta a ni. Hetiang lampang thiam tak Neopolitan scholar, Giovanni Batista della Porta (1538-1615) 'High Priest of Physiognomist' an tih mai, ‘DeHuman Physiognomonia’ tih bu ziaktupa pawh vawikhat chu a hnenah a hmalam hun sawi tur in pa pakhat hi a rawn kal a. Ani chuan a lo en vang vang a atuk chawhnu lam a rawn kal leh tur in a lo ti a.Chupa kal velah chuan Giovanni chuan thuneitu te hnenah chupa chu tual that tur a ni ti in a report ta a. Mahse thuneitu lam chuan an lo uksak lo nasa mai. Engmah tihsual ala neih loh miau avangin man nachhan tur awm hek lo. 'A hmel en in tual a la that dawn,' tih mai mai lah thu tling a ni bawk si lo (Hmel en a sual hmel man tur ni se chu man tur in tam awm). Mahse mak tak mai in chupa chuan kar hnih hnu lekah a nupui chu uire a puh in avit hlum ta der mai a ni.

Hetiang lam zirna hi a bu te pawh a awm nual a, Criminal profiler an tih ho, misual chanchin zir a an chezia, nunphung atanga an thil sual tih dan vel zir chiangho pawh hian an hmang thin. (Kei pawh mahni in ka zir ve hrep tawh...) Hetiang zirnaah chuan mihring hmel hi hmun hrang hrangah then darh a ni a. Chal bawr,mit inkar hlat zawng leh mitmeng bial dan, zim dan etc. te, hnar pian hmang te, biangki leh khabe kual invuah dan te, khabe zum nge bial tih te.. chi hrang hranga tam mai.. rin ai hian a dik duh phian lehnghal.. mak ve deuh chu ania aw. Hmalam hun te em em sawilawk nana an hmang hi chu engtinge an hriat theih dan hi ka hre bik tawh lova, mahse mihring hmel pianhmang atang hian mi rinawm leh rinawmlo te.. mi rilru zau leh zim te, lerh leh lerh lo, hur leh hur lo.. taima leh taimalo etc. te hi chu a hriat tlangpui ve khawp mai... {Ka hre thei ka tilova a hriat theih ka ti a nih hi aw. min rawn zawt leh luai luai ange…}

BigDaddy Hmahmatea II
Duhaisam