300

Spartans mihuaisen 300 te kha
Battle of Thremopylae hi hrelo kan awm nual maithei. Tuntum chu kha indona bik a Spartans mihuaisen mi 300 lek in Persian sipai sing tel rual an lo dan chanchin bik te hi han sawi ve leh lawk teh ang.

300 tih film lar lutuk mai leh hmuhnawm rilru khawih bawk si kha la en lo kan awm mang awm lo ve. Kha film a Leonidas-a leh a ho Spartans indomi mi 300 huaisen zia leh indo thiam zia kha kan hmu anga. Kha film kha phuahchawp mai mai emaw te kan lo ti palh ange.. a teuh lo mai. A tak tak ngat behchhana an siam anih mai bakah a tak ang theitur ber a chan a ni bawk. Kha indona kha a ni khawvel in Battle Of Thermopylae tih a a hriat lar tak chu.

BC 480 khan Persian lal King Xerxes-a leh a sipai tam lutuk tak mai chuan Greece chu runtumin an rawn pan mup mup mai a. King Xerxes-a hi lal naupang tak leh thiltitheitak mai, mahni in vawrh lar thiam tak mai leh fing tak mai ani a. Amah hi pathian mihringa rawn chang anga insawiin 'God King' a inti hial ani. Tichuan Greece hmar lam vaukam kawtchhuah Thermopylae phai ruam lam shortcut atan rawn hman tumin an rawn pan ta mup mup mai. Greek ho chuan lo dan tumin sipai a tam thei ang ber an in la khawm ve ta a.

Chulai phairuam an rawn kal pelh hman hlauh chuan Greek ho tan lo dan ngaihna a awmtawhlo, mahse sipai lam duh angin an la inpeih hman si lo, Persian ho lah an rawn thleng tep tawh mai bawk si. Tichuan an theih chen chen Persian ho lo dangtur chuan Spartan indomi 300 lek mai chu an lal King Leonidas-a ho chuan an thawk chhuak ta. Spartans ho hi indo thiam hmingthang leh huaisen an ni a, Greek ram pumpui a indo thiam ber a ngaih an ni bawk. Tichuan Sparta ram bulvel ami ho te chuan anmahni chu an rawn pui bawk a, ni hnih chhung chu Thermopylae phairuamah chuan Persian ho King Xerxes-a leh a sipai te chu an lo dangbet thei ta a. Mahse Greek ho zing ami pakhat chuan Leonidas-a leh a ho te chu phatsan in Persian ho hnenah chuan hnunglam atanga hualbeh theihna tur tlangkar kawng ruk chu a hrilh ru ta tlat mai.

Tichuan Persian ho chuan hnunglam atangin Spartans ho chu an hual bet ta tlat mai. Anmahni pui tu ten an inthiarfihlim san ta bawk si, Spartan sipai 300 rualchhiah chu Persian sipai sing engemaw zat a tam lo bei tur chuan an awm ta. Mahse Spartans an ni tlat an zam chhete lo. Persian ho chuan inpe mai turin an thlem a, King Leonidas-a phei chu Greece ram pumpui a lalber a siam atan an thlem a mahse Spartans ho chhanna chu, "Spartans ho hian indona mual hi anmahni phaw keng chung ngei a an chhuahsan anih loh chuan an phaw a anmahni zawn chhuah ani mai," tih chu a ni ta tlat mai. Chumi awmzia chu "Kan tang ral thak dawn" tihna ang ani mai. Hetih hun lai hian indona a thi te ruang hi an phaw hian an zawn mai thin reng a ni.

Persian sipai rual sing chuang fe hian Spartans indomi 300 lek chu an ngunhnam leh fei an hman thiam zia an hrechianga zuk han pawmchilh ngam hauh lova mawle. Tichuan an hunlaia an indo dan kalphung inpawmchilh anih chuan inpawmchilh, in ralsai anih chuan inralsai tih dan chu bawhchhia in Spartans ho hnunglam leh hmalam atang chuan an thal kap mi rual chuan an thal ngul sei chi, a kap hla thei chi chuan an han kah rawn ta tak tak mai anih chu.

Spartans pasaltha huaisen ho tan tihngaihna a awm ta lo. An ram an hmangaih em em, an nupui fanau te kalsan a Persian ho awpbehna hnuaia a tluk loh nan a theihtawp an lo chhuah Greece tan chuan chumi ni chuan King Leonidas-a leh Spartans mihuaisen 300 te chuan an nunna an lo hlan ta. Pen khat pawh in an hnungtawlh lo a ni. Battle Of Thermopylae ah hian Spartans ho chu thah chimih ni mahse Persian ho an lo dan beh chhung hian Greek sipai hmun hran hran ami te chu inhlawmkhawmna hun remchang an neih theih phah a tichuan Spartans ho huaisen na leh inpekna avang chuan Greek sipai rual te chuan an ram chu humin Persian ho chu an um let thei ta ani. Chumi avang vek chuan khawvel indo film hmuhnawm berpawl 300 tih chu nang leh kei hian hmuhnawm ti takin kan lo en ve theih phah ta a ni. Spartans indomi 300 te chungchang ka sawi apiang hian ka hnuk a ulh teuh zel. An huaisenna hi a ngaihsanawm thlawt a ni.

BigDaddy Hmahmatea II
Duhaisam