A hmasa berin i Monitor kha a tha ngei em tih chiang ang che. VGA Cable pawh Check la. I vuah nghet tawk em? (a dang i neih chuan hmang chhin la) Tichuan, a dawt lehah chuan RAM kha phawi la, tifai la, a Slot te kha tifai bawk la, nghet deuhin vuah leh ang che. RAM in vuah nghet tawk loh vangin he Problem hi a awm duh khawp mai. A dawt lehah chuan RAM vuah that hnuah pawh a la that chuan loh chuan SMPS (Switched Mode Power Supply) dang hmang chhin ang che. SMPS hi Motherboard Power Supply tu ber a nia. Volt chi hrang hrang (i.e, 12volt, 9volt, 5volt, 3volt..) a pe chhuak. Volt pakhat lek pawh a chhiat chuan Motherboard khan Power Supply duh khawp a hmu dawnlo a, a hnathawh tur ang a thawk thei dawnlo a ni.
A dawt lehah chuan Graphic Card i hmang a nih chuan i Graphic Card vang kha ani thei, a lo chhiat palh tak in Onboard VGA Port-ah khan i vuah chhin dawn nia.
A dawt lehah chuan Processor vang a ni thei bawk a, a bal lutuk te a nih chuan fimkhur takin lakchhuah a, tihfai tur a ni. Chuan Thermal Grease hnawih leh ang che. (a tha chi ngat ni se).
A tawp ber atan chuan a chunga kan sawi tak zawng zawng hi i Apply vek tawh hnuah pawh a la tha theilo a nih chuan Motherboard a chhia tihna ni mai. A thar in i thlak dawn nia
No comments:
Post a Comment