Hringnun Hmachhawn Dan

Nikhat chu Loneitu Sabengtung hi Tuichhunchhuah hluiah a tla palh hlauh mai a, Loneitupa in a chhanchhuah dan kawng a dap mek lai chuan chu Sabengtung pawh chu mangang takin a hram chiam chiam a.

Tihngaihna a hre ngang silova loneitu chuan Sabengtung hi a tar tawh a, chhawrtlak ani tawh chuang lova Tuichhunchhuah lah hi a kangchat tawh tho bawk nen Sabengtung phum nan hian hmang ta mai ila a tha ang ati ta a.

A thenawm khawveng te punin Tuichhunchhuah chhilh hna chu an tan ta a, chutia suahdur khata leivung an thehluh tak mawlh mawlh ah chuan Sabengtung chuan a chantur hrethiam ni maw? Mangang zetin a hram ta nghek nghek a reivaklo hnuah chuan a reh ta daih a!

Hun engemaw chen leivung an thehluh hnu chuan loneitu chu a zu dak chhin a, a thil hmuh chu mak ati takzet mai! A Sabengtung chuan leivung lo tla a hnungzanga kai chu thingtla in a chungah alo lawnkai zel alo ni a. A thingthla a, a rap bêl a, a lawnkai zel a.

Darkar chanve dawn ani ta, Sabengtung chu leivung leh lungnawi tlakna avang chuan a hnungzang a pem nasa tawh hle a, leivung thar rawn tla a hnungzanga bei apiang a thintlak zel avangte chawl lova a rahbêl zui zel avangte chuan a chau tawh takzet zet a, mahse thahnem ngai takin beidawng lovin a thingthla a, a rap bêl a, a chungah a chuangkai zel a.

Hun engemaw chen a kal leh hnu chuan Tuichhunchhuah tlangah chuan thlan tla phúng in, leinawi leh thisen kai nuaih chungin Sabengtung chu a rawn lang ta hlawl a. Mak ti taka an thlir thup lai chuan, a chakna la neih zawng zawng sawmkhawmin vawikhat a han zuang zawk a, a chhuak ta, a him ta, a zalen ta.

Thian duhtak he hringnun ah hian harsatna khuarkhurum thuk taka i tluk luh hun ala thleng ang, chutih mek lai chuan chhuak tawh reng reng lo turin manganna leivung te, beidawnna lungnawi ten an rawn chhilh zui ang che, na hle mahse chhel takin thingthla zel la, chau hle mah la intichakin rap bél zel la, beidawnthlak hle mahse beiseina nen a chungah chuangkai zel rawh, i tuarchhuak thei a, chakna pawh i nei asin eng anga nasa leh lian pawh ni se....... Thing thla la, rap bel la, a chungah lawnkai zel ang che.