Kohhran Minute Hlui Thenkhatte

An phalna ka dil lem lo a, a pawilo ang chu maw?
1.6.1927:-
Tuahzovi hi Pathianni a Puan a tah avangin phuar ani ang.

1.7.1927:-
Kaiphunga hi Pathianni a Maipawl a hralh avangin phuar a ni ang.

1.7.1927:-
Thangdenglovi hi Pathianni in buh a deng a, a chhungte rem tilo chung a ni bawka. Phuar ani ang.

May 1928:-
Tuahzovi hi Tlangval nen lehkha an inthawn a, khawvel zai nen an inthawn thin a vangin phuar remtih a ni.

29.3.1930:-
Tlangval Nula rim chu an mahni an inphuar a ni ang. Nula pawh Tlangval khawingam lutuk chu an inphuar a ni ang.

8.3.1931:-
Lalhliri hi Lianlali nen an thubuai kawngah Lianlali Ar zuar ru a an puhnaah hian tak tak a ni a alan avangin phuar a ni ang.

3.7.1934:-
Tirhkoh Kela hi Pathianni a Ar talh hi a serh em em lovin an sawi a, zawt ila, tak tak a lo nih chuan tilo turin hrilh ila kan ti.

3.7.1934:-
Zamdula hi Pathianni a Zawng venga a kal hi hnathawk lo mahse tih leh hauh loh tur a ni tih hrilh tur a ni.

5.10.1935:-
Dawrkaia ho nula ina an luh a vangin dan angin phuar ani.

4.1.1936:-
Tlang khawnvar Laltin hi Sapkunga pawisa Re 2-in lei a ni a, alo rei tawh bawk si a, rulh ilo tum hram tawh ang.

8.4.1936:-
Heng........ Zu inte hian an sim leh simloh hriat nan 10.5.36 sunday school ah vantlang hma ah sawi se, sim tum zawng lawmpui i la, tumlo chu phuar an ni ang.

4.7.1936:-
Inlawm thu hi tih loh tur a nih sawi nawn leh ni rawh se.

5.6.1937:-
Pastor Thankunga chuan, ''Pathianni in Kaikuang a hralh e'' an ti a. Zawhfiah tur a ni.

2.4.1939:-
Heng naupang Zu in, inkhawmnaa ninhlei hmangte hi sim tura zilh tur an ni a, an sim loh chuan inkhawm lo se la tih a ni.

2.12.1939:-
Krismass nuihza siam hi khap rual lovin tlangval hovin an tum tih an sawi avangin siam mai se kan ti.

Source: BCM Lunglawn Lunglei. Centenary Souvenir (1909-2009)