Pathian Min Hmangaihna Hi A Ropui Em Avanga Tap Ka Ni Zawk Asin.

Putar kum 70 mi a ni a, a Hriselna a pan in natna chi hrang hrangin a tlakbuak a, mahse a tu leh fa te chuan 'a upa ve tawh a, tar chak lo hri anih hi' tiin an enliam mai mai chang pawh a awm thin. Mahse chunga natna te chuan a kawchhung lam ti chhia in a kâl leh a phing vel a dik lova, a zun(g) theih tak tlat lovah chuan Doctor chu an hmuhpui ta nge nge a.

Doctor chuan ''E! A hlauhawm hleinem ka pu, naktuk ah kan zai ang che nga i dam leh vat dawn a lawm'' tiin a lo tawng thlamuan luam a. A tuk ah chuan hlawhtling tak a zai a ni a.

Kar khat zen zawn damdawiina a awm hnu chuan Doctor chuan in lama a inenkawl theih tawh thu leh a damdawiin awmna man bill vel pawh an buaipui mek thu a lo hrilh a. Chumi hnu reilo te ah chuan Doctor chuan Bill chu lo keng va va in ''ka pu, hei i damdawiin awmna man chu anih hi," a ti a.

Putar chuan Bill chu a han en chiah chuan dan zawh rual lohvin a biangah mittui a luang chhuak ngiai ngiai a. Doctor bawk chuan, "ka pu i bill chu a sang lutuk i ti em ni? Lungngai mah ta che vawikhat a pek tlak vek kher a ngai hleinem. Kan in remsiam thei a lawm,'' a ti a. Putar chu khum atang thei leh thei lova in beng kang pah in, "Doctor ka damdawiin awmna man sang lutuk avang a tap ka ni hleinem. Kum 70 na hmang mek ka ni a Pathian in kum 70 chhung zung thei in min siam a, mahse vawiin ni thleng in khang kum 70 chhung zung thei a min siam avang khan vawikhat mah a man min la dil ngailo hi a ropui ka tih lutuk vang zawk ani, in Damdawiin-ah karkhat vel lek inenkawl in ka awm a, mahse ka in enkawlna man chu hetiang khawp a tam hi anih si chuan khang kum 70 chhung Pathian in damna min pek avang khan aman min dil ve ta se mihring te hian engtin nge kan rulh sen teh lul ang ni? Pathian min hmangaihna ropui em avang a tap ka ni zawk a sin," tiin thei leh thei lovin Putar chuan doctor chu a hrilh keuh keuh a.