Portuguese Water Dog:- Ui Chal lawk zet, chhe lutuk lo hmul buk kir deuh an ni a, Lawng atanga thil tla chhartu atan an khawi fing thin a, an Sangha man tur lo khalh khawmtu atan an hmang bawk. Ui zaidam tak leh nelawm tak an nih rualin engemaw nin thut an neih chuan an kawlh viau thin bawk. Ui lampang Alergy nei tan a vulh chi tak a ni.
Newfoundland Dog:- Ui lian chi hmul buk deuh dum deuh renrun hmel en mai chuan nelawmloh zet mai an ni na a ui zaidam tak niin Naupang an lawm a, Naupang chhaih hlimtu atan an tha em em thung. Tuithleuh thiam tak mai an niin tui tla chhartu atan te pawh an hmang thin. Hetiang Ui pakhat pawh hian Napoleon-a tui tla a chhanchhuak tawh nghe nghe. Naupang nei tan chuan vulh chi tak an ni.
Maltese:- Ui te chi, henglaia Ui buk chi a var kan hmuh thin ang deuh hi an ni a, Ui Breed upa tawh tak an ni. Hmanlai Greek ho te pawh khan an lo vulh daih tawh a. Elizabethan hunlai kha chuan natna pawh an tidam thei hialin an ngai a. An hmul a tla nasa ve lova, Alergy nei chi tana vulh chi tak an ni.
Golden Retrievers:- Ui lian hmul sei an ni a, thil chhar tur bik a Breed an ni thung. Mihring an ngaina a, Naupang an chhaih peih a an Thinchhiat loh bakah an Fing duh hle bawk. Ui ngaina chi tan chuan vulh chi tak an ni.
Huskies:- Chinghne pian zaih mai, Mizovin ‘vur ram ui’ kan tih mai, henglaiah pawh hmuh tur a awm ve ta nual. Siberian Huskies an tih ho hi khawvela Ui vulh hlawh berte zing ami an ni ta. A hmul a bit in a sin a, anmahni an lian tha a, an Zaidamin an mawi bawk a, Naupang an ngaina a, Ui dang angin ‘Ui rim’ kan tih ang hi an nei ve lemlo a, mahse enkawl ngun leh Exercise lak pui ngun an ngai thung. Tlanbo daih an ching an tih ve tlat chu. Ui nalh tak vulh duh chuan vulh chi tak an ni.
Poodles:- Ui lian lutuk lo te lutuk lo, hmul buk bit deuh an ni a. An Fing duhin thil zirtir an nawm bakah Mihring an ngaina in chhawnchhaih nuam an ti a. Chutih rual chuan an Pu te chhung hi an chhan thei hle a, Ui dang an ngaithei vak lo bawk. Hmun rem deuh a awm tan chuan vulh chi tak an ni.
Beagles:- Khawvela Ui fing bera an sawi Beagles an tih ho hi Ui lian an ni lo a, an hmul a mam in an beng a uai fual a mahse an rim hriatna a that avangin hnuchhui nan te leh Airport vel a phalloh thil hnim chhuaktu atan an hmang thin a ni. Ui fing zaidam leh nelawm tak an ni a, Naupang pawh an lawm a mahse an uu bengchheng thei em em a. I vulh dawn anih chuan a tet lai atanga a uu bengchheng thunun i tum a ngai ngei ang.
German Shepherds:- Ui Breed upa an ni lo a, Kum 1899 a an Breed chhuah choh an ni a, Ui lian chi zing ami ni in an huai a an Fing a, an rinawm bawk a, Police leh Sipai lamin an vulh uar a, Drugs leh Mihring hnuchhuitu atan leh mi Ruang zawng vel atan an tha hle bawk. Tunah chuan Khawvel puma vulh uar an ni tawh. Mahse kawlh thut chang an nei a enkawl uluk an ngai viau a, Exercise lak that pui an ngai hle.
Pembroke Welsh Corgis:- Queen Elizabeth-i pawhin a vulh ngat ang chi heng Ui hi an lian lem lova an pian a nalh hran lo, an beng a hlai, an hmui a tawi, an tak a sei in an mawng a lian hle bawk. Mahse Hmanlai Welsh ho thawnthuah chuan Lasi ho a chungah an chuang thin an ti a, Ui vulh nuam a vulh tute tilawm thiam tak an ni in Naupang an ngaithei viau bawk. Ui Chaw ei tha duh deuh vulh duh chuan heng Ui hi vulh mai tur.
Labrador Retrievers:- US, Canada, New Zealand, UK leh henglai thleng pawh a lar Labrador hi Ui lian chi zing ami lian uchuak si lo an ni a, Guide Dogs/Service Dogs an tih chi zing ami niin Ui fing duh tak mai, Naupang ngaina zet mai leh fiam nuam tak, thinchhe vak lo an ni a. Police ho pawh hian an hmang tangkai viau. Ui ngaina chi tan chuan vulh chi tak an ni.
Mixed Breeds:- Keini'n ‘Cross Breed’ kan tih mai Ui thlah pawlh ho hi chuti maia hnualsuat chi an ni lo. Eng Ui inthlah pawlh pawh nise Khawvela Ui tha zingah an lang pha ve tlat. Ui Pure Breed ho aiin an Hriselna a tha zawk a, Natna an kai har a, enkawl an awlsamin ei leh in thlengin an duhtui lo zawk a, an awmna Boruak mila an insiam rem theih avangin awlsam taka Ui vulh duh tan vulh chi a ni.
Facebook
BigDaddy Hmahmatea IV
a ni.
Facebook
BigDaddy Hmahmatea IV
No comments:
Post a Comment